அமைதி இல்லம்

மால்கம் எக்ஸ் - மெக்காவிலிருந்து கடிதம்

2012-02-20T22:00:00.000+08:00

I am not a racist. I am against every form of racism and segregation, every form of discrimination. I believe in human beings, and that all human beings should be respected as such, regardless of their colour.

- (Malcom X) Malik al Shabbaz

------------------------------------------------------------------------------------

இன்றைக்கு மனிதர்கள் பலவிதமான் முன்னேற்றங்கள் அடைந்திருக்கிறார்கள். விஞ்ஞானம், மருத்துவம், தொழில்நுட்பம் இப்படி மனித சமுதாயம் அடைந்திருக்கும் முன்னேறம் விண்ணை முட்டுகிறது.

ஆனால் இவ்வளவு ஸ்ட்ராங்கான பில்டிங்கின் முன்னேற்றத்திலும் வீக்கான பேஸ்மெண்ட்டாக ஒருவருக்கொருவர் விரோதத்தையும் குரோதத்தையும் வளர்த்துக் கொண்டே வந்துள்ளனர். இதன் வளர்ச்சியோ முன்னதைக் காட்டிலும் அதிவேகமான வளர்ச்சியாக விண்ணையே துளைத்துக் கொண்டு சென்று விட்டது எனலாம்.

குரான் ஷரீஃபின் அறிவிப்புப் படி மனிதர்கள் யாவரும் ஒரே குடும்பமாக தான் ஆரம்பத்தில் இருந்தார்கள். ஆனால் அவர்களிடையே ஒட்டிக் கொண்டே வந்த பொறாமையின் காரணமாக அவர்களுக்குள் வேறுபாட்டையும் மாறுபாட்டையும் பார்க்க துவங்கினார்கள்.

குரான் ஷரீஃப்

2: ஸூரத்துல் பகர (பசு மாடு)

213வது வாக்கியம்

(ஆரம்பத்தில்) மனிதர்கள் ஒரே கூட்டத்தினராகவே இருந்தனர்; அல்லாஹ் (நல்லோருக்கு) நன்மாராயங் கூறுவோராகவும், (தீயோருக்கு) அச்சமூட்டி எச்சரிக்கை செய்வோராகவும் நபிமார்களை அனுப்பி வைத்தான்; அத்துடன் மனிதர்களிடையே ஏற்படும் கருத்து வேறுபாடுகளைத் தீர்த்து வைப்பதற்காக அவர்களுடன் உண்மையுடைய வேதத்தையும் இறக்கி வைத்தான்; எனினும் அவ்வேதம் கொடுக்கப் பெற்றவர்கள், தெளிவான ஆதாரங்கள் வந்த பின்னரும், தம்மிடையே உண்டான பொறாமை காரணமாக மாறுபட்டார்கள்; ஆயினும் அல்லாஹ் அவர்கள் மாறுபட்டுப் புறக்கணித்துவிட்ட உண்மையின் பக்கம் செல்லுமாறு ஈமான் கொண்டோருக்குத் தன் அருளினால் நேர் வழி காட்டினான்; இவ்வாறே, அல்லாஹ் தான் நாடியோரை நேர்வழியில் செலுத்துகின்றான்.

மேலே படித்த வசனத்தின் படி மனிதர்களிடையே உண்டான பொறாமை அவர்களை ஒருவருகொருவரை வேறுபடுத்தி காட்டியது.

எதையெல்லாம் முன்னெடுத்து வைத்து வேறுபடுத்தி பார்க்க துவங்கினார்கள் தெரியுமா?

பேசும் மொழிகள்

தோலின் நிறங்கள்

- இப்படியாக,

இன்னும் நிறையவே வேறுபாடுகளை கண்டுபிடித்தார்கள் இந்த பொறாமை கொண்டவர்கள்,

உதாரணமாக, பிறப்பை வைத்து வேறுபாடு, சேர்த்து குவித்திருக்கும் செல்வம், மண்டையில் அடைத்திருக்கும் கல்வியறிவு, இவ்வளவு ஏன், நம்மடவர்கள் ஆதார ஹதீதுகளை வைத்துக் கொண்டே நாங்க வேற என்று வேறுபடுத்தி பார்க்க தொடங்கி விட்டர்கள்

குரான் ஷரீஃப்
30: ஸூரத்துர் ரூம் (ரோமானிய பேரரசு)
22வது வாக்கியம்

மேலும் வானங்களையும் பூமியையும் படைத்திருப்பதும்; உங்களுடைய மொழிகளும் உங்களுடைய நிறங்களும் வேறுபட்டிருப்பதும், அவனுடைய அத்தாட்சிகளில் உள்ளவையாகும். நிச்சயமாக இதில் கற்றரிந்தோருக்கு அத்தாட்சிகள் இருக்கின்றன.

மனிதர்களுக்கு இடையேயான இந்த வேறுபாடுகள் இறைவனின் அத்தாட்சிகளில் உள்ளது தான். ஆனால் இது கற்றரிந்தோருக்கு மட்டுமே தெரிகின்றது என்கிறது குரான் ஷரீஃப்.

மன்சூர் ஹல்லாஜ் என்ற சூஃபி ஞானி சொல்வார்கள் - “இறைவனை பார்க்க வில்லையென்றாலும் குறைந்த பட்சம் இறைவனின் அத்தாட்சியையாவது கண்டுகொள்” என்று -

இந்த வேறுபாடுகள் எதற்காக இருந்தாலும் நிச்சயமாக மனிதர்களிடையே உயர்வு, தாழ்வு பேசி பகைத்துக் கொள்வதற்காக அல்ல - இதை குரான் ஷரீஃப் அழகாக ஓர் உதாரணத்துடன் சொல்லிக் காட்டுகிறது.

குரான் ஷரீஃப்
35: ஸூரத்துர் பாத்திர் (படைப்பவன்)
27வது வாக்கியம்

நிச்சயமாக அல்லாஹ் வானத்திலிருந்து மழையை இறக்குவதை நீர் பார்க்கவில்லையா? பின்னர் நாமே அதனைக் கொண்டு பல விதமான நிறங்களுடைய கனிகளை வெளியாக்கினோம். மலைகளிலிருந்து வெண்மையானதும், சிவந்ததும், தன் நிறங்கள் பற்பல விதமானவையான பாதைகளும் சுத்தக் கரிய நிறமுடையவும் உள்ளன.

28வது வாக்கியம்

இவ்வாறே மனிதர்களிலும், ஊர்வனவற்றிலும், கால் நடைகளிலும், பல நிறங்கள் இருக்கின்றன; நிச்சயமாக அல்லாஹ்வின் அடியார்களில் அவனுக்கு அஞ்சுவோரெல்லாம் - ஆலிம்கள் (அறிஞர்கள்) தாம். நிச்சயமாக அல்லாஹ் யாவரையும் மிகைத்தவன்; மிக மன்னிப்பவன்.

மேலே கண்ட உதாரணத்தில் மழை நீர் ஒரே மூலத்திலிருந்து இறங்கினாலும் பல விதமான கனிகளை வெளியாக்குகின்றன, அதே போல் தான் மனிதர்களிடையே பலவிதமானவர்களும் இருக்கிறார்கள், ஆனால் எவர்கள் அறிஞர்கள் என்றால் இந்த வேறுபாட்டை வைத்து பிரிவினை ஏற்படுத்தி அதன் மூலம் பிழைப்பு நடத்தாமல் அவனுக்கு அஞ்சி நடப்பவர்கள் தாம் என்ற கருத்தே இதன் அடிப்படையாகும்.

இன்னொரு வசனம் இப்படி வருகிறது...

குரான் ஷரீஃப்
49: ஸூரத்துல் ஹுஜுராத் (அறைகள்)
13வது வாக்கியம்

மனிதர்களே! நிச்சயமாக நாம் உங்களை ஓர் ஆண், ஒரு பெண்ணிலிருந்தே படைத்தோம்; நீங்கள் ஒருவரை ஒருவர் அறிந்து கொள்ளும் பொருட்டு. பின்னர், உங்களைக் கிளைகளாகவும் (shu'uban - அதாவது தேசத்துடையவர்களாகவும் nations), கோத்திரங்களாகவும் (qabaila - அதாவது குழுக்கள், வம்சாவளிகள் tribes) ஆக்கினோம்; (ஆகவே) உங்களில் எவர் மிகவும் பயபக்தியுடையவராக (atkakum - most righteous of you) இருக்கின்றாரோ, அவர்தாம் அல்லாஹ்விடத்தில், நிச்சயமாக மிக்க கண்ணியமானவர் (most noble of you). நிச்சயமாக அல்லாஹ் நன்கறிபவன், (யாவற்றையும் சூழந்து) தெரிந்தவன்.

(Refer: the book "qabila - tribes" - http://books.google.com.sg/books/about/Qabila.html?id=rE2FAAAAMAAJ&redir_esc=y)

இஸ்லாத்தை பொறுத்த வரை மனிதர்கள் குரங்கிலிருந்தோ அல்லது சிங்கம் புலியிலியிருந்தோ அல்லது வேறு எந்த மிருகத்திடமிருந்தோ வந்தவர்களல்ல,
மனிதனை மிருகத்தோடு எல்லாம் ஒப்பிட்டு ஒரு வகையாக கேவலப்படுத்தவில்லை மாறாக மனிதனை சிரத்தையோடு படைத்தான், அவனுடைய ஆவியை ஊதினான் என்று தான் மனிதனை கண்ணியப்படுத்துகிறது இஸ்லாம்.

மேலே கண்ட இந்த வசனத்தில் ரொம்பவும் கவனிக்க வேண்டிய வாசகம் “மனிதர்களே!..” என தொடங்கும் இந்த வசனம் தான்.

அப்படி என்ன இதில் முக்கியத்துவம் என்றால்...?

இதற்கு முந்தைய வசனங்கள் அனைத்தும் “முஃமீன்களே!..” என்று தொடங்கியிருக்கும் போது இந்த வசனம் மட்டும் சட்டென்று “மனிதர்களே..!” என்று மாற்றியிருப்பது தான்.

இந்த வசனத்திற்கு லீடாக தான் முந்தைய வசனங்களை என்னால் பார்க்க முடிகிறது. முந்தைய வசனங்கள் எதுவுமே ஆழ்ந்து படித்து புரிந்துக் கொண்டு பின்பற்ற வேண்டியவை தான் என்றாலும் நான் குறிப்பிட்டு இங்கே எழுத நினைக்கும் வசனம் இதே அத்தியாயத்தில் வரும் 11வது வசனமாகும்.

இந்த அத்தியாயத்தில் முஃமீன்களை பார்த்து இறைவன் கட்டளையிடுகிறான். ஒரு சமூகத்தார் இன்னொரு சமூகத்தாரை பார்த்து பரிகாசம் செய்ய வேண்டாம் என்று.

இன்றைக்கு பார்த்தீர்கள் என்றால், ஒரு சமூகத்தை பார்த்து, “காலா”, “சப்பாத்தி”, “மதராஸி”, “பச்சை”, “மாவு”, “மஞ்சள்” - இன்னும் எப்படி எப்படி எல்லாமோ ஒருவருக்கொருவர் பரிகாசம் செய்து கொள்கிறார்கள் - இப்படி எல்லாம் செய்யவே கூடாது.குறிப்பாக சாதியை குறிப்பிட்டு பழித்து சொல்வது அறவே வெறுக்கப்பட வேண்டிய ஒழிக்கப் பட வேண்டிய ஒன்று.

இதையெல்லாம் சொல்லி விட்டு “மனிதர்களே!” என்று ஆரம்பித்து நீங்கள் அனைவரும் ஒரு தாய் மக்கள் தான், பல தேசத்தவர்களாக, பல குடும்பம் குழுக்களாக பிரிந்திருப்பது உங்களில் ஒருவரை ஒருவர், “இன்னாரின் மகன், இன்னாரின் குடும்பம் இன்ன நாட்டுக்காரர்” என்ற அடையாளத்திற்காக மட்டும் தான். இதனால் உங்களுக்கு அல்லாஹ்விடத்திலே எந்த கண்ணியமும் நிச்சயமாக கிடையாது, அதாவது நான் சவுதி அரேபிய சிட்டிசன், அமெரிக்க சிட்டிசன் என்பதிலெல்லாம் கண்ணியம் கிடையாது, யார் கண்ணியம் உடையவர்கள் என்றால் யார் நேர்மையாக, நீதமாக, பயபக்தியோடு நடந்து கொள்கிறீர்களோ அவர்கள் தான், இதனால் அப்படி நடந்து கொள்வதால் உங்களுக்கு நீங்கள் யாராக இருந்தாலும் சரியே கண்ணியம் உண்டு என்று இறைவன் தீர்ப்பளித்து இருக்கிறான்.

மனிதர்கள் மாறுபட்டு இருந்தாலும் மேலே கண்ட வசனத்தை முழுமையாக ஏற்றுக் கொண்ட முஸ்லீம்களிடையே கூட ஆப்கானி, பாகிஸ்தானி, ஈரானி, ஷியா, சுன்னி என்ற பல வேறுபாடுகள் நாடுகள், மொழிகள், நிறங்கள், உயரங்கள் செல்வங்கள் கல்வியறிவு இப்படியாக வேறுபட்டு இருந்தாலும் ஹஜ் என்று வரும் போது ஒரே அணியாக அதாவது “உம்மத்” என்ற ஒரே அடையாளமாக இணைந்து விடுகிறார்கள் என்பதே இஸ்லாத்தின் சிறப்புகளில் ஒன்றாகும்.

இந்த ஹஜ் எனும் பயனம் தான் மால்கம் - எக்ஸ் என்பவரின் வாழ்க்கையில் ஒரு மிகப்பெரிய மாற்றத்தை ஏற்படுத்தியது.

-------------------------------------------------------------------------------------------------

True Islam taught me that it takes all of the religious, political, economic, psychological, and racial ingredients or characteristics, to make the Human Family and the Human Society complete

- (Malcom X) Malik al Shabbaz

----------------------------------------------------------------------------------------------------

மால்கம் எக்ஸ் என்பவர் ஒரு ஆப்பிரிக்க அமெரிக்கர், அவர் சார்ந்த இன மக்களின் உரிமைக்காக போராடிய மிகப் பெரிய சக்தியாக விளங்கியவர், முஸ்லிமாக மாறிய பிரபலங்களில் மிக முக்கியமானவர்.

இவரின் வாழ்க்கையில் ஒரு முக்கிய தாக்கத்தை ஏற்படுத்திய சம்பவம் ஹஜ்ஜின் போது இவருக்கு ஏற்பட்ட தாக்கம். ஹஜ் என்பது உலகின் பல பாகங்களிலிருந்து மனிதர்கள் தனது நாடு இனம் மொழி குலம் கோத்திரம் அடையாளம் பால் இப்படி எல்லா பிரிவுகளையும் உடைத்தெறிந்து படைத்த ஒரே இறைவனின் முன்னால் முழுமையாக சரணடைந்தவர்களாக இப்ராஹீம் நபி (அலை) அவர்களின் வேண்டுதலை நிறைவேற்ற செல்லும் ஒரு மிகப் பழமையான பயணமாகும்.

இந்த பயணத்தை பற்றி மால்கம் எக்ஸ் குறிப்பிடும் போது, “இந்த பூமியில் நான் வாழ்ந்த இந்த 39 வருடத்தில், புனித நகரான மக்காவில் மட்டுமே முதன் முறையாக அனைத்தையும் படைத்தவனின் முன்பாக நிற்பதாக உணர்ந்ததோடு ஒரு முழுமையான மனிதனாக நான் உணர்த்துக் கொண்டதும் ஆகும்” என்றார்.

மறைந்த சகோதரருக்கு இந்த (பிப்ரவரி) மாதம் 21ந் தேதி நினைவு நாள்..

இறைவன் இவருக்கு மேலான ஆஹிர் வாழ்க்கையை அருள்வானாகவும்..!

அன்னாரின் நினைவாக...

அல் ஃபாத்திஹா...
---------------------------------------------------------------------------------------

I am and always will be a Muslim and my religion is Islam

- (Malcom X) Malik al Shabbaz

--------------------------------------------------------------------------------------------------------

-----------------------------------------------------------------------------------------------

All praise is due to Allah - the Lord of all the Worlds

- (Malcom X) Malik al Shabbaz

-------------------------------------------------------------------------------------------------------------------

மவ்லித் - மீலாதுந் நபி - நினைவு கூறல்

2012-02-05T01:06:00.003+08:00

(Sister of Islam "Hooriya Rafeeq" from Pakistan)

மவ்லித், மீலாதுந்நபி இன்றைக்கு ஒரு விவாததற்குறிய பொருளாகி விட்டது

‘நபி வழி நடக்காத இவர்களுக்கு விழா என்ன ஒரு கேடு..”

“நபி பிறந்த தினமும் மறைந்த தினமும் ஒரே நாள் தான். இவர்கள் பிறந்ததற்காக கொண்டாடுவது முரணாக இருக்கிறது”

”கிறிஸ்தவர்கள் ஈஸா நபியின் பிறந்த நாளை கொண்டாடுவதற்கும் இதற்கும் எந்த வித்தியாசமும் இல்லை”

“எந்த நபியிடத்திலும் வேற்றுமை பாராட்டக் கூடாது என்று குரானில் வரும் போது இவர்கள் இந்த நபிக்கு மட்டும் எப்படி விழா எடுக்கலாம்”

“இது பெருமானார் (ஸல்) அவர்கள் காலத்தில் இல்லாத ஒரு புதுமை - பித் அத்”

- இப்படியாக இவர்களின் பிறந்த தினத்திலிருந்து இதே பல்லவியை தான் (”ஷிர்க்”கை விட்டுட்டேனே - இது ஷிர்க்) நபி (ஸல்) அவர்களின் பிறந்த தினத்தில் நடைபெறும் நிகழ்வுகளை பற்றி அறியாத நிலையிலிருந்து கருத்துக்களை பரப்பி வருகிறார்கள்.

இவர்கள் எந்த காரணம் கொண்டும் இந்த மாதத்தை நபி பிறந்த தினத்தை அனுசரிக்காமல் போகட்டும்.. அதை பற்றி தனிப்பட்ட முறையில் எந்த பிரச்சினையும் இல்லை..

ஆனால் ‘மவ்லித்’ என்று வரும் போது எங்களின் அதாவது இதனை அணுசரிக்கும் என் போன்றோரின் உணர்வுகள் எப்படி இருக்கும் என்று விளக்குவதில் வார்த்தைகள் தட்டுபாடு ஏற்படுவது உண்டு.

உணர்வுகளை எந்த வார்த்தையில் சொல்லி அடைத்து போட முடியும்?

மீலாத் என்றமுஸ்லீம்கள் கூடும் ஒரு நிகழ்வை குறிக்கும் வார்த்தையை புரிந்து கொள்வதற்கு இதையொத்த வேறு வார்த்தைகளை ஒப்பிட்டு புரிந்து கொள்ள முற்படலாம்.

பள்ளிகூடத்தில் பரீட்சைக்கு படிக்கும் போது மாணவர்கள் குரூப்பாக சேர்ந்து படிப்பதுண்டு. (படிக்காமல் குறட்டை விட்டு பரீட்சையில் கோட்டையும் விடுவதுமுண்டு - அது வேறு விஷயம்) குரூப் ஸடடி என்று சொல்வோம்.

இதையே முஸ்லீம்கள் கூடி இஸ்லாம் சார்ந்த செய்திகளை பேசினால் ’மஜ்லிஸ்’ அல்லது ‘ஹலகா’ என்று சொல்வதுண்டு.

மீலாத் என்பதன் விளக்கம் அதன் பெயரில் இல்லை... இந்த தினத்தை ஒரு reference point ஆக வைத்து கூடுகின்ற மக்கள் என்ன செய்கிறார்கள் என்பதில் தான் இருக்கிறது, இந்த தினத்தில் கலந்து கொள்பவர்களின் உணர்வுகள் எங்கனம் இருக்கின்றது என்பதில் தான் இருக்கிறது.

இறைவன் வந்து உங்கள் செயல்களையோ அல்லது சொற்களையோ பார்ப்பதில்லை. அவன் உங்களின் உள்ளங்களை தான் பார்க்கின்றான்.

நாங்கள் ஹிஜ்ரி ஆண்டை ஒரு ஆண்டு கனக்காக நபிகள் நாயகம் அனுசரிக்காத போதும் ஏற்றுக் கொண்டு தானிருக்கிறோம்.

இதனால் அவர்களுக்கு மாறு செய்கிறோம், இல்லாத புதுமையை செய்து விட்டோம் என்றும் அர்த்தமாகாது. இது ஒன்றும் வெறுக்கத்தக்கதோ மார்க்கத்துக்கு பங்கம் விளைவிக்கும் செயலோ அல்ல.

மீலாதும் இதே போல் தான் எங்களுக்கு - நாங்கள் ஒன்றும் அருவருக்கத்தக்க காரியங்களை செய்யவில்லை. மற்ற நாட்களில் கூடாமல் போவதற்கு எங்களுக்கு ஏதேதோ உலக excuseகள் உள்ளன.

இந்த நாளில் நாங்கள் இத்தகைய excuseகளை தூக்கி வைத்து விட்டு ஒன்று கூடுகிறோம்.

உவைஸ் கர்னி (றலி) என்பவர்கள் பெருமானார் (ஸல்) அவர்களின் பல் உடைந்து விட்டது என்று கேள்விபட்டவுடன் எந்த பல் என்று தெரியாததால் தனது அத்தனை பல்லையும் உடைத்து கொண்டார்களாம்.

இது போன்ற அன்பு எல்லாம் சொல்லி கொடுத்தெல்லாம் வராது. கிதாபுல படிச்சும் வராது. அல்லாஹ் எந்த உள்ளத்தை பார்ப்பதாக சொல்கிறானோ அந்த உள்ளத்தில் கருவுற்று பிறந்து வளரனும். அப்படி வருவதற்கும் இறைவனின் அருள் வேண்டும்.

பெருமானார் (ஸல்) அவர்கள் மக்காவை விட்டு மதீன நகருக்கு சென்று ஆறு ஆண்டுகள் கழித்து மக்கா நோக்கி திரும்புகிறார்கள்.

அவ்வாறு ஆயிரத்து நானூறு பேருடன் வந்த போது ஹுதைபியா என்ற இடத்தில் இறைநாட்டப்படிகூடாரமடித்து தங்கினார்கள் என்பது நமக்கு தெரிந்த செய்தி தான்.

அப்போது மக்கத்துகுறைஷி தரப்புகளிடமிருந்து பெருமானார் (ஸல்) அவர்கள் மக்காவின் உள்ளே வர அனுமதிக்க கூடாது என்று சொல்லி திருப்பி அனுப்ப பல பேர் வந்து பேசினார்கள். அதில் பேசிவிட்டு சென்ற ஒருவர் குறைஷிகளிடம் திரும்பி பெருமானார் (ஸல்) அவர்கள் மீது முஸ்லிம்கள் கொண்டிருந்த அன்பை இவ்வாறு விளக்கினார்...

“கண்டேன், கண்டேன், ரோமானிய மன்னாதி மன்னன் கெய்ஸரின் அரசவையையும் கண்டேன்.
கண்டேன், கண்டேன் பாரசீகப் பேரரசன் கிஸ்ராவின் பாராளுமன்றத்தையும் கண்டேஎன்
அங்கு கூட அவர்களின் ஏவலர்கள் கூட இரு கை ஒடுக்கி வாயைக் கையில் புகைத்து நின்ற காட்சியை காணவில்லை
முஹம்மதின் (ஸல்) முன்னிலையில் தான் நான் அக்காட்சிகளைக் கண்டேன்..

- என்று சொல்லி விட்டு தொடர்கிறார்...

“அவர்களின் உமிழ் நீரைக் கையிலேந்தி உடலிலே பூசிக்கொள்பவர் எத்தனை பேர்?
அவர்களின் உளு செய்யும் நீர் தரையிலே துளிகூட விழாது கையிலே தாங்கித் தங்களின் உடலிலே தடவிக் கொள்பவர் எத்தனை பேர்? என்று வாயார்ந்தார் அவர்.”

இந்த பிரியமெல்லாம் கிதாபை பார்த்து தான் வருமா? இல்லை பெருமானார் (சல்) அவர்கள் தான் அப்படி செய்ய சொல்லி தான் வந்ததா?

அருமை சஹாபாக்களை பற்றி “அண்ணன் எப்போ சாவான்... திண்ணை எப்போ காலியாகும்..” என்று இப்லீஸை விட அறிவு கேள்விகள் தொடுக்கும் இப்லீஸின் அண்ணன்மார்களுக்கும் தம்பிமார்களுக்கும் அன்பு பற்றி தெரிந்திருக்க நியாயமில்லை. புரிய வைக்க முற்படுவதிலும் அர்த்தமில்லை..

மீலாது என்பது ‘ஹல்கா”வை போல் கூட அல்ல... உதாரணமாக ஹல்காவுக்கு தேவைப்படுவது போல் pre-requisite இதற்கு தேவை இல்லை.. குறிப்பிட்ட படிப்பு, குறிப்பிட்ட அறிவு இருக்க வேண்டும் என்பது கூட அவசியமில்லை.

மீலாதில் கலந்து கொள்ள ஒரே ஒரு Criteria மட்டுமே உண்டு... ஒரே ஒரு அடிப்படை காரணம் மட்டுமே உண்டு.. அது பெருமானார் (சல்) அவர்களின் மீதுள்ள அளவு கடந்த அன்பு மட்டுமே... அன்பு மட்டுமே.. அன்பு மட்டுமே.. (ஆதாரம் அல்ல)

பின் குறிப்பு:

நாகூர் தர்ஹாவில் நடந்த மீலாது விழா குரான் ஷரீஃப் ஸூரா மனப்பாடமாக கிராஅத்தாக ஓதும் போட்டியில் எனது தங்கையின் மகனார் ஷகீல் அஹ்மதுக்கு சிறப்பு பரிசு கிடைத்துள்ளது... அல்ஹம்துலில்லாஹ்...

இணைப்பு:

http://www.mysticsaint.info/2012/01/message-rabiul-awwal-milad-nabi.html?utm_source=feedburner&utm_medium=feed&utm_campaign=Feed%3A+mysticsaint+%28Inspirations+and+Creative+Thoughts%29

க்வாஜா மெரி க்வாஜா - மாஷா அல்லாஹ் அஜ்மத்தின் அருமை

2012-01-18T23:42:00.000+08:00

சல்மான் பாய் த பெஸ்ட்

திரைக்கதை வைத்தியர் - கே.பாக்யராஜ் 2

2012-01-07T21:47:00.002+08:00

இணைப்பு: திரைக்கதை வைத்தியர் - கே.பாக்யராஜ் 1

அம்மா, அண்ணன், சொந்தங்கள், நண்பர்கள் என்று யாருடைய உதவியும் இல்லாமல் சினிமாவில் நுழைந்து வெற்றி கொடியை பறக்க விட்டவர் யாரென்று கேட்டால் எல்லோருக்கும் நடிகர் அஜித்தின் ஞாபகம் வரலாம், ஆனால் எனக்கு கே.பாக்யராஜ் அவர்களின் ஞாபகம் தான் வரும்.

சாதாரண நிலையிலிருந்து யாருடைய தயையும் இல்லாமல் தனது தனிப்பெரும் திறமையினால் தனக்கென ஒரு இடத்தை பிடித்த மாபெரும் கலைஞர் இவர்.

இவருடைய படங்களை கேள்வி - பதில் பகுதிகளாக அதாவது இடைவேளை வரை கேள்வி பகுதியாகவும் இடைவேளைக்கு பின்பு அந்த கேள்விகளுக்குறிய பதில் பகுதியாகவும் என்னால் பார்க்க முடிகிறது.

சிறப்பான கேள்விகளை தேர்ந்தெடுத்து நகைச்சுவை, குடும்ப உறவுகள், இனிய பாடல்கள் கலந்து கேள்விகளை அடுக்கி கொண்டே வருவார், பிறகு அழுத்தமான, ஆழமான, நெகிழ வைக்கும் காட்சிகளை கொண்டு அந்த கேள்விகளுக்கான விடையை தெளிவாக சொல்லி முடிப்பார்.

தமிழ் சினிமாவில் வந்த காதல் படங்களில் அது கல்லூரி காதலாகட்டும், அலுவலக காதலாகட்டும், ஏழை - பணக்காரன், வெவ்வேறு மதங்கள், ஜாதிகள், இப்படி எத்தனை எத்தனையோ வந்து குவிந்து கொண்டிருக்கும் காதல் படங்களிலேயே இது வரை நான் பார்த்த படங்களில் சிறந்த படம் என்று ஒரு காதல் படத்தை கேட்டால் அது இவர் இயக்கிய டார்லிங் டார்லிங் டார்லிங் படத்தை தான் சொல்வேன்.

படம்: டார்லிங் டார்லிங் டார்லிங்

அந்த ஏழு நாட்கள் படத்தில் ராஜேஷ் ஒரு வசனம் சொல்வார், “பிஞ்சு மனசுல எதுவும் ஆழமா பதிஞ்சிடும்...” என்று. அது போல் வாட்ச்மேன் மகனான ராஜா தன்னுடைய முதலாளி மகளான ராதாவோடு சிறு வயதில் பள்ளிகூடத்தில் ஒன்றாக படித்த போது ஏற்பட்ட பழக்கத்தை பெரியவனான பின்பும் காதல் என்று கற்பனை வளர்த்து கொண்டு வேலை இல்லாத வெட்டி ஆஃபிஸர் வேலை பார்த்துக் கொண்டிருக்கிறார்.

இவருடைய அப்பாவாக வருபவர் கல்லாபெட்டி சிங்காரம். என்ன நடிகர் சார் இவர்? - இவரின் முதல் அறிமுக காட்சியில் இவர் தான் முதலாளி என்பது போல் காட்டப்படும் பாருங்கள்.. நகைச்சுவைக்கு நான் கியாரண்டி கையெழுத்து போட்டு தர்ரேன்.

பழகியவை ஆழமாக பதிவதற்கு அதே ஊரில் தொடர்ந்து வளர்ந்து வரும் சூழலும் காரணமாக அமைந்திருக்கிறது,ஆனால் ராதாவோ சிறு வயதிலேயே வெளியூருக்கு படிக்க சென்று விட்டு பெரியவளானதும் திரும்ப அந்த ஊருக்கு வருகிறாள்.

ராஜா தனது காதலியாக தான் ராதா தன்னை காண வருகிறாள் என்று எண்ணிக் கொண்டு பந்தாவாக டிரஸ், கேப் எல்லாம் போட்டுக் கொண்டு இரயில்வே ஸ்டேஷனுக்கு போய் அவரிடம், “ஐயம் ராஜா.. வாட்ச்மேன் சன் ராஜா..” என்று பஞ்ச் டயலாக் பேச - அவரோ, “பெட்டியெல்லாம் எடுத்துக்குங்க..” என்று சொல்கிறார்.

ராதா எல்லாவற்றையும் மறந்து விட்டார் என்பதை எவ்வளவு அழுத்தமாக சொல்லியிருப்பார். இவரின் காட்சிஅமைப்பில் ஒன்றை கவனிக்கலாம், ஒரு அழுத்தமான காட்சியை சொல்வதற்கு முன்பு அதற்கு முந்தைய லீட் காட்சியில் நகைச்சுவையை வைத்திருப்பார் - அதெல்லாம் பார்த்து அனுபவிக்கணும்.

உள்ள கதவை நீ மெல்ல திறந்தால்

அந்நாளே பொன்னாளாய் என் ஜென்மம் விடியும்

எந்நாளும் பன்னீரில் என் நெஞ்சம் நனையும்

- என்று ஏங்கியபடி கவிபாடுகிறான் ராஜா.

ஒரு கட்டத்தில் ராதாவுக்கு ராஜா தன்னை தான் காதலிக்கிறார் என்று தெரிய வரும் போது, “உங்களோட லவ் எவ்வளவு சின்சியரானது, டீப்பானதுன்னு என்னால புரிஞ்சிக்க முடியுது, ஆனால் உங்க முட்டாள்தனத்தை தான் என்னால ஜூரணிக்க முடியல.. Let's forget the past..... எனக்கு ஏற்கனவே திருமணம் நிச்சயதார்த்தம் முடிஞ்சிடுச்சு.. எனக்கு ஃபிக்ஸ் பண்ண மாப்பிள்ளை நாளைக்கி வரப் போறார்..” என்று கேள்வி பகுதியை நிறைவு செய்கிறார்.

(இப்போது பாக்யராஜ் தன்னை காதலிக்க சொல்லி கொஞ்சம் டிரை பண்ணி பாருங்களேன் என்றெல்லாம் சொல்லி பரிதாபப்பட வைப்பார்.)

கேள்வி என்னவென்றால் என்ன காரணம் இருந்தால் ராதாவுக்கு ராஜா மீது காதல் வரும் என்பதே அந்த கேள்வி.

இப்பொழுது ராதாவுக்கு நிச்சயம் செய்திருப்பவரும் அந்த ஊருக்கு வருகிறார். இவர் பணக்காரர், மெத்த படித்தவர், இப்படிபட்டவர்களுக்கு பணக்காரர்களோடு பழகும் முறையை பற்றி மட்டுமே தெரியும் அதுமட்டுமல்லாமல் நாகரீகம் என்ற பெயரில் எளியவர்களை அவமானப்படுத்துவதும் மட்டுமே அடையாளமாக கொண்ட பணத்தோடு திமிரும் படைத்த கூட்டத்தை சார்ந்தவர்களில் இவரும் ஒருவர்.

திரைக்கதை வைத்தியர் தன் வித்தையை காட்டும் நேரம்...

அதில் முக்கியமாக..

மழை கொட்டிக் கொண்டிருக்கும் இரவு பொழுதில் ஒரு ரிசப்சனுக்கு போயிட்டு ராதாவும் அவரது நிச்சயிக்கப்பட்ட மாப்பிள்ளையும் காரில் திரும்பி வருவார்கள். காரை ராஜா தான் ஓட்டி வருவார். வரும் வழியில் கார் பழுதாகி நின்று விடும். அதை தொடர்ந்து ராதாவும் அந்த நிச்சயித்தவரும் டிராவலர்ஸ் பங்களாவிற்கு செல்வார்கள்.

அங்கே டிரஸ் சேஞ்ச் பண்ண அறைக்குள் ராதா செல்ல அதை நிச்சயித்தவர் சாவி இடுக்கில் எட்டி பார்க்கிறார். அவருடைய நிழல் வெளிச்சத்துக்கு வந்ததை நிழலை வைத்து கண்டு கொண்ட ராதா சட்டென்று தனது ஆடையை சரி செய்து கொண்டு அறையை விட்டு வெளியேறுகிறார்.

காரை பழுது செய்து கொண்டிருக்கும் ராஜாவிடம் வீட்டிற்கு போகலாம் என்று சைக்கிளில் வரும் போது மழையிருட்டில் சைக்கிள் கீழே விழுந்து புடவை சக்கரத்தில் மாட்டிக் கொள்கிறது.

ராஜா புடவையை எடுக்க முயற்சிக்கும் போது இன்னொரு காரின் விளக்கு வெளிச்சம் புடவை இல்லாமல் ரவிக்கையோடு நனைந்து இருக்கும் ராதா மீது அடிக்கிறது. ராஜா கோபப்பட்டு கல்லெடுத்து அடிக்க வர கார் பின்வாங்குகிறது.

அதை தொடர்ந்து.. சின்ன வயதில் ராஜாவும் ராதாவும் சேர்ந்து எடுத்த போட்டோவை டிரஸர் பண்ணி வைத்திருந்த ராஜாவிடமிருந்து ராதா வாங்கி, ராதா அவரை மட்டும் தனியாக வெட்டி பிரித்து வைத்திருந்திருப்பார். இப்போது பழுதாகி நின்ற காரை நிச்சயிக்கப்பட்டவர் சரி செய்து எடுத்து வரும் போது டேஷ் போர்டில் ராஜாவின் போட்டோ இருப்பதை பார்த்து எடுத்து வந்து இரண்டையும் பக்கத்தில் பக்கத்தில் வைத்து பார்ப்பார்.

நிச்சயிக்கப்பட்ட அவர் ராதாவிடம் சராமரியாக கேள்விகள் கேட்கிறார், இறுதியாக, “... ஆஸ்திக்கு என்னையும் ஆசைக்கு அவனையும் செட் அப் பண்ற உன்னோட ஸ்டைல இன்னையோட விட்டுடு..” என்று சொல்லி விட்டு போட்டோ ஆல்பத்தை விட்டு எரிகிறார்.

போட்டோக்கள் கீழே சிதறி கிடக்கிறது. அதில் ஒரு போட்டோ ராதா சிறு வயதில் எடுத்த போட்டோ, அதை பற்றி முன்பு ராஜாவிடம் காட்டி, “இது என்ன டிரஸ் ஒரு மாதிரியா இருக்கு..” என்று கேட்க..

ராஜா பதிலளிப்பார், “ஐயையோ, அது டிரஸ் இல்லீங்க... சின்ன வயசுல நீங்க டிரஸ் இல்லாம எடுத்த போட்டோ.. இப்ப நீங்க பெரிய பொன்னாயிட்டீங்க.. அத அப்படியே பாத்தா நல்லாயிருக்காதுண்ணு நான் தான் இங்க்லேயே டிரஸ் பண்ணி விட்டேன்..”

- வேறு என்ன வேணுங்கறீங்க... ”ஐ லவ் யு ராஜா..” - ராஜாவின் அந்த நாள் பொன்னான நாள் தான்.

இதற்கிடையே பலவித காரணங்களால் தனது காதலை தனது தந்தையிடம் சொல்ல முடியாமல் தவிக்கிறாள் ராதா. ஆனால் ராதாவுக்கு நிச்சயிக்கப்பட்டவரின் தந்தையான அந்த பணக்கார ஜெண்டில்மேனோ ராதாவின் டைரியை படித்து படத்தோட மொத்த கதை திரைக்கதையையும் தெரிந்து கொள்கிறார்.

அவர் ராதாவின் காதலை கைகூட வைக்க நினைக்கும் போது அவரது மகன் குறிக்கிடுகிறார், “பத்திரிக்கை கொடுத்துட்டு இப்ப இப்படி முடிவெடுத்தா நம்ம ஃபேமிலி ஸ்டேட்டஸ் என்னாவுறது..” என்கிறார்

அதற்கு அந்த ஜெண்டில்மேன், “......... நானும் உங்க அம்மாவும் 40 இயர்ஸுக்கு மேலா தாம்பத்யம் நடத்தியிருக்கிறோம். ஆனா எங்க பெட்ரூம்ல ஒரு நாள் கூட லைட் எறிஞ்சதேயில்லை.. அப்படிப்பட்ட எங்களுக்கு பொறந்த நீ.. ஒரு பொண்ணு பாத்ரூம்ல குளிக்கும் போது எட்டி பார்த்திருக்கிறியே.. அதுல போகாத பிரஸ்டிஜா இதுல போவ போவுது... ......

கெட் அவுட் அண்ட் கெட் லாஸ்ட்..” என்று பதில் சொல்கிறார் திரைக்கதை வைத்தியர்.

பிறந்த நாள் வாழ்த்துகள், சார்..

சூஃபி பாடல் - அல்லாஹ் கே பந்தே - கைலாஷ் கெர் பாடிய பாடல்

2012-01-04T18:44:00.000+08:00

படம்: வைசா பி ஹோதா ஹெய்ன் (பார்ட் 2) (அர்த்தம்: அப்படியும் நடப்பதுண்டு!)

பாடல்: விஷால் தத்லானி

இசை: விஷால் - சேகர்

பாடகர்: கைலாஷ் கெர்

Toota toota ek parinda aise toota
Ke phir jud naa paaya
Loota loota kisne usko aise loota
Ke phir ud naa paaya

Girta hua woh asma se

Aakar gira zameen par
Khwabon mein phir bhi badal hi the
Woh kehta raha magar
Ke allah ke bande hasde allah ke bande
Allah ke bande hasde jo bhi ho kal phir aayega

உடைந்து நொறுங்கியது
உடைந்து நொறுங்கியது
ஒரு பறவை..!

ஆறாத காயங்களால்
நிலை குலைந்தது
அந்த பறவை

பறிபோனது
பறிபோனது
அதன் சிறகுகள்..!

பறந்து திரியும்
தன்மை இழந்தது
அந்த பறவை

வானத்தின்
உச்சியிலிருந்து
பூமியின்
பள்ளத்தாக்கிற்கு
விழுந்து கிடக்கின்றது
இப்போது

ஆயினும்
கனவுகளின் வழியே
நம்பிக்கை மேகமாய்
பறக்கின்றது

ஆகையினால்
அது
தொடர்ந்து
சொல்லிக் கொண்டே
இருந்தது

”அல்லாஹ்வின் பந்துக்கள்
நீங்கள்
எனவே
மகிழ்வாய் இருங்கள்
எதுநடந்த போதிலும்
நாளை
நமக்காகவே உள்ளது”

Kho ke aapne par hi to usne tha ud naa sikha

Gham ko aapne saath mein lele dard bhi tere kaam aayega
Allah ke bande hasde allah ke bande
Allah ke bande hasde jo bhi ho kal phir aayega

உண்மையில்
சிறகுகளை இழந்த
பின்பு
தான்
அது
பறக்கவே
கற்றுக் கொண்டிருக்கிறது

உங்கள்
வலிகளை
துயரங்களை
உங்களோடு
எப்போதும்
சேமித்து வைத்திருங்கள்

அது
உங்களுக்கு
நிறைய
கற்றுக் கொடுக்கும்

”அல்லாஹ்வின் பந்துக்கள்
நீங்கள்
எனவே
மகிழ்வாய் இருங்கள்
எதுநடந்த போதிலும்
நாளை
நமக்காகவே உள்ளது”

Tukde tuke ho gaya tha har sapna jab woh toota
Bhikre tukdon mein allah ki marzi ka manzar paayega
Allah ke bande hasde allah ke bande
Allah ke bande hasde jo bhi ho kal phir aayega

சிறகுகளோடு
சேர்ந்து
அதன்
கனவுகளும்
சிதறுண்டு போனது

தவிர்க்க முடியாத
இழப்புகள்
அல்லாஹ்வின்
முடிவுகள்
ஆதலால்
அது
அவன் முடிவை
மனதார
ஏற்றுக் கொண்டது

”அல்லாஹ்வின் பந்துக்கள்
நீங்கள் -
எனவே
மகிழ்வாய் இருங்கள்
எதுநடந்த போதிலும்
நாளை
நமக்காகவே உள்ளது”

சிராதுல் முஸ்தகீன் - நேரான பாதை - Straight Path

2011-12-21T22:05:00.000+08:00

இணைப்பு:

http://www.thinnai.com/index.php?module=displaystory&story_id=10407083&format=print&edition_id=20040708

http://nagoreismail786.blogspot.com/search/label/1%20%E0%AE%B8%E0%AF%82%E0%AE%B0%E0%AE%BE%20%E0%AE%83%E0%AE%AA%E0%AE%BE%E0%AE%A4%E0%AF%8D%E0%AE%A4%E0%AE%BF%E0%AE%B9%E0%AE%BE

http://www.altafsir.com/
----------------------------------------------------------------------------

நீங்க கொஞ்சமா சம்பாதிக்கணும்னா ஒரு புஸ்தகம் எழுதுங்க, நிறைய சம்பாதிக்கணும்னா ஒரு மதத்தை உருவாக்குன்னு ஒரு அறிஞர் சொன்னாராம்

சரியாத்தான் இருக்கும் போல..

எத்தனையோ பாதைகள் இருப்பினும் ‘நேரான பாதை’ என்று குரான் ஷரீஃப் ஒரு பாதையில் செல்ல நம்மை அழைக்கிறது.

அதனை பற்றி நான் படித்தது... கேட்டது...

ஸூரத்துல் அன் ஆம் (6) - ஆடு, மாடு, ஒட்டகம்

வாக்கியம்: 151, 152, 153

151

“வாருங்கள்! உங்கள் இறைவன் உங்கள் மீது விலக்கியிருப்பவற்றையும் (ஏவியிருப்பவற்றையும்) நான் ஓதிக் காண்பிக்கிறேன்;

’வாருங்கள்’ என்று மொழி பெயர்க்கப்பட்டிருக்கும் வார்த்தை அரபியில் ”த ஆலவ்” என்ற வார்த்தையிலிருந்து பயன்படுத்தப்பட்டிருக்கிறது.

இதற்கு ‘எழுச்சி பெறுங்கள்’ என்பது போன்று அர்த்தம் கொண்டது.

அதாவது, இப்படி படிக்க வேண்டும் இதை, “வாருங்கள்.. எழுச்சி பெறுங்கள் (அடுத்த நிலைக்கு உயருதல், கம்.. ரெய்ஸ் யுவர் லெவல்), நான் ஓதிக் காண்பிக்கின்றேன்....”

அதே போல ”ஹர்ரம” என்ற வார்த்தையை தான் மேலே ‘விலக்கியிருப்பவற்றையும்..” என்று மொழிபெயர்க்கப்பட்டுள்ளது.

”ஹர்ரம” என்ற வார்த்தைக்கு “புனிதம்” என்பது தான் சரியான அர்த்தம் என்பது எனது கருத்தாகும்.

அதாவது, இப்படி படியுங்கள், “வாருங்கள், உங்கள் நிலைகளை உயர்த்திக் கொள்ளுங்கள், உங்கள் இறைவன் உங்கள் மீது விதித்திருக்கும் புனிதமான கடமைகளை நான் உங்களுக்கு ஓதிக் காண்பிக்கின்றேன்...”

அதாவது புனிதமான அந்த கடமைகளை நான் அனுசரித்தும் வாழ்வில் பின்பற்றியும் வந்தால் நம் நிலைகளை உயர்ந்து விடும்.

அது என்ன, புனிதமான கடமைகள்...?

(1) எப்பொருளையும் அவனுக்கு இணையாக வைக்காதீர்கள்;

இணை வைத்தல் (ஷிர்க்) என்பது பங்கு போடுவது, கூட்டு சேர்ப்பது, பங்காளியாக்குவது இப்படியாக பொருள்படும்.

இதுக்கு நேரெதிரான வார்த்தை என்னவென்றால் ‘தவ்ஹீது’ - இதற்கு ‘பங்குகள் ஏதுமில்லாத’ ஏகத்தை குறிக்கும் சொல்.

முஸ்லீமான ஒவ்வொருவரும் முதன் முதலில் ‘தவ்ஹீதை’ தான் சாட்சி சொல்ல வேண்டும்.

ஆனால் இங்கே இறைவன் சாட்சி கூட சொல்ல சொல்லவில்லை, ஷிர்க்கை விட்டு விலகி விடுங்கள் என்கிறான்.

ஏனெனில் ‘தவ்ஹீது’ என்பது மனிதனாக பிறந்த ஒவ்வொருவரிடத்திலும் இயற்கையாகவே இருக்கும்.

பின் வரும் வசனத்தை கவனியுங்கள்...

- ஸூரத்துல் அஃராஃப் (7) - சிகரங்கள்

172 வது வாக்கியம்

உம் இறைவன் ஆதமுடைய மக்களின் முதுகுகளிலிருந்து அவர்களுடைய சந்ததிகளை வெளியாக்கி, அவர்களைத் தங்களுக்கே சாட்சியாக வைத்து: “நான் உங்களுடைய இறைவன் அல்லவா?” என்று கேட்டதற்கு, அவர்கள் “மெய் தான். நாங்கள் சாட்சி கூறுகிறோம்” என்று கூறியதை (அவர்களுக்கு) நினைவூட்டுவீராக;(ஏனெனில் இது நினைவூட்டப்படாததனால்) நிச்சயமாக இதனை (மறந்து) விட்டுப் பராமுகமாக இருந்து விட்டோம் என்று மறுமை நாளில் நீங்கள் (யாருமே) சொல்லாதிருக்கவும்.

ஆக, நாம் இந்த உலகிற்கு வருமுன்னரே நாம் தவ்ஹீதை இறைவனை ஏற்றுக் கொண்டு விட்டோம். ஆனால் இங்கே வந்த பிறகு அதற்கு மாறு செய்கிறோம்.

அதனால் தான் நீங்கள் தான் ஒத்துக் கொண்டீர்கள் அல்லவா? அதற்கு மாற்றமாக ஷிர்க் வைக்காதீர்கள் என்கிறான் இறைவன்.

இஜட்.ஜபருல்லாஹ் நானா சொல்வாஹா, ‘மொதல்ல கெட்டதை நீக்கணும், அப்புறம் நல்லதை நிரப்பினால் தான் நல்லது நல்லதா இருக்கும்’ என்று. உதாராணமாக, ’ஒரு அழுக்கான கிளாஸ் இருக்கு, அதில் சுத்தமான பாலை ஊத்தினால் பால் சுத்தமானதாக இருக்காது - அதனால மொதல்ல கிளாஸை சுத்தம் பண்ணனும் அப்புறமா தான் பாலை ஊத்தணும்’ என்று உதாரணம் கொடுப்பார்கள்.

அதனால மொதலில் ஷிர்க்கை விட்டு ஒழிக்கணும், இது வந்து கிளாஸை சுத்தமாக்குற மாதிரி.

இங்கே இன்னொன்றையும் கவனிக்க வேண்டும், இணை வைத்தல் என்றால் மனிதர்களை இணையாக்குவது மட்டும் தான் என்று எண்ணிக் கொள்ளக் கூடாது.

சிலவங்க இருப்பாங்க, அவங்க ரொம்ப திமிரா எல்லாம் தெரியும் என்பது போல் பெருமானாரையும் இன்னும் ஏனைய பெரியோர்களை எல்லாம் கூட்டாளி மாதிரி பேசுகின்ற தொனி அவங்களிடத்திலே இருக்கும்.

இவர்கள் எதை தெரியுமா இறைவனுக்கு இணையாக்குகிறார்கள்..? படியுங்கள்..

- ஸூரத்துல் ஃபுர்கான் (25) - பிரித்தறிவித்தல்

43 & 44 வது வாக்கியம்

தன் (இழிவான) இச்சையையே தன் தெய்வமாக எடுத்துக் கொண்டவனை (நபியே!) நீர் பார்த்தீரா? அ(த்தகைய)வனுக்கு நீர் பாதுகாவலராக இருப்பீரா?

அல்லது, நிச்சயமாக அவர்களில் பெரும்பாலோர் (உம் உபதேசத்தைக்) கேட்கிறார்கள்; அல்லது அறிந்துணர்கிறார்கள் என்று நீர் நினைக்கின்றீரா? அவர்கள் கால்நடைகளைப் போன்றவர்களேயன்றி வேறில்லை-அல்ல; (அவற்றை விடவும்) அவர்கள், மிகவும் வழி கெட்டவர்கள்.

மன இச்சைகளை இணைவைக்கும் அவர்களுக்கு பெருமானார் எப்படி பாதுகாவலராக இருப்பார்கள்..?

அவர்கள் கால்நடைகளை விட வழி கெட்டவர்கள்.

மரியாதை தெரியாத அவர்களின் தொழுகையையோ நோன்பையோ பார்த்து ஏமாந்து விடக் கூடாது.

(2) பெற்றோர்களுக்கு நன்மை செய்யுங்கள்;

நன்மை என்ற தமிழ் வார்த்தை ‘இஹ்ஸான்’ என்ற அரபி வார்த்தைக்கு மொழி பெயர்ப்பாக வந்துள்ளது.

’இஹ்ஸான்’ என்றால் ‘அழகு’ என்று ஒரு அர்த்தம் உள்ளது.

அதாவது இப்படி படியுங்கள், “பெற்றோர்களுக்கு அழகானதை செய்யுங்கள்” அல்லது “பெற்றோர்களிடம் அழகாக நடந்து கொள்ளுங்கள்”

நம்ம பொறந்த ஒடனே நமக்க நாம யாரென்றே தெரியாது.பேர் கூட தெரியாது.

பசிச்சா ‘பசிக்கிது’ன்னு சொல்ல தெரியாது. அழுவ (அழுகை) தான் தெரியும்

சாப்ட வொடனே வயித்த பெறட்டுனுச்சுன்னா ‘பீ வருது’ன்னு கூட சொல்ல தெரியாது.

எல்லாத்தையும் யார் பார்த்துகிட்டா? - பெற்றோர்கள் தான். ம்மா வாப்பா தான்.

ஆனா இப்ப நாம் அப்படி இல்லை.. (இல்லை இல்லை நான் அப்டி தான், தொட்டில் பழக்கம் சுடுகாடு வரை என்று சொல்ல மாட்டீர்கள் என்று நம்புகிறேன்)

’நான் யார் தெரியுமா?’ - ‘என்னை பத்தி தெரியாதுன்னு நினைக்கிறேன்” என்று கர்வமாக கேட்கிறோம் - ஒரு கட்டத்தில் நமக்கு யாரென்று நமக்கே தெரியாமல் இருந்தது.

‘பசிக்குதுன்னா’ ஒடனே நல்ல ரெஸ்டாரண்ட் உள்ளே போய் வாயையும் வயிறையும் அவுத்து வுட்டுடறோம்.

தின்னது செறிச்சு வெளியே வருதுண்ணா கொள்ளைக்கு போறோம்.

எல்லாத்தையும் நாமளே செய்ய முடியிது.

- ஆனா இப்போ என்ன கவனிக்கணும்னா,

இப்போ பெற்றோர்களை பார்த்தாக்கா, அவங்க.. வயசாயிருப்பாங்க... முதுமை அடைஞ்சி இருப்பாங்க.. இப்போ நமக்கு அவங்க குழந்தை மாதிரி.. நம்ம பொறந்த வொடனே எவ்வளவு பிரியமா அழகா பார்த்துகிட்டாங்க... அதே மாதிரி இப்போ நம்ம அந்த குழந்தைகளை அழகா பார்த்துகிடணும். கீழே படியுங்கள்..

ஸூரத்து பனீ இஸ்ராயீல் (17) - இஸ்ராயீலின் (யாகூப் நபி (அலை) அவர்களின்) சந்ததிகள்

வாக்கியம் 23 & 24

- அவனையன்றி (வேறு எவரையும்) நீர் வணங்கலாகாது என்றும், பெற்றோருக்கு நன்மை செய்யவேண்டும் என்றும் உம்முடைய இறைவன் விதித்திருக்கின்றான்; அவ்விருவரில் ஒருவரோ அல்லது அவர்கள் இருவருமோ உம்மிடத்தில் நிச்சயமாக முதுமை அடைந்து விட்டால், அவர்களை உஃப் (சீ) என்று (சடைந்தும்) சொல்ல வேண்டாம் - அவ்விருவரையும் (உம்மிடத்திலிருந்து) விரட்ட வேண்டாம் - இன்னும் அவ்விருவரிடமும் கனிவான கண்ணியமான பேச்சையே பேசுவீராக!

இன்னும், இரக்கம் கொண்டு பணிவு என்னும் இறக்கையை அவ்விருவருக்காகவும் நீர் தாழ்த்துவீராக; மேலும், “என் இறைவனே! நான் சிறு பிள்ளையாக இருந்த போது, என்னை(ப்பரிவோடு) அவ்விருவரும் வளர்த்தது போல், நீயும் அவர்களிருவருக்கும் கிருபை செய்வாயாக!” என்று கூறிப் பிரார்த்திப்பீராக!

பெற்றோர்களை ‘சீ’ன்னு சொல்றது பெரும் பாவம். கனிவான கண்ணியமான வார்த்தைகளை ரொம்ப மரியாதையா பேசணும். பணிவு என்னும் இறக்கையை அவர்களுக்காக தாழ்த்த வேண்டும். சின்ன வயதில் என் மீது எவ்வளவு பரிவோடு என்னை வளர்த்தார்களோ அபப்டி இறைவனே நீ அவர்கள் மீது கிருபை செய் என்று இறைஞ்ச வேண்டும்.

(3) வறுமைக்குப் பயந்து உங்கள் குழந்தைகளைக் கொல்லாதீர்கள் - ஏனெனில் உங்களுக்கும், அவர்களுக்கும் நாமே உணவளிக்கின்றோம்;

இந்த உலகத்துல எல்லோருக்கும் எல்லாமே நேரடியா கிடைக்காது. உங்களுக்கு கிடைப்பது எல்லாம் உங்களுக்கு மட்டுமே கிடையாது. உங்கள் மூலமாக இன்னொருத்தருக்கு கிடைக்க வேண்டியது, உங்களுக்கு கிடைத்திருக்கிறது. அவ்வளவு தான்.

வறுமைக்கு பயந்து குழந்தைகளை கொலை செய்ற அளவுக்கு போய் விடக் கூடாது. நம்பிக்கை கொள்ளணும். நாம ஹஜ்ஜுக்கு போறோம். அங்கே ‘ஸஃபா’ ‘மர்வா’ன்னு ரெண்டு மலைகள் இருக்கு. அந்த மலைகளை பற்றி குரான் ஷரீஃபில் இப்படி வருது.

- ஸூரத்துல் பகரா (2) - பசு மாடு

158 வது வாக்கியம்

”நிச்சயமாக “ஸஃபா”, “மர்வா” (என்னும் மலைகள்) அல்லாஹ்வின் அடையாளங்களில் நின்றும் உள்ளன; ..............”

’ஸஃபா’ ‘மர்வா’ல என்ன விசேஷம் அது ஏன் இறைவனின் அடையாளமாவுது என்றால். அங்கே தான் இப்ராஹீம் நபி (அலை) அவர்களின் மனைவி ஹாஜிரா (அலை) தாகம் வந்து அழுது துடித்த தனது குழந்தைக்கு தண்ணீர் தேடி ஓடி அலைந்தார்கள்.

தண்ணீர் மருந்துக்கும் இல்லாத பாலைவனமது. அங்கே பிள்ளை தண்ணீருக்கு அழுகின்றது. நீங்க தண்ணீரை தான் தேட வேண்டுமே தவிர குழந்தையை கொல்ல நினைக்க கூடாது.

அப்படி தேடினால்..?

அது பாலைவனமாக இருந்தாலும் தண்ணீர் ஊற்றெடுக்க தான் செய்யும். போதும் போதுங்கற அளவுக்கு அது ஊற்றெடுக்க தான் செய்யும். இது தான் இறைவனின் அடையாளம்.

இது மாதிரி எந்த இடத்தில் எந்த சூழ்நிலையில் கஷ்டம் வந்தாலும் அதை நிவர்த்தி செய்ய முயல வேண்டும். கொஞ்ச நேரத்தில் அல்லது கொஞ்ச நாளில் இறைவன் உங்களுக்கு வழிகாட்டுவான். அதில் சந்தேகமேயில்லை.

(4) வெளிப்படையான இரகசியமான மானக்கேடான காரியங்களை நீங்கள் நெருங்காதீர்கள்;

இன்றைக்கு மானக்கேடானது எது என்று கண்டுபிடிப்பதே கஷ்டமாகி விட்டது.

ஆனால், இறைவன் சொல்கிறான், ”வெளிப்படையான இரகசியமான மானக்கேடான...” என்று. அதாவது என்ன அர்த்தம் என்றால், மானக்கேடானதை நீங்கள் வெளிப்படையாக செய்தாலும் சரி, இரகசியமாக அறைக்குள்ளே செய்தாலும் சரி மானக்கேடானது மானக்கேடானது தான்.

நாம் மேலே கண்டோம், இறைவன் பெற்றோர்களிடம் அழகான முறையில் நடந்து கொள்ள சொன்னதை பற்றி.

இறைவனுக்கு ‘அழகு’ தான் பிடிக்கும். அழகு என்றால் முக அழகு அல்ல. அக அழகு.

ஷைத்தானுக்கு தான் அசிங்கம் பிடிக்கும். அவன் தான் அசிங்கத்தை ஏவுவான்.

- ஸூரத்துல் பகரா (2) - பசு மாடு

169 வது வாக்கியம்

நிச்சயமாக அவன் தீயவற்றையும், மானக்கேடானவற்றையும் செய்யும்படியும்; அல்லாஹ்வைப் பற்றி நீங்கள் அறியாததைக் கூறும்படியும் உங்களை ஏவுகிறான்.

(5) அல்லாஹ் தடுத்துள்ள எந்த ஓர் ஆத்மாவையும் நியாயமானதற்கு அல்லாமல் - கொலை செய்யாதீர்கள் -

மனிதன் அறியாமல் தனது சக மனிதனுக்கு (ஓர் ஆத்மாவுக்கு அது எந்த நம்பிக்கை கொண்டவராக இருந்தாலும் சரியே!) தீங்கு செய்பவனாக இருக்கின்றான்.

இறைவன் ஒரு பிரதிநிதியை படைக்க போகிறேன் என்று சொன்ன போதே மலக்குகள் கேட்கிறார்கள், ‘இரத்தம் சிந்துவோரையா நீ அமைக்கப் போகிறாய்?” என்று. படியுங்கள்...

- ஸூரத்துல் பகரா (2) - பசு மாடு

30 வது வாக்கியம்

(நபியே) இன்னும், உம் இறைவன் வானவர்களை நோக்கி “நிச்சயமாக நான் பூமியில் ஒரு பிரதிநிதியை அமைக்கப் போகிறேன்” என்று கூறியபோது, அவர்கள் “(இறைவா!) நீ அதில் குழப்பத்தை உண்டாக்கி, இரத்தம் சிந்துவோரையா அமைக்கப்போகிறாய்? இன்னும் நாங்களோ உன் புகழ் ஓதியவர்களாக உன்னைத் துதித்து, உன் பரிசுத்ததைப் போற்றியவர்களாக இருக்கின்றோம் என்று கூறினார்கள்; அ(தற்கு இறை)வன் “நீங்கள் அறியாதவற்றையெல்லாம் நிச்சயமாக நான் அறிவேன்” எனக் கூறினான்.

31 வது வாக்கியம்

இன்னும், (இறைவன்) எல்லாப் (பொருட்களின்) பெயர்களையும் ஆதமுக்கு கற்றுக் கொடுத்தான்; பின் அவற்றை வானவர்கள் முன் எடுத்துக்காட்டி, “நீங்கள் (உங்கள் கூற்றில்) உண்மையாளர்களாயிருப்பின் இவற்றின் பெயர்களை எனக்கு விவரியுங்கள்” என்றான்.

32 வது வாக்கியம்

அவர்கள் “(இறைவா!) நீயே தூயவன். நீ எங்களுக்குக் கற்றுக்கொடுத்தவை தவிர எதைப்பற்றியும் எங்களுக்கு அறிவு இல்லை. நிச்சயமாக நீயே பேரறிவாளன்; விவேகமிக்கோன்” எனக் கூறினார்கள்.

குரான் ஷரீஃபிலே எச்சரிக்கின்றான், ‘நியாயமானதற்கு அல்லாமல் எந்த உயிரையும் கொல்லக் கூடாது” என்று.

இன்றைக்கு கொலைகள் கேவலம் பணத்துக்காகவும், பெண்ணுக்காகவும், நிலத்துக்காகவும், அரசியலுக்காகவும், மதத்தின் பெயரை சொல்லியும் ( கொன்று விட்டு ‘அல்லஹ் அக்பர்’ என்று சொன்னாலும் நிச்சயமாக இதிலும் நியாயம் கிடையவே கிடையாது), நாட்டுக்காகவும் அல்லவா நடக்கிறது.

அலி (றலி) அவர்கள் ஒரு யுத்தத்தில்ல் ஒருவரை கொலை செய்ய வாலை ஓங்கி விட்டார்கள். அவர் தூய்மையான அலி(றலி) அவர்களது முகத்தில் எச்சில் துப்பி விட்டார்.

உடனே வீரர் அலி (றலி) அவர்கள் வாளை தூக்கி போட்டு விட்டு எழுந்து விட்டார்கள்.

அவர் ஆச்சர்யம் தாங்காது, ‘ஏன் இப்படி? - கோவம் இல்லையா? - எது என்னை வெட்ட விடாமல் தடுத்தது?’ என்று காரணம் வேண்டுகிறார்.

அலி (றலி) அவர்கள் விளக்கம் தந்தார்கள், “நீ என் முகத்தில் எச்சில் துப்பிய போது நான் உணர்ச்சிகளால் தூண்டப்பட்டேன், எனக்கு கோவம் வந்தது, நான் ஓங்கிய வாளில் பாதி இறைவனுக்காகவும் பாதி எனக்காகவும் இருந்தது. இறைவனுடைய அலுவல்களில் பங்காளிகள் ஏது?” என்று கேட்டார்கள்.

அவர் இதயத்தில் ஈமான் குடி கொண்டது என்பது இஸ்லாமிய வரலாறு. அலி (றலி) அவர்கள் வாழ்வில் நடந்த இந்த சம்பவம் தான் குரான் ஷரீஃபின் மேற்படி வசனத்திற்கு சிறந்த தப்ஸீர்.

நியாயம் இல்லை என்றால் உயிரை பறிப்பது என்பது நமக்கு துளி கூட உரிமை இல்லாத செயல். பாவத்திலேயே பெரிய பாவம்.

இவற்றை நீங்கள் உணர்ந்து கொள்வதற்காக (இறைவன்) உங்களுக்கு (இவ்வாறு) போதிக்கின்றான்.

போதனை என்று சொன்னால் அது ஒரு வகையில் மேலே கண்டதை எல்லாம் செய்ய சொல்லி கட்டளையிடுகிறான் என்று அர்த்தம். இப்படியும் இருக்கலாம் என்ற பல வழிகளில் இருக்கும் ஒரு வழி அல்ல.. இது தான் இருக்கவே இருக்கும் ஒரே நேரான வழி.

இத்தோடு முடியவில்லை...

152 வது வாக்கியம்

(6) அநாதையின் பொருளின் பக்கம் அவன் பிராயத்தை அடையும் வரையில் அழகான முறையிலன்றி நீங்கள் நெருங்காதீர்கள்;

பெருமானார் (ஸல்) அவர்கள் சொன்னார்கள், அனாதைகளை ஆதரிக்கும் வீடே ஆசீர்வதிக்கப்பட்ட வீடு என்று.

தாய் தந்தையை இழந்தவர்களான இவர்கள் இவர்களாக விரும்பி அப்ளிகேஷன் போட்டு அனாதையாகி விடவில்லை.

அவர்களுக்கு யாருமில்லை அவர்களை என்ன வேண்டுமென்றாலும் செய்து விடலாம் என்று யாரும் தைரியமாக நினைத்து விடாதீர்கள். அவர்களுக்கு அல்லாஹ் இருக்கின்றான்.

முஸ்லீம்களுக்கு கட்டளையிடுகிறான், அவர்களுக்கு ஏதேனும் சொத்து இருந்தால் அதை அழகான முறையிலன்றி அதாவது அதை பெருக்குவதற்காகவேயன்றி அதை நீங்கள் எடுக்க கூடாது.

குரான் ஷரீஃபின் இன்னொரு வசனம் அனாதைகளின் சொத்தை உண்பவர்களை கடுமையாக எச்சரிக்கிறது. படியுங்கள்...

- ஸூரத்துன்னிஸாவு (4) - பெண்கள்

10வது வாக்கியம்

நிச்சயமாக, யார் அநாதைகளின் சொத்துக்களை அநியாயமாக விழுங்குகிறார்களோ அவர்கள் தங்கள் வயிறுகளில் விழுங்குவதெல்லாம் நெருப்பைத்தான்

(7) அளவையும், நிறுவையையும் நீதத்தைக் கொண்டு நிரப்பமாக்குங்கள்;

பெருமானார் (ஸல்) அவர்கள் ஏதாவது வாங்கினால், “ஒழுங்காக நிறுத்துப் போடுங்கள்!” என்று கடைக்காரரிடம் சொல்லுவாஹலாம்.

புலைல் என்பவர்கள் தனது மகனாரை கவனிக்கிறாங்க.. மகனார் ஒரு தங்க நாணயத்தைத் தேய்த்துக் கழுவிக்கொண்டிருந்தாஹா. விற்பனைக்கு உள்ள அந்த தங்க நாணயம் அழுக்கினாலும் கறையினாலும் அதன் நிறை உயரக் கூடாதுங்குறதுக்காக..

புலைல் ங்குறவங்க பார்த்துட்டு சொன்னாஹலாம், “மகனே! நீ செய்யும் காரியம், இரு பத்திரண்டு தடவைகள் இறையில்ல தரிசனம் செய்வதை விடச் சிறப்பு வாய்ந்தது!”

நாம் எந்த ஆத்மாவையும் அதன் சக்திக்கு மீறி கஷ்டப்படுத்துவதில்லை;

மனிதன் என்பவன் களிமண்ணினால் படைக்கப்பட்டவன். களிமண் என்பது படைக்கப்பட்ட ஒரு பொருள். படைக்கப்பட்ட ஒரு மூலப் பொருளிலிருந்து இன்னொரு பொருளை உருவத்தை மனிதனாக படைக்கிறான் இறைவன்.

படைத்த இறைவன் தனது ரூஹை மனிதனில் ஊதுகிறான். இப்போ என்ன ஆச்சுன்னா, லேசான ஒரு பொருள் புனிதமான ஒரு உயிராக உருவெடுத்து விட்டது.

இப்படி வச்சுக்குங்களேன்... புனிதமும் அற்பமும் கலந்த கலவை மனிதன் என்று.

குரான் ஷரீஃபில் ஸூரத்து கஹ்ஃபு எனும் அத்தியாயத்தில் “இரண்டு கடல்கள் ஒன்று சேரும் இடம்..” (60 வது வாக்கியம்) என்று வரும்.

ஸூரத்துல் ஃபுர்ஃகான் - பிரித்தறிவித்தல்

53, 54 வது வாக்கியம்

அவன்தான் இரு கடல்களையும் ஒன்று சேர்த்தான்; ஒன்று, மிக்க இனிமையும் சுவையுமுள்ளது; மற்றொன்று உப்பும் கசப்புமானது - இவ்விரண்டிற்குமிடையே வரம்பையும், மீற முடியாத ஒரு தடையையும் ஏற்படுத்தியிருக்கிறான்.

இன்னும் அவன்தான் மனிதனை நீரிலிருந்து படைத்து, பின்னர் அவனுக்கு வம்சத்தையும், சம்பந்தங்களையும் ஏற்படுத்துகிறான்; மேலும் உம்முடைய இறைவன் பேராற்றலுள்ளவன்.

இரு கடல் என்பதை சூஃபியாக்கள் களிமண்ணையும் இறைவனுடைய ரூஹையும் என்று ஆழ்ந்த அர்த்தமுள்ள விளக்கம் கொடுக்கிறார்கள்.

சரி, இதில் நஃப்ஸ் எங்கே வருகிறது என்று கேட்டால், அது தான் இரு கடல்களையும் ஒன்று சேர்க்கும் பகுதி.
(கணிதத்தில் ‘இண்டர்செக்ஸன்’ என்று படித்திருக்கிறோமே, அதை நினைத்து கொள்ளவும்)

அப்படி பார்த்தால் நப்ஸில் இறைவனின் ரூஹில் உள்ள இறைத்தன்மைகளும் இருக்கும், களிமண்ணில் உள்ள அதாவது உலகத் தன்மைகளும் இருக்கும்.
சுருக்கமாக சொன்னால் நல்லதும் இருக்கும் கெட்டதும் இருக்கும்.

குரான் ஷரீஃப் என்பதே நப்ஷுக்கு நல்லதையும் கெட்டதையும் பிரித்தறிவிக்க கூடியது தான்.

இந்த நப்ஷ் கெட்டதிலிருந்து விலகி இறைத் தன்மையின் பக்கம் வரவழைத்து விட்டால் அது தாங்கிக் கொள்ளாத ஒரு கஷ்டமும் இல்லை. எதுவெல்லாம் கஷ்டம் என்று நினைத்து வருந்துகிறோமோ அந்த கஷ்டம் வந்ததற்காக சூஃபியாக்கள் இறைவனுக்கு நன்றி செலுத்துபவர்களாக இருந்தார்கள் என்பது இதை தான் உணர்த்துகிறது.

(8) நீங்கள் பேசும்பொழுது அதனால் பாதிக்கப்படுபவர் நெருங்கிய உறவினராக இருந்த போதிலும் - நியாயமே பேசுங்கள்;

இது ஒரு குவாலிட்டி ஆஃப் பிஹேவியரின் உச்சம் என்பேன்.

இது வந்து சாதாரணமா பேசும் போது கூட என்று வருகிறது. பெரிதாக ஒரு கேஸில் தீர்ப்பு எழுதும் போது என்றெல்லாம் இல்லை, வக்கீலாக நின்று நீதிமன்றத்தில் வாதிடும் போது என்று கூட இல்லை, நாம சும்மா பேசிகிட்டு இருக்கோம்ல அப்போ கூட ஒரு ஃபேவரிட்டிஸம் இருக்க கூடாது, நியாயமானதை மட்டும் தான் பேச வேண்டும்.

யார் பாதிக்கப்பட்டாலும் சரியே.

(9) அல்லாஹ்வுக்கு (நீங்கள் கொடுத்த) உறுதி மொழியை நிறைவேற்றுங்கள். நீங்கள் நினைவு (கூர்ந்து நடந்து கொள்ளும் பொருட்டே அல்லாஹ் உங்களுக்கு (இவ்வாறு) போதிக்கிறான்.

நம்ம வாழ்க்கையின் ரீவைண்ட் பட்டனை தட்டி விட்டால், நேற்று , முந்தா நாள் என்று பின்னோக்கி சென்று கொண்டே இருந்தால் கல்லூரி, பள்ளிகூடம், இன்னும் பின்னே போய் பால்குடி மாறாமல் தாயின் மடியில், இன்னும் தாயின் வயிற்றில் அப்படியே இன்னும் பின்னே போனால்... ஒரு கட்டத்தில்...

ஸூரத்துல் அஹ்ஜாப் (33) - சதிகார அணியினர்

32 வது வாக்கியம்

நிச்சயமாக வானங்களையும், பூமியையும், மலைகளையும் (நம் கட்டளைகளான) அமானிதத்தை சுமந்து கொள்ளுமாறு எடுத்துக் காட்டினோம்; ஆனால் அதைச் சுமந்து கொள்ள மறுத்தன;அதைப் பற்றி அவை அஞ்சின;ஆனால் மனிதன் அதைச் சுமந்தான்;நிச்சயமாக மனிதன் (தனக்குத்தானே) அநியாயம் செய்பவனாகவும், அறிவிலியாகவும் இருக்கின்றான்.

மேலே படித்த அத்தனை பொறுப்புகளையும் செவ்வனே செய்வேன் என்று உறுதி மொழி கொடுத்து விட்டு தான் இங்கே வந்திருக்கின்றோம். அதை நிறைவேற்ற வேண்டும்.

நிச்சயமாக இதுவே என்னுடைய நேரான வழியாகும்; ஆகவே இதனையே பின்பற்றுங்கள் - இதர வழிகளை நீங்கள் பின்பற்ற வேண்டாம் - அவை உங்களை அவனுடைய வழியைவிட்டுப் பிரித்துவிடும்; நீங்கள் (நேர் வழியைப் பின்பற்றி) பயபக்தியுடையவர்களாக இருப்பதற்கு இவ்வாறு அவன் உங்களுக்கு போதிக்கிறான்.

இறைவன் காட்டியதும் பெருமானார் (ஸல்) அவர்களும் பெரியோர்களும் சென்றதுமான நேரான பாதையில் நடைபோட இறையருள் வேண்டியவனாக..

அனைவருக்கும் ஆங்கில புத்தாண்டு வாழ்த்துகள்...

சிங்கப்பூர் எம.ஆர்.டியில் ஏற்பட்ட தடை

2011-12-20T17:23:00.001+08:00

”சுத்தம் சோறு போடும்” என்று எதை வைத்து சொன்னார்களோ எனக்கு தெரியாது. ஆனால் சுத்தமான சிங்கப்பூர் நாடு தான் எனக்கு சோறு போட்டுக் கொண்டிருக்கிறது.

சிங்கப்பூர் என்றாலே பெரிய கட்டடங்கள், சுத்தமான சாலைகள், சுகாதாரமான உணவங்காடிகள், குற்றங்கள் மிக குறைவான நிலை, அரசியல் நிலைத்தன்மை, சரியான வழிகாட்டக் கூடிய தலைவர்கள், அத்தோடு முக்கியமாக அதிக அபராதம் விதிக்கப்படும் நாடு இவையெல்லாம் நினைவுக்கு வரக்கூடும்.

சிங்கப்பூர் இஸ் எ ஃபைன் சிட்டி என்று சொல்வார்கள்.

இதில் ”ஃபைன்” என்றால் “ஹவ் ஆர் யு?” - “அயம் ஃபைன்” அந்த “ஃபைன்” அல்ல - அபராதம் விதிப்பதற்கு ஃபைன் அடிப்பார்கள் அல்லவா அந்த “ஃபைன்” என்று இங்கே சொல்வது உண்டு.

உதாரணமாக,

குடியிருப்பு பகுதியில் புறாவுக்கு தீனி போடக் கூடாது - மீறி போட்டால் $1,000 வெள்ளி ஃபைன். அதாவது ஊரு காசுக்கு 39,000 ரூபாய்.

ரோட்டில் டிராஃபிக் லைட்டில் பச்சை விளக்கு எரியாத போது சாலையை கடக்கக் கூடாது. மீறி கடந்தால் (Jay Walking) 1000 வெள்ளி அபராதம்.

இப்படி ஏராளமான சட்ட திட்டங்கள் உள்ளன. இவையெல்லாம் இந்த நாட்டுடைய பொருளாதார வளர்ச்சிக்கே உதவியாக இருந்து வருகிறது.

சவுத் பிரிட்ஜ் ரோடு என்று ஒரு சாலை உள்ளது. மஸ்ஜித் ஜாமியா சூலியா என்றொரு இந்திய முஸ்லீம்கள் நிர்வகிக்கும் ஒரு பள்ளிவாசல் உள்ளது. இதற்கு பக்கத்திலேயே ஒரு மாரியம்மன் கோயில் உள்ளது. இவை இரண்டும் எங்கே உள்ளது தெரியுமா? சைனா டவுன் என்ற இடத்தில்.

இந்த குறிப்பு ஒன்று போதும் இங்கே எப்படி பல இனத்தவர்கள் ஒற்றுமையாக இருக்கிறார்கள் என்பதை விளங்கிக் கொள்வதற்கு.

சிங்கப்பூரின் இன்னொரு சிறப்பு இதன் போக்குவரத்து வசதிகள்.

சாலை விதிகளை பற்றி சொல்லி மாளாது. குறிப்பிட்ட வேகத்தில் மட்டுமே செல்லக் கூடிய வேகத் தடை இருக்கும் அல்லவா? 90 கி.மீ வேகத்திற்கு மேல் போகக் கூடாது என்றெல்லாம். அப்படி மீறி வேகமாக வாகனங்களை ஓட்டிச் சென்றால் அபராதம் விதிக்கப்படும்.

அதுவும் எப்படி என்றால் சர்பிரைஸிங்ஙாக வந்து அல்ல, சாலையிலேயே தகவல் பலகை இருக்கும், பக்கத்தில் கேமரா உள்ளது, மெதுவாக செல்லவும் என்று. அதாவது கேமராவை ஒலித்து வைத்து படமெடுத்து ஃபைன் அடிப்பது எல்லாம் கிடையாது.

‘இங்கே கேமரா இருக்கு’ என்று சொல்லி விட்டு மீறி வேகமாக போகிறவர்களை தான் ஃபைன் அடிப்பார்கள்.

சாலை வசதிகள் எல்லாமே யூசர் பிரண்ட்லி என்று சொல்வோமே அந்த வகையில் தான் அமைக்கப்பட்டிருக்கும். எங்கு நோக்கினும் தகவல்கள், தகவல்கள், தகவல்கள்.

இங்கே ‘யு-டர்ன்’ செய்யக் கூடாது என்பதற்கு மட்டுமல்ல, இங்கே ‘யு-டர்ன்’ வசதி உண்டு என்று சொல்வதற்கும் தகவல் கொடுக்கப்பட்டிருக்கும்.

வாழைப்பழத்தை உரிச்சு வாயில் திணித்ததோடு மட்டுமல்லாமல் வாயை புடித்து அழுத்தி கடிக்கவும் வைத்தால் எப்படி இருக்கும்..? - அப்படி தான் இங்கே தகவல்கள் இருக்கும்.

சிங்கப்பூர் மாஸ் ரேபிட் டிரான்ஸிட் சிஸ்டம் என்ற அமைப்பு 1987 ஆம் ஆண்டு தான் முதன் முதலில் தனது சேவையை தொடங்கியது. அதாவது எம்.ஆர்.டி. என்றழைக்கப்படும் இரயில் சேவை தான் அது.

அது இப்போது படிப்படியாக வளர்ச்சிகள் கண்டு இன்றைக்கு மிகப்பரந்த அமைப்பாக உருப்பெற்று உள்ளது.

இதில் நான்கு வழிதடங்களில் செயல்பட்டு வருகிறது

நார்த் - சவுத் லைன்:

இது ஜூரோங் ஈஸ்ட் எனும் நிலையத்திலிருந்து புறப்பட்டு யிஷுன், உட்லண்ட்ஸ் வழியாக சென்று மெரினா பே வரை செல்லும்.

இதில் மொத்தம் 25 நிறுத்தங்கள் உள்ளன.

44 கி.மீ தூர அளவை உடையது.

ஈஸ்ட் - வெஸ்ட் லைன்:

இது ஜூ கூன் எனும் நிலையத்திலிருந்து புறப்பட்டு ஜுரோங்க் ஈஸ்ட், புவனா விஸ்தா, யுனூஸ், தானா மேரா வழியாக பாஸிர் ரிஸ் வரை செல்லும்.

இதில் மொத்தம் 29 நிறுத்தங்கள் இடையில் உள்ளன.

இதில் இன்னொரு சேவையும் இணைக்கப்பட்டிருக்கும். சாங்கி விமானம் நிலையம் வரை செல்லும் சேவை தான் அது.

இதில் மொத்தம் 2 நிறுத்தங்கள் மட்டுமே இருக்கும்.

சாங்கி விமான நிலையம் செல்ல வேண்டுமானால் ஈஸ்ட்-வெஸ்ட் லைனில் வரும் தானா மேரா நிறுத்தத்தில் இறங்கி பக்கத்திலேயே இருக்கும் நடு பிளாட்பார்முக்கு மாறி இடையில் வரும் ஒரே ஒரு நிறுத்தமான எக்ஸ்போவை கடந்தால் சாங்கி விமான நிலையம் தான்.

எல்லாம் சேர்த்து 49.2 கி.மீ தூர அளவை உடையது.

நார்த் - ஈஸ்ட் லைன்

இது ஹார்பர் பிராண்ட் எனும் நிறுத்தத்தில் தொடங்கி சைனா டவுன், லிட்டில் இந்தியா வழியாக புங்கோல் வரை செல்லும்.

இதில் மொத்தம் 16 நிறுத்தங்கள் இருக்கும்

20 கி.மீ தூர அளவை உடையது.

சர்க்கிள் லைன்

டோபி காட்டில் ஆரம்பித்து ஒரு சுற்று சுற்றி நிகல் ஹைவே, ஸ்டேடியம், மெக் பெர்ஸன், சிராங்கூன், பொட்டானிக் கார்டன், தெலுக் பிளாங்கா வழியாக ஹார்பர் பிராண்ட் வரை செல்லும் இந்த சேவை.

இதில் மொத்தம் 28 நிறுத்தங்கள் இருக்கும்.

33.3 கி.மீ தூர அளவை உடையது.

இப்பொழுது டவுன்டவ்ன் லைன் (Downtown Line), தாம்ஸன் லைன் என்று இன்னும் பல லைன்கள் கட்டுமான பணியில் உள்ளன.

இந்த சேவைகள் யாவும் பொதுவாக காலை 5 30 மணிக்கு தொடங்கி விடும். இப்படி ஆரம்பிக்கப்படும் இந்த சேவை இரவு 12 மணிக்கு மேல் தான் நிறுத்தப்படும்.

இடையில் வழிதடங்களை ஆய்வு செய்ய, பராமரிக்க, புதுப்பிக்க என குறைவான கால அளவே உள்ளது. இந்த கால அளவு பத்தாது என்பதே என் கணிப்பு.

இது அல்லாமல் வேறு என்ன காரணமோ தெரியவில்லை, சென்ற வாரம் 15 ந்தேதி வியாழக்கிழமை நார்த்-சவுத் வழி தடத்தில் தடை ஏற்பட்டு போக்குவரத்து பாதிக்கப்பட்டது. இன்று வரை நீடித்திருக்கும் இந்த தடையும் தடங்களும் மக்களிடையே பெரும் பாதிப்பையும் பரபரப்பையும் ஏற்படுத்தி விட்டது.

(இப்பொழுது இயங்க ஆரம்பித்து விட்டதாக தகவல்)

இது போல் தடைகள் ஏற்படாமல் எம்.ஆர்.டி. நிறுவனம் பார்த்துக் கொள்ள தான் வேண்டும். இதில் மாற்றுக் கருத்து இல்லை. ஆனாலும் இது போல் தடங்கள் ஏற்பட்டால் சரி செய்யும் வரை வரும் அசௌகரியங்களை பொறுத்துக் கொண்டு மக்கள் வாழ தெரிந்து வைத்திருக்கவும் வேண்டும்.

இது போல் தடங்கள்கள் எல்லா நாடுகளிலும் ஏற்படத் தான் செய்கிறது. எனது நண்பர் ஜப்பானில் ஒரு வருடம் வசித்து இருக்கிறார். அவரிடம் பேசிக் கொண்டிருந்த போது அவர் சொன்னார், ‘ஜப்பானிலும் இது போல் தடைபடுவதுண்டு..” என்று.

எம்.ஆர்.டி நிறுவனமும் சும்மா சொல்லக் கூடாது, இது போன்ற நேரத்தில் அவர்களால் என்ன சேவையை வழங்க முடியுமோ உதாரணமாக, தகவல் தருவது, ஷட்டுல் பஸ் ஏற்பாடு செய்தது என்று அவர்களால் இயன்றதை உடனடியாக செய்தார்கள்.

பராமரிப்பு என்பது ஒன்று. அதே சமயத்தில் தொடர்ந்து பராமரித்து கொண்டே இருக்க உ முடியாது. ஆங்கிலத்தில் "Predictive Maintenance" என்று ஒன்று உள்ளது. அதாவது பராமரித்து வரும் தளவாடங்களுக்கு எப்பொழுது மாற்று தேவைப்படும் என்று முன்கூட்டியே தெரிந்து வைத்து அது முற்றிலுமாக பழுதாகி நிற்கும் வரை காத்திராமல் மாற்றுவது.

சிங்கப்பூர் பிரதமர் ஃபுல் பப்ளிக் இன்குய்ரிக்கு உத்தரவிட்டிருக்கிறார். ரூட் காஸ் என்ன என்று கண்டு பிடித்து குறிப்பிட்ட இடத்தில் மட்டுமே ஏற்பட்ட பாதிப்பா அல்லது சிஸ்டமிக் எஃபெக்டா (மொத்த வழி தடங்களிலும் ஏற்பட இருக்கும் முன்னறிவிப்பா இது என்று) ஆய்வு செய்து சரி செய்து விடுவார்கள்.

இது போன்ற தடைகளை எல்லாம் மீறி மக்கள் ஒத்துழைப்புடன் தனது பாதையில் உலகிற்கு வழிகாட்டியாக சிங்கப்பூர் தொடர்ந்து முன்னேறி செல்லும் என்பதில் எனக்கு எள்ளளவும் சந்தேகமேயில்லை.

வழிதடங்களில் தடை நிறுத்தங்கள் - ‘மாவ்சம்’ பட குல்ஜார் சாபின் பாடல்

2011-12-17T21:12:00.003+08:00

தனது தாயாரை ஒரு மருத்துவ மாணவர் கல்யாணம் செய்வதாக சொல்லி வாக்கை கொடுத்து விட்டு பதிலாக தனது தாயாரின் மனதை எடுத்துக் கொண்டு சென்று விட்டார்.

சொன்ன வார்த்தை தவறி வர மறந்த அந்த மாணவ காதலனின் நினைவிலேயே இருந்ததால் மனமிழந்த அவள் இப்போது கொஞ்சம் கொஞ்சமாக புத்தியையும் இழக்கிறாள். காதலனை போல் தனது மகளை மருத்துவளாக்குவேன் என்று பார்ப்பவர்களிடமெல்லாம் கூறுகிறாள்.

ஆமாம், இதற்கிடையில் அவளது உடலுக்கு கல்யாணம் செய்து குழந்தையும் பிறந்திருக்கின்றது. தந்தையும் இறந்து விடுகிறார். மகள் ஆளாகி நிற்கிறாள்.

தந்தையின் தம்பி ஆளாகி நிற்கும் அண்ணனின் மகளை அடைய நினைக்கிறார். நல்லவனுக்கு சந்தர்ப்பம் கிடைத்தாலே கெட்டவனாவான் எனும் போது இந்த கொடியவனுக்கும் சந்தர்ப்பம் கிடைக்கவே நினைத்ததை அடைகிறான்.

அவளை இழுத்துக் கொண்டு போய் விபச்சார விடுதியில் உடல் வியாபாரம் செய்ய விட்டு விடுகிறான். கஷ்டங்களையே அனுபவித்த அவளுக்கு அந்த விபச்சார வாழ்க்கை இப்போது பழங்கதை.

தாயாருக்கு மாதாமாதம் பணம் அனுப்பி வைக்கிறாள். மருத்துவ மாணவனை காதலித்த நோய்க்கு மருந்துகள் இல்லாமல் மரணம் எய்துகிறாள் அவளது தாயார். பணம் அனுப்புவதை நிறுத்துகிறாள். உடல் விற்கும் வாழ்வை தொடர்கிறாள்.

இந்த நிலையில் தான் வெளியூரிலிருந்து வந்த ஒருவர் அவள் மீது மிகுந்த அன்பு காட்டி அவளை தன் வீட்டிற்கு அழைத்து வந்து மறந்து போயிருந்த அவளது பழைய வாழ்க்கையை நினைவூட்டுகிறார். மரத்து போயிருந்த அவளது உடல் உணர்ச்சிகளுக்கு உயிரூட்டுகிறார்.

அவர் தான் தனது தாயாரின் காதலனான மருத்துவ மாணவன் என்றும் வாழ்க்கை அமைத்து கொடுத்திருந்த சந்தர்ப்ப சூழ்நிலையால் தனது வாக்கை நிறைவேற்ற முடியாமல் போனதற்காக தாயாரிடம் மன்னிப்பு கேட்க வந்த அவர் இப்போது தாயார் இறந்து விட்ட நிலையில், விபச்சாரியான தன்னை மீண்டும் அந்த தாயாரின் மகளாக்கி மன்னிப்பு கேட்டு பெறவே தான் இவ்வளவு தூரம் வந்திருக்கிறார் என்பதும் தெரியாமலே அவர் மீதே அன்பு கொள்கிறாள்.

குல்ஜார் சாபின் வரிகளுக்கு மதன் மோகனின் இசைக்கு லதாவின் உருக்கமான குரல்...

Ruke ruke se kadam, ruk ke baar baar chale
Qaraar leke tere, dar se bekaraar chale

வாழ்க்கையின்

வழிதடங்களில்

எத்தனையோ

தடை நிறுத்தங்கள்

தொடர்ந்து

செல்ல செல்ல

தொடரும்

தடை நிறுத்தங்கள்

சில நேரங்கள்

தடையின்றி

அமைதியாக செல்கிறது

சட்டென்று

மீண்டும்

பழையநிலைக்கே திரும்புகிறது -

அமைதி (நம்பிக்கை) இழக்கின்றது

Subah na aayee, kaeye bar nind se jaage

Thee ek raat kee yeh jindagee, gujaar chale

இரவின்

பல சமயங்களில்

எத்தனையோ முறை

விழித்து எழுந்து

பார்த்துவிட்டேன்

விடியல் குழந்தை

பிறந்ததேயில்லை

என் வாழ்க்கை

அந்த

ஒற்றை இரவிலேயே

தான்

பன்நெடுங்காலமாய்

கழிந்து கொண்டிருந்தது


Uthaaye firate the ehsaan dil ka sine par
Le tere kadamo me yeh karja bhee utaar chale

எனது

ஆழ் மனதில்

உனது உயர்குணமும்

செய்த உதவிகளும்

இரகசியமாய்

மறைந்தும் நிறைந்தும்

உயர்ந்தும் நிற்கின்றது

என் காலம்

முழுவதும்

உனது பாதையில்

நடந்து

அந்த நன்றிக்கடனை

எப்படியும்

அடைத்து விடுகிறேன்

இதயம் இழந்த அமைதியை மீண்டும் தேடி அலைகிறது - ‘மாவ்சம்’ பட குல்ஜார் சாபின் பாடல்

2011-12-16T22:25:00.001+08:00

உண்மையிலேயே “மன்னிப்பு” அழகான வார்த்தை தான். இதில் இரண்டு வகை உள்ளது. ஒன்று மன்னிப்பு கேட்பது. இன்னொன்று மன்னிப்பு வழங்குவது.

மன்னிப்பு கேட்பது என்பது தவறை தவறி செய்தால் அதை தவறு என்று ஒத்துக் கொள்வதற்கும், மனம் திருந்தியதை உண்மை படுத்துவதற்கும் உதவியாக வருவது.

மன்னிப்பு வழங்குவது என்பது தவறு செய்து விட்ட ஒருவரை பழிவாங்கும் பெரும் குற்றத்தை செய்யாமல் தூண்டாமல் தடுப்பது இந்த மன்னிப்பு வழங்குவது தான்.

மன்னிப்பு கேட்பதோ வழங்குவதோ ஒரு பொழுதுபோக்காகவோ அல்லது பழக்கவழக்கமாகவோ மாறாத வரை மன்னிப்பு அழகான வார்த்தை தான்.

சில பேருக்கு செய்த தவறு உறுத்திக் கொண்டே இருக்கும். மனசாட்சி மாதிரி பெரிய நீதிபதி யாருண்டு சொல்லுங்கள்..?

மன்னிப்பு பெறும் வரை மனதில் நிம்மதியே இருக்காது. நிம்மதியற்ற அந்த மனம் நிம்மதியான பழைய நினைவுகளை தேடி அலையும்.

குல்ஜார் சாபின் வரிகளில் பூபிந்தரின் குரலில் கரைகின்றது கடந்த காலம்.

(உண்மையில் இந்த வரிகளை குல்ஜார் சாப் மிர்ஜா காலிப் என்ற கஜல் கவிஞரிடமிருந்து கடன் வாங்கி கொஞ்சம் மாற்றம் செய்து எழுதியது தான் இந்த பாடலின் பல்லவி)

(கீழே சல்மான் அல்வி என்ற பாகிஸ்தானிய கஜல் பாடகரின் குரலையும் கேட்டு மகிழலாம்)

Dil dhoondta hai phir wohi fursat ke raat din
Baite rahe tasavvure jaanaa kiye hue
இதயம் தேடுகிறது
மீண்டும் மீண்டும்
தேடுகிறது -
கடந்து போன
அந்த
இன்பமான நிமிடங்களை

எந்த வழி
செல்லின்
தேடுவது கிட்டும்
என அறியாது
அமர்ந்து விட்டேன்
நினைவுகளை மட்டுமே
அலைய விட்டேன்

Jadhonki narm dhoop aur aangan mein let kar

Ankhon pe khinchkar tere aanchal ke saye ko
Andhe pade rahe kabhi karvat liye hue

கார்கால நினைவுகள்:

புலன்களுக்கினிய

கார்கால வெப்பமது

நம்மீது வீச

நாமதனை தாங்கியவாறு

வீட்டு முற்றத்தில்

படுத்தயர்ந்தோம்

உனது கண்களில்

கடன்வாங்கிய

மறைப்பை

போர்வையாக்கினோம்

முகத்தை மூடினோம்

நெருக்கமாகவும்

ஒரே பக்கமாக

அல்லாமல்

மாறி மாறியும்

படுத்தயர்ந்த

அந்த

கார்கால நினைவுகளை -

(இதயம் தேடுகிறது

மீண்டும் மீண்டும்
தேடுகிறது -
கடந்து போன
அந்த
இன்பமான நிமிடங்களை)

Yaa garmiyon ki raat jo purwaiyan chale

Thandi safed chaadaron pe jaage der tak
Taaron ko dekhte rahe chath par pade huve

கோடைக்கால நினைவுகள்:

இன்பம்தரும்

தென்றல் வீசிய

கோடைக்கால இரவது

நம்மீது படர

விடியவிடிய விழித்திருந்து

ஈரத் துணியில்

படுத்தயர்ந்தோம்

மொட்டை மாடியில்

நானும் நீயும்

கண்கொட்டாது

நட்சத்திரங்களை

பார்த்து ரசித்த

அந்த இரவுகளை

அந்த

கோடைக்கால நினைவுகளை -

(இதயம் தேடுகிறது

மீண்டும் மீண்டும்
தேடுகிறது -
கடந்து போன
அந்த
இன்பமான நிமிடங்களை)

Barfili sardiyon mein kisi bhi pahaad par
Vaadi mein goonjti huyi khaamoshiyaa sune
Ankhon mein bheege bheege se lamhe liye hue

பனிக்கால நினைவுகள்:

மனம் மயங்கும்

கொட்டி தீர்க்கின்ற

பனிபொழியும் மழையுச்சியது

நம்மீது தழுவ

மௌணங்களின் எதிரொலியை

பள்ளத்தாக்கில் பதிவாகி

காதுவழி கேட்டு

ரசித்து கிடந்தோம்

இருவர் கண்களிலும்

ஈரங்களாய் நிரப்பிய

அந்த

பனிபொழியும் கனங்களை

தான் -

(இதயம் தேடுகிறது

மீண்டும் மீண்டும்
தேடுகிறது -
கடந்து போன
அந்த
இன்பமான நிமிடங்களை)

ஜட்ஜப்பா - பகுதி 9

2011-12-15T21:20:00.001+08:00

முந்தைய பகுதிகளின் இணைப்பு:

1 - http://nagoreismail786.blogspot.com/2009/09/1.html

2 - http://nagoreismail786.blogspot.com/2009/11/2.html

3 - http://nagoreismail786.blogspot.com/2009/12/3.html

4 - http://nagoreismail786.blogspot.com/2010/07/4.html

5. http://nagoreismail786.blogspot.com/2010/08/5.html

6. http://nagoreismail786.blogspot.com/2011/03/6.html

7. http://nagoreismail786.blogspot.com/2011/09/6.html

8. http://nagoreismail786.blogspot.com/2011/12/8.html
------------------------------------------------------------------

‘ஜட்ஜப்பா இஸ்லாத்த பத்தி எங்கேயாவது எழுதியிருக்காஹலா, பேசியிருக்காஹலா?’ என்று எங்க வாப்பாவிடம் நான் கேட்டதற்கு -

எங்க வாப்பா ஒண்ணுமே பேசாம என் கையில ஒரு கிதாபை கொடுத்தாஹா -

அந்த கிதாபின் பெயர் “அல்லாஹ்வின் அழகிய திருநாமங்கள்”

இந்த கிதாபில் தான் குரான் ஷரீஃபை சரிவர உணர்ந்து, உரிய பயனைப் பெறுவதற்கு எதையெல்லாம் கவனத்தில் வைத்திருக்க வேண்டும் என்பதையே நான் புரிந்து கொண்டேன்.

அதாவது குரான் ஷரீஃபை ஆழ்ந்து படித்து உணர நினைப்பவர்கள் இந்த கிதாபை ஒரு முறை முதலில் படித்து விட்டு பிறகு குரான் ஷரீஃபை படிக்க வேண்டும் என்பது எனது சொந்த கருத்தாகும்.

இதை நான் ஏன் சொல்கிறேன் என்றால், இன்றைக்கு இஸ்லாத்தை தன் போக்கில் விளங்கி வைத்திருக்கும் அறிஞர் பெருமக்கள் (?) அவுலியாக்களில் ஆரம்பித்து சஹாப்பாக்கள், பெருமானார் (ஸல்) அவர்கள் என்று எல்லாத்தையும் பற்றி பேசிவிட்டு கடைசியாக அல்லாஹ்வையும் விட்டு வைக்காமல் அல்லாஹ்வுக்கு உருவம் இருக்கிறது என்று ஒரு ஆதாரத்தை கொண்டு வந்து விட்டார்கள்.

ஆங்கிலத்திலே "blasphemer" என்று சொல்வார்கள், அதாவது புனிதமான ஒன்றை மரியாதைக் குறைவாக பேசுவது, இவர்கள் இவ்வகையை சேர்ந்தவர்கள்.

அலி (றலி) அவர்கள் காலத்திலே காரிஜியாக்கள் என்று ஒரு பிரிவினர் இருந்தனர், இந்த பிரிவினரோடு நான் பேசிக் கொண்டிருக்கும் இவர்களையும் இணைத்து என்னால் பார்க்க முடிகிறது.

சரி போகட்டும், கீழ் வரும் குரான் ஷரீஃபின் வாக்கியத்தை கவனியுங்கள்:

அத்தியாயம் 39. ஸூரத்துஜ் ஜுமர் (கூட்டங்கள்)

27வது வாக்கியம்

இன்னும், இந்த குரானில் மனிதர்களுக்காக எல்லாவித உதாரணங்களையும், அவர்கள் சிந்தித்து பார்ப்பதற்காக நாம் திடமாக எடுத்துக் கூறியுள்ளோம்

இந்த வாக்கியத்தில் சில செய்திகள் பிராதனமாக உள்ளது:

1. குரான் ஷரீஃபில் எல்லாவித உதாரணங்களும் (எடுத்துகாட்டுகள், நீதிக்கதைகள் - அரபியில் ‘மஸலின்’ என்ற வார்த்தை) உள்ளது

2. இந்த உதாரணம் யாருக்காக என்றால் மனிதர்களுக்காக (அரபி மொழியில் இறங்கி இருந்தாலும் சரி) தான்

(குரான் ஷரீப் என்பது என்ன தான் அனைவருக்கும் என்றாலும் அதன் முதன்மையான பெறுநர் (அதாவது first addressee - Please Read this:
http://nagoreismail786.blogspot.com/2009/12/blog-post_10.html - ) அந்த கால அரேபியர்கள் தான் என்பது எனது கருத்து)

3. அவர்கள் இந்த உதாரணங்களை வைத்து சிந்தித்து பார்க்க வேண்டும். இல்லை இல்லை ‘அப்படியே தான் எடுத்துக் கொள்வேன்’ என்று பிடிவாதம் காட்டக் கூடாது.

இங்கே இன்னும் சற்று சிந்திப்போம்:

குரான் ஷரீஃப் மனிதர்களுக்காக என்றால் எத்தனையோ அரபி தெரியாதவர்கள் இருக்கிறார்கள்.
குரான் ஷரீஃபோ மிக சிறந்த அரேபிய இலக்கியமாக இருக்கின்றது.
அரபி படித்தவர்களுக்கே குரான் ஷரீஃபின் எல்லா நுணுக்கங்களையும் உணர்ந்து கொள்ள முடியும் என்று உறுதியாக சொல்ல இயலாது.
அரபியல்லாதவர்களுக்காக குரான் ஷரீஃப் அவர்களது மொழியில் மொழிபெயர்க்கப் பட்டிருந்தாலும் ஆனால் மொழிபெயர்ப்புக்கே உள்ள இயல்பான குறைபாடுகளோடு தான் படிக்க முடியும்.

ஒரு சில உதாரணங்கள்:

என்னுடைய பேஸ்புக் தளத்தில் என்னுடைய சீன நண்பர் ஒருவர் இருக்கிறார், ‘லாரண்ஸ் லீ’ என்பது அவரது பெயர். நான் ஏதாவது தமிழில் எழுதினால், என்னிடம் கேட்பார், ‘நீ தமிழ்ல்ல என்னென்னவோ எழுதுறே.. என்னன்னே புரியலை..ஆங்கிலத்தில் எழுது..’ என்று.

மொழி என்பது அடிப்படையில் ஒருவருடைய கருத்தை இன்னொருவருக்கு தெரிவிக்க உதவும் ஒரு கருவி.

என்னுடைய நண்பர் லாரண்ஸ் சீன மொழியில் ஏதாவது எழுதினார் என்றால் எனக்கு நிச்சயம் விளங்க தான் செய்யாது.

இப்பொழுது எங்கள் இருவருக்கும் தெரிந்த மொழியான ஆங்கிலம் உள்ளது. அவர் ஆங்கிலத்தில் பாண்டித்தியம் பெற்றவர். நானோ ஆங்கிலத்தில் ஆனா ஆவன்னா.

இப்பொழுது இரண்டு பேரும் பேசுகிறோம் என்று வையுங்கள். அவர் நல்ல கிராமரில் புரியாத வொகாபலரியில் பிளந்து கட்டுகிறார் என்றால் நான் வாய் பிளந்து நிற்பேனே தவிர என்னால் புரிந்து கொள்ள முடியாது. ஆனால் அவர் எனக்காக விளங்க வேண்டுமென்று கொஞ்சம் எளிய மொழியில் பேசினால் எனது ஆர்வத்தை பொருத்து நான் அவர் குறிப்பிட்ட செய்தியை உள்வாங்கிக் கொள்ள முடியும்.

இப்பொழுது இன்னொரு வகையாக சிந்தித்து பார்ப்போம். எனது நண்பர் லாரண்சுக்கும் ஆங்கிலத்தில் நல்ல பாண்டித்தியம் இருக்கிறது. எனக்கு நல்ல பாண்டித்தியம் இருக்கிறது என்று வைத்துக் கொள்வோம். இப்பொழுது கூட என்னால் அவர் பேசும் கருத்துக்களை உள் வாங்கிக் கொள்ள முடியும் என்று உறுதியாக கூறிவிட முடியாது.

உதாரணமாக, லாரண்ஸ் வந்து ஒரு மருத்துவர் என்று வையுங்கள், நான் ஒரு அக்கவுண்டண்ட் என்று வைத்துக் கொள்வோம். அவர் அவருடைய டெக்னிகல் சப்ஜெக்டை பற்றி இருவரும் பாண்டித்தியம் பெற்ற ஆங்கிலத்தில் பேசினாலும் கூட எனக்கு விளங்காமல் போய்விடும்.

மருத்துவரான அவர், ”பேலண்ஸ் டயட்” பற்றி பேசக்கூடும். ஆனால் அக்கவுண்டண்ட்டான நானோ ”பேலண்ஸ் ஷீட்” டை -பற்றி தான் பேச முடியும்.

இன்னும் ஆழமாக சிந்திப்போம், லாரண்ஸூம் நானும் ஒரே துறையில் பாண்டித்தியம் பெற்றவர்கள். இருவரும் நன்கு பயின்ற மொழியில் பேசிக் கொள்கிறோம் என்று வையுங்கள், அப்பொழுதும் கூட ஒருவரின் கருத்தை இன்னொருவருக்கு சொல்லின் மூலமாக விவரித்து விட முடியும் என்று சொல்வதற்கில்லை.

இதை புரிந்து கொள்ள உதாரணமாக, சிங்கையில் துரியான் என்று ஒரு பழம் இருக்கிறது. இதை நான் நாகூரில் உள்ள ஒரு நண்பருக்கு எந்த வார்த்தையின் உதவியை வைத்துக் கொண்டு உண்ணும் போது எனக்கு நேர்ந்த அனுபவத்தை விளக்கி கூற முடியும்.

இன்னும் சற்று விரிவாக, இருவரும் ஒரே மரத்திலிருந்து பறிக்கப்பட்ட ஒரே பழத்தில் உள்ள இரு துண்டங்களை உண்கிறார்கள் என்று வையுங்கள் ஒரே சமயத்தில் உண்கிறார்கள் என்று வைத்துக் கொண்டாலும் அவர்கள் இருவருக்கும் ருசி முழுக்க முழுக்க ஒரே மாதிரியாக இருக்கும் என்று சொல்லிவிட முடியாது.

ஆகையினால், நாம் மேலே சொன்ன கருத்துக்களிலிருந்து கீழ்கண்ட உண்மைகளை அறிந்து கொள்ளலாம்:

மொழி சில வரையறைகளை உடையது
மொழிக்குள்ள வரையறை எதைப்பற்றி விளக்குவதற்காக அந்த மொழியை உபயோகிக்கிறோமோ அந்தப் பொருளை முழுமையாக உணர்த்தும் வகையில் மேலும் அதிகமாகிறது
அந்த பொருளைத் தெளிவாக்கும் வகையில் மொழியை ஆள்கிறோமா என்பது கேட்பவர்களுடைய, படிப்பவர்களுடைய திறமையையும், அனுபவத்தையும் பொருத்திருக்கிறது
சில அனுபவங்களைச் சொற்களால் உணர்த்தவோ விளக்கவோ முடியாது
ஒரே சொல் ஒன்றை அனுபவித்த ஒருவருக்கு ஒரு பொருளையும் அதை அனுபவிக்காத வேறு ஒருவருக்கு வேறொரு பொருளையும் தரக்கூடும். அதாவது, அனுபவத்தின் அடிப்படையில் பயன்படுத்தப்படும் சொல் ஒன்றின் செறிவையும், திண்மையையும் அந்த அனுபவமில்லாத ஒருவரால் உணர்ந்து கொள்ள முடியாது.

மொழியின் அடிப்படையில் அமைந்திருக்கும் இந்த குறைகளை எல்லாம் உணர்ந்து கொண்டு தான் குரான் ஷரீஃபை அணுக வேண்டும்.

இப்போது உதாரணமாக, ஒரு குரான் ஷரீஃபின் வசனத்தை கவனிப்போம்

அத்தியாயம் 39 - ஸூரத்துஜ்ஜுமர் (கூட்டங்கள்)

67வது வாக்கியம்

“மேலும், அல்லாஹ்வுக்குக் காண்பிக்க வேண்டிய அளவுக்கு அவர்கள் அவனைக் கண்ணியப்படுத்துவதில்லை; இந்த பூமி முழுவதும் இறுதித் தீர்ப்பு வேளையில் அவனுடைய ஒரு கைப்பிடிக்குள்ளே தான் இருக்கும்; வானங்கள் அனைத்தும் அவனது வலக்கரத்திலே சுருட்டப்பெற்று இருக்கும். அவன் மிக்க பரிசுத்தமானவன்; இவர்கள் அவனுக்கு இணையாக்கி வைப்பவற்றுக்கெல்லாம் மேலானவன் அவன்.”

இந்த ஆயத்தை எப்படி அணுகுவது?

பூகோள அறிவைக் கொண்டு நாம் தெரிந்து வைத்திருக்கிறோமே நாம் வாழும் பூமியைப் பற்றி -அந்த பூமியை அல்லாஹ் அவனது ஒரு கைக்குள்ளே அடக்கி வைத்திருப்பான். அது மட்டுமல்ல அவனோட வலது கையில் வானங்களையெல்லாம் சுருட்டி வைத்துக் கொள்வான்.

இப்படி நேரடியாக பொருள் கொண்டு விளங்க முற்படலாமா?

அப்படி என்றால் இவ்வளவையும் கையில் வைத்திருக்கிற அந்த உருவம் எங்கே நிற்கும்?

பூமியிலேயும் நிற்க முடியாது - வானத்திலேயும் மிதக்க முடியாது, என்றால் - அது நிற்பதற்காக இன்னொரு இடத்தை படைக்குமா என்ன?

நான் மேலே சொன்ன அறிஞர் பெருமக்கள் தங்களுடைய அனுபவத்தின் அடிப்படையில் புரிந்து கொள்ள நினைக்கிறார்கள். அதனால் வந்த கோளாறு தான் இறைவனுக்கு உருவம் உள்ளது என்ற பினாத்தல் யாவும்.

இதற்கு தான் - அறிவின் இருப்பிடமும் மூலமுமான இறைவனை பற்றி அந்த இறைவன் படைத்த மொழியில் விளக்க முற்படுவது அல்லது தர்க்கத்தில் விளங்க முற்படுவது முழுமையடையாது - என்கிறோம்.

ஆக, அவர்கள் இது மாதிரியான விஷயத்தில் ”மூக்கை நுழைக்காமல்” (இங்கே ‘மூக்கு’ என்பதன் சரியான பொருள் விளங்கும் என்று நம்புவோமாக) இருப்பது நல்லது என்று நினைக்கிறேன்.

அவர்கள் தங்கள் வாழ்நாளில் எதுவெல்லாம் ’ஷிரிக்’ என்று பட்டியலிட்டுக் கொண்டும் யாரெல்லாம் ஷிர்க்வாசிகள் என்று ஜாப்தா போட்டுக் கொள்வதோடு நிறுத்திக் கொள்வது நல்லது.

ஆகவே, இந்த வாக்கியத்தை மேலே கண்ட குரான் ஷரீஃபின் 39வது அத்தியாயம் 27வது வாக்கியம் கூறுவது போல் உதாரணமாக உருவகித்து சொல்கிறது என்று தான் கொள்ள வேண்டும்.

மேலே கண்ட இந்த வசனம் சிருஷ்டிகர்த்தாவான இறைவன் சிருஷ்டிக்கப்பட்ட அனைத்தையும் விட உயர்ந்தவன் - பெரியவன் என்பதை உறுதிப்படுத்துவதுடன் அனைத்துமே அவனுடைய ஆதிக்கத்தின் கீழ் வருபவையே என்பதை தெளிவுபடுத்தவுமே இந்த உருவகத்தை கையாண்டு இருக்கிறது.

அதனால் தான் உடனே ”அவன் பரிசுத்தமானவன்” என்று வருகிறது கவனியுங்கள் -மேலே சொன்ன அறிஞர் பெருமக்கள் “கையிருக்கு - காலிருக்கு” என்று தெரிந்தோ தெரியாமலோ இணையாக்குகிறாகள் அல்லவா அவர்களை எச்சரிக்கவும் இந்த ஆயத்து இந்த உருவகத்தை கொண்டே அறிவுறுத்துகிறது - இவர்கள் இணைவைக்கிறார்கள் அல்லவா அவற்றை எல்லாம் விட அல்லாஹ் உயர்ந்தவன் என்று உணர்த்துவதே இந்த ஆயத்தின் நோக்கமாக இருக்கலாம்.

ஜட்ஜப்பாவின் “அல்லாஹ்வின் அழகிய திருநாமங்களை” படிக்காமல் போயிருந்தால் குரான் ஷரீஃபுடைய இலக்கிய அழகு எனக்கு விளங்காமலே போயிருக்கும்.

இன்னொரு உதாரணம் பாருங்கள்..

அத்தியாயம் 7 - ஸூரத்துல் அஃராஃப்

54 வது வாக்கியம்

“... அவனே இரவைக் கொண்டு பகலை மூடிவிடுமாறு செய்கிறான். அ(ப்பகலான)து அதனை இடையறாது தொடர்ந்தே செல்கிறது. .....”

யுக்ஸி - அதனை மூடுகிறான்

அல் லைல - இரவினை

னஹார - பகலை(க் கொண்டு)

யத்லுப்ஹு - தேடுகிறது, செல்கிறது

ஹஸீஸன் - இடையறாது

ஜட்ஜப்பா எழுதுகிறார்கள்,

“.. இரவும் பகலும் இடையறாது ஒன்றை ஒன்று துரத்திக்கொண்டும் தேடிக் கொண்டும் சென்று கொண்டிருக்கின்றன என்பதும் ஓர் அழகிய கற்பனை நிறைந்த அலங்காரமாகும்”

எனது அழகான உடலை பறித்துக் கொண்டு - ‘பந்தினி’ பட குல்ஜார் சாபின் பாடல்

2011-12-09T21:44:00.001+08:00

குல்ஜார் சாபின் முதல் பாடல்

பந்தினி (சிறைவாசம்) எனும் படம்

எஸ்.டி. பர்மன் இசை

லதா மங்கேஷ்கரின் குரல்

காட்சியில்:

இந்தியாவின் அருமையான நடிகைகளில் ஒருவரான நுதான். கேன்சர் எனும் கொடிய அரக்கன் முடித்து வைத்தவர்களில் இவரும் ஒருவர்.

Mora gora ang lai le, mohe sham rang dai de
chhup jaungi raat hi mein, mohe pi kaa sang de de

எனது

அழகான உடலை

பறித்துக் கொண்டு

மாலை இருட்டின்

நிறத்தை

என் மேனியில்

பூசி விடுங்கள்

இரவின் தனிமையில்

இருக்க விடுங்கள்

இதயம் நிறைந்தவனோடு

நடக்க விடுங்கள்


Ek laj roke paiyya, ek moh khinche baiyya
jau kidhar naa janu, humka koyi batayide

எனது நாணம்

கால்களை

கட்டி போடுகிறது

எனது ஆசையோ

கைகளை

பிடித்து இழுக்கிறது

நான் எங்கே

செல்வேன் -

ஒரே குழப்பம்

எனக்கு

யாரேனும்

வழிகாட்டுங்கள்


Badali hata ke chanda chupke se jhanke chanda
tohe rahu lage bairi musakaye ji jalayake

மேகத்தின் நடுவே

ஒளிந்து கொண்டு

இந்த நிலவு

என்ன செய்கிறது

பாருங்கள்..?

எனது இந்த

நிலையை

எண்ணி

எள்ளி நகையாடுகிறது

நிலவே..!

பிடி சாபத்தை

இனி நீ

எப்போதும்

பிறையாகவே

இருந்து விடு..!


Kuchh kho diya hain payake, kuchh paa liya gawayake
kaha le chala hain manwa, mohe bawari banayake

எனது பாதியை

நான்

தொலைத்து விட்டேன்

எனது மீதியை

நான்

கண்டு கொண்டேன்

என் மீது

காதல் கொண்ட

என் மனம்

எங்கே தான்

என்னை

அழைத்துக் கொண்டு

செல்ல போகிறதோ..?

தொலைதூரத்திலிருந்து மீண்டும் ஒரு மேகம் - ‘நம்கீன்’ பட குல்ஜார் சாபின் பாடல்

2011-12-08T19:35:00.001+08:00

அவளது தாயார் ஒரு நடனக்காரர். தந்தையோ நாட்டிய நாடகத்தை நடத்தும் நிர்வாகி. தாயாருக்கு நாடக வாழ்க்கையின் மோக வேஷம் கலைந்து விடவே குடும்ப வாசம் பெற எண்ணுகிறார்.

நாடக நிர்வாகியின் மனைவியாகி குடும்ப வாழ்க்கையில் முத்தான மூன்று முத்துக்களை ஈன்றெடுக்கிறார். தந்தை முத்துக்களை மேடையேற்ற முயல்கிறார். தாயாருக்கு மனமில்லை, நடனத்துக்கு இடம் தரவில்லை.

இரண்டாவது மகளை தந்தை கடத்துகிறார், துன்புறுத்துகிறார், நாடகத்தில் நடிக்க வேண்டியே இத்தனை இன்னல்களும். அதிர்ச்சியில் ஊமையாகிறாளே தவிர இசைக்கு நடனமாட இசையவில்லை.

பேரதிர்ச்சியிலேயே வாழ்ந்து வரும் அவளுக்கு அவளின் கவிதை சற்றே ஆறுதல். அப்போது தான் வருகிறார் ஒரு வாகனமோட்டி. சில காலம் அங்கே அவருக்கு அவளது வீட்டில் அறைவாசம். அவரை அவள் தனது சிறைவாசத்தில் தீர்பெழுத நாடுகிறாள்.

அவரோ எங்கிருந்து வந்திருக்கிறார்..? தெரியாது..?
சில காலம் தான் இருப்பார். பிறகு பறந்து போய்விடுவார்.
எல்லாம் தெரிந்தும் மனம் மட்டும் ஒன்றுமே தெரியாத அவனை வேண்டி கவிபாடுகிறது.

காதலியின் கவிதையில் காதலன் மேகமாய் மாறுகிறான்.

Phir Se Aaeeyo, Badaraa Bidesee
Tere Pankho Pe, Motee Jadoongee
Bhar Ke Jaaeeyo, Humaaree Talayyaa
Mai Talayyaa, Kinaare Miloongee
Tuze Mere Kaale Kamaleewaale Kee Saundh

தொலைதூரத்திலிருந்து
மீண்டும் ஒரு மேகம்
வந்திருக்கிறது..

மேகமே..!
உனது இறக்கையில்
நான் விலைமதிப்பற்ற
முத்துக்களை
கட்டி விடுகிறேன்

என்னுடைய ஏரியில்
பூக்களை கொண்டு
நிரப்பிவிடு

நான் ஏரிக்கரையின்

ஓரமாக

உன்னை

சந்திக்கிறேன்

நான் ஒரு
பழைய சூஃபியின்
பொருட்டால்
மன்றாடி கேட்டுக்
கொள்கிறேன்..

Tere Jaane Kee Rut Main Jaanatee Hoo
Mood Ke Aane Kee Reet Hain Ke Nahee
Kaalee Daragaa Se Poochhoongee Jaa Ke
Tere Man Mein Bhee Pareet Hain Ke Nahee
Kachchee Puliyaa Se, Ho Ke Gujareeyo
Kachchee Puliyaa Kinaare Miloongee

உனது புறப்பாடு
என்ன விளைவுகளை
ஏற்படுத்தும் என்று
நான்
அறியாமலில்லை

சென்ற நீ
திரும்பி
வருவது
இயற்கையான
நிகழ்வு
தானே..?

சூஃபியின்
தர்காவில்
வைத்து
உன்னிடம்
கேட்கின்றேன்

நான் உன்
மனதில்
இருக்கின்றேனா?
இல்லையா?

பாலம்
வழியாக
வந்து விடு

அங்கே வைத்து
உன்னை
நான்
சந்திக்கின்றேன்

Too Jo Ruk Jaaye, Meree Atareeyaa
Mai Atareeyaa Pe, Zaalar Lagaa Doo
Daaloo Chaar Taabeej Gale Se
Apane Kaajal Se, Bindeeyaa Lagaa Doo
Chhoo Ke Jaaeeyo, Humaare Bagiche
Mai Pipal Ke Aade Miloongee

என் வீட்டு
கூரை வழி
செல்லும் போது
சற்று நின்று
ஓய்வெடு

நான் உனக்காக
ஒரு விளக்கை
ஏற்றி வைக்கிறேன்

கழுத்து சங்கிலி
அணிந்து கொள்கிறேன்

கண்ணுக்கு மையிட்டு
கொள்கிறேன்

நெற்றியில் பொட்டு
வைத்துக் கொள்கிறேன்

வீட்டுவாசல் பக்கமாக
வந்து விடு

அங்குள்ள அரசமரம்
அருகே வைத்து
உன்னை
நான்
சந்திக்கின்றேன்

ஜட்ஜப்பா - பகுதி 8

2011-12-07T20:44:00.001+08:00

முந்தைய பகுதிகளின் இணைப்பு:

1 - http://nagoreismail786.blogspot.com/2009/09/1.html

2 - http://nagoreismail786.blogspot.com/2009/11/2.html - (புதிய படங்கள் சேர்க்கப்பட்டுள்ளது)

3 - http://nagoreismail786.blogspot.com/2009/12/3.html

4 - http://nagoreismail786.blogspot.com/2010/07/4.html

5. http://nagoreismail786.blogspot.com/2010/08/5.html

6. http://nagoreismail786.blogspot.com/2011/03/6.html

7. http://nagoreismail786.blogspot.com/2011/09/6.html

--------------------------
ஜட்ஜப்பாவை பற்றி எழுதி விட்டு இராமயணத்தை பற்றி எழுதாமல் விட்டால் எப்படி?
----------------------------
மறைந்திருந்து மானமிகு வாலியை வீழ்த்திய மாண்புமிகு இராமசந்திரனை மாவீரன் என்று போற்ற மகாகவி கம்பனே தயங்கினான் என்றால்...
மாண்டாலும் வெற்றி வாலிக்கு தானே...?
ஆண்டாலும் அவன் தம்பி சுக்ரீவன் துரோகி தானே...?

- மேலே கண்டது கலைஞர் அவர்களின் கவிபேச்சு தான் இடைத்தேர்தலில் எம்ஜி இராமசந்திரன் அணி வெற்றி பெற்ற சமயம் நடந்த திமுகவின் முப்பெரும் விழாவில்.
-----------------
மூதறிஞர் இராஜாஜி வாலி வதத்தை விமர்சித்து கூறும்போது -

"இராமன் என்கிற வெள்ளைத் துணியிலே விழுந்த கரும் புள்ளி" என்றார்
----------------------------------------------------
இராமயணம் சம்மந்தப்பட்ட விவாதத்திலே அதிகம் விவாதிக்கப்பட்டது இராமாயணம் உண்மையாக நடந்த வரலாறா அல்லது புனையப்பட்ட கதையா என்பது கூட அல்ல - இராமன் வாலியை மறைந்திருந்து கொன்ற சம்பவம் பற்றித் தான்.

இத்தகைய விவாதங்கள் இராமயணத்தை நம்பாத பகுத்தறிவாளர்களிடமோ அல்லது இந்து மதம் சாராத மாற்று மதத்தவர்களிடையேயோ எழுந்த எழுகின்ற விவாதங்கள் அல்ல. இராமயணத்தை முழுமையாக நம்பி இராமனை கடவுளென்று ஏற்றுக் கொண்டவர்களிடையே கூட இருந்து தான் வருகிறது.

முக்கியமாக இராமன் வாலியை கொன்ற முறையை பற்றி பலவாறாக விவாதங்கள், பட்டிமன்றங்கள், கேள்விகனைகள் இப்படியாக தொடர்ந்து கொண்டே தான் இருக்கின்றன.

இந்த சம்பவம் தொடர்பான விவரிப்பில் வால்மீகி இராமாயணத்திற்கும் கம்பராமாயணத்திற்கும் கூட சில வித்தியாசங்கள் இருக்கின்றது.

சுக்வீரன் வாலியிடம் அடைக்கலம் கேட்டு வந்த போது வாலி அடைக்கலம் தர மறுக்கிறான். அத்தோடு தனது சகோதரனான சுக்வீரனின் மனைவியை வாலி அபகரித்தும் கொள்கின்றான்.

இதன் காரணத்தால் இராமன் வாலியை மறைந்திருந்து அம்பெய்தி கொல்கிறான். கொன்ற பிறகு வாலி உடனே சாகவில்லை, மறைந்திருந்து கொன்றதற்கான நியாயங்களை இராமனிடம் கேட்கிறான்.

அவன் கேட்கும் நியாயமான கேள்விகளுக்கு இராமன் வால்மீகியில் இப்படி பதில் சொல்கிறார், “நீ யார் இதை கேட்க? நீ ஒரு விலங்கு. ஒரு விலங்கை எப்படி வேண்டுமானாலும் வேட்டையாடலாம். எதிர் நின்று தான் கொல்ல வேண்டும் என்கிற சட்டமில்லை. இது வேட்டை நியதி”

”ஆனால் சகோதரனுடைய மனைவியை கைப்பற்றிக் கொள்வது கூடாது” என்பது மனிதனுக்குறிய தர்மம். அதெப்படி மனிதனுக்குறிய தர்மத்தை விலங்கின் மீது ஏற்றலாம்...? என்ற கெள்வி எழுப்புகிறான் வாலி

“வேதம் படித்தவன் விலங்காக இருந்தாலும் மனுதர்மம் கட்டுபடுத்தும்” என்று பதிலளிக்கிறான் இராமன்.

“நீ சொல்வதெல்லாம் சரி என்று வைத்துக் கொண்டாலும் மறைந்திருந்து கொல்வானேன்..” என்று நெற்றி பொட்டில் குறி வைக்கிறான் வாலி

இந்த கேள்விக்கு இராமனே பதில் சொல்ல முடியாமல் போகவே இலட்சுமணன் தான் வாலிக்கு சமாதானம் சொல்கிறான். அந்த சமாதானமும் ஏதோ சமாளிக்கும் விதமாக தான் அமைந்திருக்கிறதே தவிர நியாயம் என்று தெளிவாக எடுத்து இயம்பவில்லை பெரும்பாலாருக்கு திருப்தியளிக்கவில்லை.

கம்பராமாயணத்தில் இராமன் வாலியையும், சுக்வீரனையும் முதலில் “பித்து ஆய விலங்கு” என்று பகுத்தறிவில்லாத விலங்கு என்று கூறுகிறார். ஆனால் வாலியை கொன்ற பிறகு வாலி கேட்கும் கேள்விகளுக்கு பதில் சொல்லும் போது “.. நீ விலங்கல்ல...” என்று கூறுகிறான்.

இத்தகைய முரண்பாடுகள் கம்பராமாயணத்திலே இராமனிடம் காணப்படுவதாய் கருத்துக்கள் வாதங்கள் முன்வைக்கப்படுகிறது.

இப்படி பலவாறாக விவாதப் பொருளாக விளங்கிய இந்த கேள்விகளை ஜட்ஜப்பா எடுத்துக் கொண்டு தனது வக்கீல், நீதிபதிக்கே உரிய வாதப் பிரதிவாதங்களை சீர்தூக்கிப் பார்த்து புதிய அணுகுமுறையோடு அணுகி அவர்களுக்கு சரி என்று பட்டதை வைத்து விடை கான முயன்றார்கள்.

அந்த முயற்சியின் வெளிப்பாடு தான் “மூன்று வினாக்கள்” என்ற ஒரே புத்தகம். 400 பக்கங்களுக்கும் மேலாக இருக்கும் அந்த புத்தகத்தில் வாலி வதம் பற்றிய கருத்தாக்கமே பிராதனமாக இருந்தாலும் மொத்த இராமாயனத்தையுமே படித்த திருப்தியை கொடுக்கும்.

இந்த நூலை காஞ்சி சங்கராச்சாரியார் மறைந்த பெரியவர் பரமாச்சாரியார் படித்து விட்டு ஜட்ஜப்பாவிடம், “நீங்கள் சீஃப் ஜஸ்டிஸ். ராமனுக்கு ஜஸ்டிஸ் பண்ணிவிட்டீர்கள்” என்று பொன்னாடை போர்த்தி பாராட்டி வாழ்த்தினார்கள்.
-------------------------------
A.K.Ramanujam - http://en.wikipedia.org/wiki/A._K._Ramanujan - Author of "Three Hundred Ramayanas: Five Examples and Three Thoughts on Translations"

வாலி வதை சம்மந்தமான வாத பிரதிவாதங்கள்:

http://periyardk.org/PHP/Details.php?key1=Kudiyarasu&key2=1935&fileName=Jul&cCount=11

http://mathimaran.wordpress.com/2008/12/19/article148/

http://www.vallamai.com/special/deepavali/187

http://www.thinnai.com/index.php?module=displaystory&story_id=81104301&edition_id=20110430&format=html

கர்பலா

2011-12-06T20:14:00.001+08:00

இதையும் படிக்கலாம்: http://nagoreismail786.blogspot.com/2010/12/blog-post.html

"Truly, Allah does not remove Sacred Knowedge by taking it out of servants, but rather by taking back the souls of Islamic scholars [in death], until, when He has not left a single scholar, the people take the ignorant as leaders, who are asked for and who give Islamic legal opinion without knowledge, misguided and misguiding"
(Fath al-Bari, 1.194, hadith 100).

இன்றைக்கு இஸ்லாத்தை அதன் தூய வடிவில் அறிந்து கொள்வதில் இருப்பதன் மிகப் பெரிய சவாலே அதனை தூய வடிவில் சொல்லி தருவதாக கூறி கூட்டத்தை கூரு போட்டுக் கொண்டிருக்கும் அறிஞர் பெருமக்களால் தான்.

அத்தகையோர் அவர்கள் கருத்தியலை சாராத மக்களை எவ்வளவு அலட்சியமாக ஆதங்கத்தோடும் மேதாவித்தன திமிரோடும் ஒரு மார்க்க தலைவருக்கு இருக்கக் கூடாத தகுதிகளை பரிபூரணமாக நிரப்பி பேசி வருகிறார்கள் என்பது வேதனைக்குறியது.

எரிகின்ற கொல்லிக்கு எண்ணெயாய் என்னமாய் எண்ணமதை போதிக்கிறார்கள்.

பெருமானார் (ஸல்) அவர்களின் இறுதி பேருரையில் “.. எனக்கு பிறகு நீங்கள் இணை வைத்து விடுவீர்களோ என்று கூட நான் அஞ்சவில்லை... ஆனால் எங்கே ஒருவருக்கொருவர் சண்டையிட்டு பிரிந்து விடுவீர்களே என்றே நான் அஞ்சுகிறேன்..” என்று கூறினார்கள்.

பெருமானார் (ஸல்) அவர்களுக்கே இல்லாத அதிகபிரசிங்கித்தன அக்கறையும் அச்சமும் இவர்களுக்கு எந்த ஷைத்தான் விதைத்து விட்டு போனதோ தெரியவில்லை.

தகவல் பரிமாற்ற வழிமுறையின் (Communication Process) படி பார்த்தால் தகவல் பரிமாற்றத்திற்கு (Communication) முக்கியமாக ஒன்று தேவைப்படுகிறது. அது தான் தகவல், சொல்ல வேண்டிய செய்தி (Message). அந்த தகவலை (Message) குறியீட்டாக்கி (encode) செய்து ஒரு ஊடகர் அல்லது ஊடகத்தை (Medium) தேர்ந்தெடுத்து - இதனை சரியாக தேர்ந்தெடுத்தால் தான் செய்தி சரியானபடிக்கு போய் சேரும் - பிறகு அந்த செய்தியை திரும்பவம் பெறுநருக்கு (Receiver) புரிகிற மாதிரி மாற்றம் செய்து (Decode) சொல்ல வேண்டும்.

தகவலை பெறுநர் எவ்வளவு தூரம் புரிந்து கொள்கிறார் (the degree of understanding) என்பது பல்வேறு காரணிகளை பொறுத்து அமையும், உதாரணமாக அவரின் கேட்கும் திறன் (We have two ears and one mouth so that we can listen twice as much as we speak - Epictetus, Greek Philosopher), பொதுவான அறிவு, காட்டும் விருப்பம், முக்கியமாக பொறுமை இப்படியாக சொல்லிக் கொண்டே போகலாம்.

குரான் ஷரீஃப் சொல்ல வந்த தகவல்களில் செய்திகளில் இறைவனை பற்றிய செய்திகள், முந்தைய வரலாறுகள், சத்தியம், மறுக்கப்பட வேண்டியவைகள், கடைபிடிக்கப்பட வேண்டியவைகள், இப்படி எண்ணற்ற தகவலை கொண்ட செய்திகளை உடையதாக இருக்கின்றது.

இதில் நான் சொல்ல வரும் செய்திக்கு ’வரலாற்றை’ பற்றி அதை எப்படி சொல்கிறது, விவரிக்கின்றது என்று புரிந்து கொள்வதிலிருந்து சில உண்மைகளை விளங்கி கொள்ள முடியும்.

ஹஜ் செய்வது என்பது உலகில் உள்ள அனைத்து முஸ்லீம்களும் இனம், மொழி, நிறம், வர்க்கம் என எந்த பாகுபாடுமின்றி ஓரிடத்தில் ஒரே முழக்கத்தோடு இணைவது எப்படி ஒரு சமூக தௌஹீதை உருவாக்குகிறதோ அதே போல் குரான் ஷரீஃபில் கூறப்பட்ட வரலாற்று சம்பவங்கள் ஒரு வரலாற்று தௌஹீதை உருவாக்குகிறது.

முன்சென்றவர்களின் வரலாற்றை குறிக்கும் ஒரு வரலாற்று குறிப்பு புத்தகமாக குரான் ஷரீஃபை பார்க்க முடியாது, மாறாக அதில் ஒரு தத்துவம், ஒரு அடிப்படை ஒழுங்கு இதனை கற்பிக்க கூடியதாக வாழ்க்கைக்கு என்றைக்கும் உதவக் கூடிய கொள்கைகளை, கோட்பாடுகளை விளக்கக் கூடிய ஒரு வடிவம் (Pattern) இருப்பதை விளங்கி படித்தவர்களால் உணர்ந்து கொள்ள முடியும்.

அந்த வகையில் குரான் ஷரீஃபில் ஹிஜ்ரத் அதாவது ஒரு குறிப்பிட்ட குறிகோளுக்காக ஓரிடத்தில் இருந்து இன்னொரு இடத்திற்கு பயணம் மேற்கொள்வது பற்றி குரான் ஷரீஃபில் வரும் வரலாற்று குறிப்புகளில் ஒரு முக்கிய இடம் (key Concept) வகிக்கிறது.

கிட்டதட்ட எல்லா நபிமார்களின் வாழ்விலும் இவ்வகையான ஹிஜ்ரத் நடந்தேறியுள்ளது. பெருமானார் (ஸல்) அவர்களின் ஹிஜ்ரத் செய்த நாளை தான் நாம் ஆண்டு கணக்காக கொண்டாடி வருகிறோம்.

(இதில் அன்னை மர்யம் (அலை) அவர்களின் குமாரர் நபி ஈஸா (அலை) அவர்களின் ஹிஜ்ரத் கொஞ்சம் வித்தியாசமானது. ஒரு இடத்திலிருந்து இன்னொரு இடத்திற்கு Horizontal ஆக Mobile ஆக ஹிஜ்ரத் செய்வது பயணப்படுவது என்று அல்லாமல் Elevated ஆக உயர்த்தப்பட்ட வகையில் அமைந்ததை காண முடிகிறது)

மேலே சொன்ன தகவல் பரிமாற்ற வழிமுறையின் படி வரலாற்று தகவலை அனுப்புனரான அல்லாஹ் தகவலை வஹி எனும் குறியீடாக்கி பெருமானாரின் (ஸல்) இதயத்தில் இறக்கி வைத்தான். நான் புரிந்த வரையில் எப்பொழுது அவன் இறக்கி வைத்தானோ அந்த குரான் ஷரீஃபின் பொருளாகவே அவர்கள் மாறினார்கள். பெருமானார் (ஸல்) அவர்கள் இறைவனிடம் இருந்து வந்த செய்தியை மாற்றம் செய்து மக்களுக்கு புரியும் படி அரபியில் எடுத்து கூறினார்கள்.

இத்தோடு தகவல் பரிமாற்றம் முடிவுறவில்லை, வேண்டுமானால் ஒரு பகுதி முடிந்து விட்டது என்று கொள்ளலாம், அதாவது ”தன்ஜில்” முடிந்து விட்டது.

தன்ஜில் என்றால் குரான் ஷரீஃபின் வாக்கியங்கள் இறைவனிடமிருந்து பெருமானார் (ஸல்) அவர்களுக்கு இறங்கி அதன் பிறகு பெருமானார் (ஸல்) அவர்களின் வாய் வழி மக்களுக்கு வந்தடைவதை குறிக்கும்

ஆக இந்த தகவல் பரிமாற்றத்தின் இன்னொரு பகுதியான ‘தவில்’ என்று ஒன்று உள்ளது. அதாவது அதன் நீட்சி (extension). இது வந்து ஒரு வட்டம் போல், வந்த தகவல்களை சரிவர புரிந்து கொண்டு வாழ்வில் அதற்கு அர்த்தம் (தப்ஸீர்) கொண்டு வந்து மீண்டும் எங்கிருந்து தகவல் வந்ததோ அந்த மூலத்தையே புரிவது, அறிவது, உணர்வது. இது தான் வந்த தகவலை விளங்கிக் கொண்டதற்கான ஏற்றுக் கொண்டதற்கான உறுதி பத்திரம் (Confirmation)

இந்த குரான் ஷரீஃபின் தகவல்களை புரிந்து கொள்வதை என் போன்ற பாமரருக்கு எளிது படுத்த தப்ஸீர் எனும் அர்த்தங்களை விளக்கங்களை கிதாபில் நிறைய பேர்கள் எழுதினார்கள் என்றால் பெருமானாரின் (ஸல்) அவர்களின் குடும்பத்தார்கள் எனப்படும் அஹ்லுல் பைத் என்ற கண்மணியானவர்கள் தங்களது வாழ்விலேயே தப்ஸீரை எழுதினார்கள்.

அதில் மிக மிக முக்கியமான குரான் ஷரீஃபின் தப்ஸீர் எனும் விளக்கவுரை தான் கர்பலா. அதுவும் ரத்தங்களால் கர்பலா மண்ணில் எழுதி விட்டு சென்றார்கள்.

இமாமவர்களும் ஒரு கொள்கை, ஒரு லட்சியத்திற்காக ஹிஜ்ரத் செய்கிறார்கள். இஸ்லாமிய நாடானது பெருமானார் (ஸல்) அவர்கள் வழிகாட்டிய இஸ்லாத்திலிருந்து வெகு தூரம் விலகி சென்றிருந்த காலமது, அதுவும் இஸ்லாமிய முகமூடியை அணிந்து கொண்டே தான் விலகியிருந்தது.

இமாமாக உள்ளவர்கள் உலக ஆதாயத்திலும் பூமி கிடைத்த அதிகாரத்திலும் தன் குறைகளையும் தன் எல்லைகளையும் பார்க்க முடியாத குருடர்களாய் இருந்தார்கள்.

குரான் ஷரீஃபில் சூரா கஸஸ் எனும் 28ம் அத்தியாயத்திலே - 5வது வசனம் -

ஆயினும் பூமியில் பலஹீனப்படுத்தப்பட்டோருக்கு நாம் உபகாரம் செய்யவும், அவர்களை தலைவர்களாக்கிவிடவும் (இமாம்) அவர்களை வாரிசுகளாக்கவும் நாடினோம்

மேலே கண்ட இந்த வாக்கியம் கர்பலாவின் இடத்திற்கும் மிகச் சரியாக பொருந்தி வருகிறது. பல பகையில் விடுபட்டு போன சிறு நெருப்பு பொறி தன்னை தானே கலிபாவென பிரகடனப்படுத்திக் கொண்டு கண்மனியான பெருமானார் (ஸல்) அவர்களின் குடும்பத்தார்களையே அந்நியர்களாக கைதிகளாக அகதிகளாக தனித்து விடப்பட்டனர்கள்.

ஹிஜ்ரி ஆண்டு 61ல் முதல் பத்து நாள் நடந்த சம்பவங்கள் எந்த அடிப்படை கொள்கை பெருமானார் (ஸல்) அவர்களின் பாதையிலிருந்து விலகி சென்றதோ அதை நேர்கோட்டுக்கு சிந்திய இரத்தங்களால் இழுத்து வரப்பட்டது.

இந்த நிகழ்வை பற்றி பல சாரார் பல மாதிரி சொல்லி வருகிறார்கள். அதில் ஒரு கூட்டத்தார் இமாம் ஹீஸைன் பதவிக்காக கர்பலா நோக்கி பயணம் செய்ததாக நா கூசாமல் கொஞ்சம் கூட இறைவன் பற்றிய பயமே இல்லாமல் கூறி வருகிறார்கள். இவர்களின் பேச்சை கேட்டாலே ஒரு தெனாவட்டு, தான் தோன்றித்தனம், கடைந்தெடுத்த திமிர், மரியாதைக்கும் இடமில்லாத மரியாதை எல்லாம் தான் கொட்டிக் கிடக்கிறது.

ஒருவர் இறைநேசர் தானா என்பது உங்களுக்கு எப்படி தெரியும்? என்ன சான்று? என ஒருவரை நல்லவர் என்பதற்கு குரான் ஹதீஸ் ஆதாரம் கேட்கும் இந்த சொல் சாதுரியர்கள் ஒருவரை பதவி ஆசை உள்ளவர் என்று சொல்ல மட்டும் ஒரு வகையில் நல்லவர் அல்ல என்று அடையளப்படுத்த மட்டும் குரான் ஹதீஸ் ஆதாரங்களை வேண்டுவதில்லை, கிடைத்த வரலாற்று குறிப்புகளை தவறான புரிந்து கொள்ளலை மட்டுமே முதலாக வைத்துக் கொண்டு வார்த்தை வியாபாரம் செய்ய துணிந்து விடுகிறார்கள், நாளை இதே வியாபாரம் பாரமாக இவர்களின் தலையிறங்கி தரை தொடலாம். அல்லாஹ் காப்பாற்ற வேண்டும்.

இணைப்புகள்:

http://kiliyanur.blogspot.com/2010/12/blog-post_5721.html அல்லது

http://this-is-truth.blogspot.com/2010/12/blog-post_17.html

காணொலி:

http://www.youtube.com/results?search_query=Shaheedhe+karbala&oq=Shaheedhe+karbala&aq=f&aqi=&aql=&gs_sm=e&gs_upl=963l5706l0l5929l17l17l0l9l9l0l182l1006l2.6l8l0

Sharing Session

2011-11-25T22:53:00.000+08:00

Marhabaa..!

படகோட்டும் தோழனே.. - ‘குஷ்பு’ பட குல்ஜார் சாப் பாடல்

2011-11-20T14:42:00.001+08:00

O majhi re

Apna kinara nadiyan ki dhaara hai

ஓ
படகோட்டும் தோழனே

நமது கரை
என்பதே
நதியின் பூமியல்லவா..
------------
Saahilon pe bahnewale, khabi suna to hoga kahin o

Ho kaagazon ki kashtiyon ka kahin kinara hota nahin
O majhi re majhi re
Koi kinara jo kinare se mile woh apna kinara hai

கடலோர பயணத்தில்
வாழ்பவனே

நீ
எங்கேனும்
இதனை
கேட்டறிருந்திருக்க கூடும்

காகிதத்தினாலான
கப்பல்களுக்கு
கரைகள்
என்பதே கிடையாது

ஓ
படகோட்டும் தோழனே

ஒரு கரை
இன்னொரு கரையை
சந்திக்கும்
கரையே
எனது
கரை ஆகும்
-------------

Paniyon mein bah rahe hain kai kinare toote hue o
Ho raaston mein mil gaye hain sabhi sahare chhoote hue

Koi sahara majhadhaare mein mile jo, apna sahara hai

நீரிலேயே மிதந்து
செல்வதால்

கரைகள்
துருப்பிடித்து
வலுவிழந்து
வருகிறது

உதவும்
கரங்களால்
வழிகள்
கைக்கு எட்டியது

ஓ
படகோட்டும் தோழனே

எந்த கைகள்
நடுக்கடலில் மூழ்கும்சமயம்
உதவ வருகின்றதோ
அந்த கைகளே
நட்பின் அடையாளமாகும்

வழிபோக்கன் நான் நண்பர்களே - குல்ஜார் சாபின் ‘பரிச்சே’ பட பாடல்

2011-11-20T13:51:00.001+08:00

Musafir Hoon Yaaron Na Ghar Hai Na Tikhana
Mujhe Chalte Jaana Hai Bas Chalte Jaana

வழிபோக்கன் நான்
என் இனிய
நண்பர்களே..!

எனக்கென்று
ஒரு வீடும்
இல்லை
ஒரு வாசலும்
இல்லை

நான்
பயணம் செல்ல
வேண்டும்
ஆனால்
நான்
பயணம்
சென்று கொண்டே
இருக்கிறேன்
-------
Ek Raah Rukh Gayi Tho Aur Judh Gayi

Main Mura Tho Saath Saath Raha Murgayi
Hawaon Ke Paron Par Mera Ashiana

ஒரு
சாலை (கனவு, ஆசை)
முடியும் போது
இன்னொரு
சாலை
அதோடு வந்து
இணைகின்றது

சரி வேண்டாமென்று
நான் திரும்பினால்
என்னோடு
சேர்ந்து
சாலையும்
திரும்பி விடுகின்றது

பாதங்களின்
கீழே உள்ள
காற்றில் தான்
என் குடியிருப்பு
உள்ளது
-----------

Din Ne Haath Thaam Kar Idhar Bithaliya
Raat Ne Ishaare Se Udhar Bulahliya
Subah se Shaam Se Mera Dostana

பகலானது
என் கைகளை
இங்கேயே (சாலையிலேயே)
பிடித்து வைத்துக்
கொள்கிறது

பகல் முடிந்து
இரவு வந்ததும்
அங்கே (வேறு ஒரு சாலை)
வரும் படி
சைகை காட்டி
அழைக்கிறது

இப்படிதான்
பகலும்
இரவும்
எனக்கு நண்பர்களானது
-----------

ஒருவரும் எங்கேயும் இல்லை - ’கினாரா’ பட குல்ஜார் சாப் பாடல்

2011-11-20T12:36:00.001+08:00

Koee Naheen hain kahee

ஒருவரும்
எங்கேயும் இல்லை

Sapno mein kyon kho gayee bolo na

சொல்...
ஏன்
நீ

கனவுகளில்
கனவுகளாய்
கலைகிறாய்..?
-----------------
Phir aankh nam ho gaye
Phi koee yaad aa gayaa hain

கண்களில்
ஈரங்களை
கலக்கிறாய்..?
யாரையோ
நீங்காமல்
நினைக்கின்றாய்...?

Roshanee kam ho gayee

வெளிச்சம்
குறைந்து கொண்டே
வருகிறது

Kinara milega yahee
Milega kinara yahee
Yahee re
Yahee re

கரையை
அடைந்து விட்டாய்

இங்கே
இங்கே
இங்கேயே..!
---------------
Baat thee khwab kee
Khwab mein beet chokee hain
Khwab doharaatee naheen

என்னுடையது
கனவுகளின்
கதையாகும்

கனவுகளிலேயே
அல்லது
கனவாகவே
என்
கனவுகளின் கதை
முடிந்து விட்டது

கண்ட கனவு
மீண்டும்
தொடர்வதில்லை
அல்லது
வருவதில்லை

Zindagi sapno naheen
Zindagi sapno naheen
Naheen re
Naheen re

வாழ்க்கை
என்பது
கனவுகளல்ல

வாழ்க்கை
என்பது
கனவுகளல்ல
----------------------

உங்கள் அன்பை கொடுங்கள் - சுஃபி டாகுமெண்ட்ரி

2011-11-18T21:53:00.001+08:00

பாகிஸ்தானிய படைப்பாளியான நமீரா அஹமத் என்பார் 30 நிமிடங்கள் வரை வரக்கூடிய ஒரு டாக்குமெண்ட்ரியை எடுத்துள்ளார்.

இது ஒரு வகை Reed-flute ஊதுகுழல் இசைக் கருவியை மையமாக வைத்து இயக்கப்பட்டிருக்கிறது.

13வது நூற்றாண்டில் வாழ்ந்த மிகப் பெரிய கவிஞரும் சூஃபியுமான மௌலான ஜலாலுத்தின் ரூமி (றஹ்) அவர்களின் வழிகாட்டுதலின் படி தங்களின் வாழ்க்கையை அமைத்துக் கொண்டவர்களை மௌலவியா தரீக்காவாதிகள், மௌலவிய்யா சூஃபிகள், சுழலும் தர்வேஸ்கள் என்று பல பேர்கள் கொண்டு அழைக்கப்பட்டு வருகின்றனர். இந்த தரீக்கா துருக்கியில் பிறந்திருந்தாலும் உலகம் முழுக்க பரவலாக காணப்படுகின்றது. இவர்கள் எழுதிய "Song of the Reed" என்ற கவிதையை அடிப்படையாக வைத்து எடுக்கப்பட்டது தான் இந்த டாக்குமெண்ட்ரி.

மௌலவிய்யா தரீக்கா: http://sufism.org/

இஸ்லாத்தின் அத்தாட்சி என்று வழங்கப்பட்ட இமாம் கஜ்ஜாலி அவர்கள் பயணம் பற்றி இஹ்யாவு உலூமித்தினில் கிதாபுஸ் ஸஃபர் என்ற ஒரு நூலை வரைந்திருப்பார்கள். இதனை எங்களின் ஹஜ்ரத் அவர்கள் தமிழில் “பயணத்தின் பயன்” என்று ஆக்கி எங்களை பயன்பெற வைத்தார்கள்.

இறைவன் நம்மை படைத்த பிறகு இந்த உலகத்திற்கு நாம் பயண நிமித்தமாக தான் வந்திருக்கின்றோம், வந்த வேலை முடிந்தவுடன் அல்லது வந்த கால தவணை முடிந்தவுடன் திரும்பி அவனிடமே செல்ல வேண்டியிருக்கிறது.

பெருமானார் (ஸல்) அவர்கள் வாழ்க்கையில் நிறைய பயணங்களை மேற்கொண்டிருக்கிறார்கள். முக்கியமான இரண்டு பயணங்கள் இந்த இடத்தில் நம் கவனத்தை ஈர்க்கின்றது.

ஒன்று: அவர்கள் மக்காவிலிருந்து மதினாவிற்கு சென்றது (ஹிஜ்ரி ஆண்டு இந்த வருடத்திலிருந்து தான் துவங்குகின்றது)

இரண்டாவது: அவர்கள் மதினாவிலிருந்து ஹஜ்ஜு செய்ய திரும்பி மக்காவிற்கு வந்தது.

உடலை முறிக்கும் பொறுப்புகளை சுமந்து கொண்டு சென்ற அவர்கள் இறைவனிடம் திரும்ப ஹஜ்ஜுக்கு வரும் போது தெளிவான வெற்றியை பெற்றவர்களாக திரும்பவும் மக்காவுக்குள் நுழைந்தார்கள்.

http://hermetic.com/bey/caravan.html

ஒவ்வொரு மனிதருடைய பயணமும் இறைவனிடமிருந்து வந்திருந்தாலும் அவர்கள் இந்த உலகிலே காணப்படுகின்ற நிலையில்லாத சொற்ப நேரமே சுகம் அளிக்கின்ற உடலையும் உள்ளத்தையும் உயிரையும் அழிக்கின்ற அவைகளுக்கு உதவாத ஆனால் அவர்களை கவர்கின்ற காரியங்களில் தன்னையே மறந்து போய் விடுகின்றனர்.

அவர்களுக்கு அடிக்கடி எங்கிருந்து வந்திருக்கிறார்கள் என்று நினைவூட்டப் பட வேண்டும். இல்லையேல் எங்கிருந்து வந்திருக்கிறார்கள் என்பதையெல்லாம் மறந்து விடுவார்கள்.

நம்முடைய வாழ்க்கையை பின்னோக்கி நகர்த்தி சென்றுக் கொண்டே இருந்தால் ஒரு நாள் நாம் இறைவன் முன்னிலையில் நின்று கொண்டிருந்தோம்.

குரான் ஷரீஃப்

7. ஸூரத்துல் அஃராஃப் (சிகரங்கள்)

172 வது வாக்கியம்

உம் இறைவன் ஆதமுடைய மக்களின் முதுகுகளிலிருந்து அவர்களுடைய சந்ததிகளை வெளியாக்கி, அவர்களைத் தங்களுக்கே சாட்சியாக வைத்து:

“நான் உங்களுடைய இறைவன் அல்லவா?” என்று கேட்டதற்கு,

அவர்கள் “மெய் தான். நாங்கள் சாட்சி கூறுகிறோம்” என்று கூறியதை நினைவூட்டுவீராக;

நிச்சயமாக இதனை விட்டுப் பராமுகமாக இருந்து விட்டோம் என்று மறுமை நாளில் நீங்கள் சொல்லாதிருக்கவும்.

ஆதமுடைய சந்ததியினரான மனிதனுக்கு இறைவன் மிகப் பெரிய பொறுப்புகளை எடுத்துக் காட்டினான், தனக்கே பிரதிநிதியாக்கினான், மனிதன் அந்த பொறுப்புகளை ஏற்றுக் கொண்டான்.

அவ்வாறு ஏற்றுக் கொண்ட மனிதன் கொஞ்சம் கொஞ்சமாக தனது சுயத்தை இழந்து தான் யார் என்பதை மறந்து தனக்கு தானே தீங்கிழைத்துக் கொண்டான்.

குரான் ஷரீஃப்

33 ஸூரத்துல் அஹ்ஜாப்

72வது வாக்கியம்

நிச்சயமாக (1) வானங்களையும், (2) பூமியையும், (3) மலைகளையும் அமானிதத்தை சுமந்து கொள்ளுமாறு எடுத்துக் காட்டினோம்;

ஆனால் அதைச் சுமந்து கொள்ள மறுத்தன்;

அதைப் பற்றி அவை அஞ்சின;

ஆனால் மனிதன் அதைச் சுமந்தான்; நிச்சயமாகஅவன் அறியாமையினால் தனக்குத் தானே தீங்கிழைத்துக் கொண்டான்.

மனிதன் பண்டியை சாப்பிடுவது ஹராம் என்பது குரான் ஷரீஃபின் வாக்கு. உண்மையில் ஹராம் என்றால் புனிதம் என்று அர்த்தம். கஃபதுல்லாஹ்விற்கு ஹரம் ஷரீஃப் என்று ஒரு பெயர் உண்டு. புனிதத்தலம் என்று இதன் பொருள்.

அப்போ பண்டி சாப்பிடுவது என்றால் எப்படி புரிந்து கொள்ள வேண்டும் என்றால், மனிதன் புனிதமானவன், அவன் சாப்பிடும் அளவிற்கு பண்றி தகுதி வாய்ந்தது அல்ல எனப்து தான்.

ஆங்கிலத்தில் கூட ஒரு பழமொழி உண்டு... What you eat - What you are என்று -

இறைவன் ஒட்டுமொத்தமாக அத்தனை மனிதனையும் கண்ணியப்படுத்தியுள்ளான், மேன்மைபடுத்தியுள்ளான்.

குரான் ஷரீஃபின் எந்த இடத்திலும் நாம் வானத்தையோ, பூமியையோ, மலையையோ அல்லது கடலையோ கூட கண்ணியப்படுத்தியுள்ளோம் என்று சொன்னதே இல்லை.

குரான் ஷரீஃப்

17 ஸூரத்துல் பனீ இஸ்ராயீல் (இஸ்ராயீலின் சந்ததிகள்)

70வது வாக்கியம்

நிச்சயமாக, நாம் ஆதமுடைய சந்ததியைக் கண்ணியப்படுத்தினோம்; இன்னும் கடலிலும், கரையிலும் அவர்களைச் சுமந்து, அவர்களுக்காக நல்ல உணவு பொருட்களையும் அளித்து, நாம் படைத்துள்ள பலவற்றையும் விட அவர்களை மேன்மைப் படுத்தினோம்.

மேன்மையாக வாழ வேண்டிய ஒவ்வொரு ஆதமுடைய மகனார்களும் தன் உள்ளத்தில் ஷைத்தான் விதைத்த உலக ஆதாயங்களுக்காக உண்மை நிலையை விற்று விட்டான்.

குரான் ஷரீஃப்

7. ஸூரத்துல் அஃராஃப் (சிகரங்கள்)

16 - 17 வது வாக்கியம்

(அதற்கு இப்லீஸ்) “நீ என்னை வழி கெட்டவனாக விட்டதன் காரணத்தால், அவர்கள் உன்னுடைய நேரான பாதையில் உட்கார்ந்து கொள்வேன்” என்று கூறினான்.

”பின் நிச்சயமாக நான் அவர்கள் முன்னும், அவர்கள் பின்னும், அவர்கள் வலப்பக்கத்திலும், அவர்கள் இடப்பக்கத்திலும் வந்து கொண்டிருப்பேன்; ஆதலால் நீ அவர்களில் பெரும்பாலோரை நன்றி செலுத்துவோர்களாகக் காண மாட்டாய்”

இப்படி வழி கெட்டு போன மனிதனுக்கு வழிகாட்டுதலையும் நேரான பாதையில் சென்ற அருள்பாலிக்கப்பட்டவர்களான் ஷெய்கு மார்களையும் அவ்வப்போது அனுப்பி வைத்த வண்ணமே உள்ளான்.

அவர்கள் மனிதர்கள் அவர்கள் யார் என்பதை ஞாபகப் படுத்தி வைப்பார்கள். அவர்களின் பொறுப்புகளை நினைவூட்டுவார்கள். அவர்கள் மனிதர்களுக்கு வலியாக உதவிக்கரம் நீட்டுவார்கள். இந்த உலகம் முழுக்க பரவியிருக்கும் இறைவனின் அத்தாட்சிகளை அவர்கள் அறிமுகப் படுத்தி வைப்பார்கள்.

மேலே கண்ட கருத்தை அடிப்படையாக வைத்து மௌலானா ரூமி (றஹ்) அவர்கள் ”ஊதுகுழல் இசைக் கருவியின் பாட்டு” என்று ஒரு சூஃபிக் கவிதை வரைந்துள்ளார்கள்.

அதில் காட்டிலே மூங்கில் பிறக்கின்றது. அதை ஒரு குழல் இசைக் கருவியை பார்க்கின்றான். அந்த மூங்கிலில் ஒன்றை வெட்டி தனது இடத்திற்கு கொண்டு வருகிறான்.

தனது சொந்த வீட்டை விட்டு பிரிந்து வந்த ஏக்கத்தில் இருக்கும் ஒரு குழல் இசைக் கருவியில் அழுகை தான் இந்த ”ஊதுகுழல் இசைக் கருவியின் பாட்டு”

இந்த பாட்டை கீழ்கொடுக்கப்பட்டிருக்கும் இணைப்பிலிருந்து தரவிறக்கம் செய்து மொத்த புத்தகத்தில் உள்ள 47வது பக்கத்தில் படிக்கலாம்:
"Rumi - In the Arms of Beloved" - PDF Download through 4shared: http://www.4shared.com/document/IpbWLujc/Rumi-_In_the_arms_of_the_belov.html

Listen to the song of the reed,

How it wails with the pain of separation:

“Ever since I was taken from my reed bed
My woeful song has caused men and women to weep.
I seek out those whose hearts are torn by separation
For only they understand the pain of this longing.
Whoever is taken away from his homeland
Yearns for the day he will return.
In every gathering, among those who are happy or sad,
I cry with the same lament.
Everyone hears according to his own understanding,
None has searched for the secrets within me.
My secret is found in my lament—
But an eye or ear without light cannot know it. . . .”

The sound of the reed comes from fire, not wind—
What use is one’s life without this fire?
It is the fire of love that brings music to the reed.
It is the ferment of love that gives taste to the wine.
The song of the reed soothes the pain of lost love.
Its melody sweeps the veils from the heart.
Can there be a poison so bitter or a sugar so sweet
As the song of the reed?
To hear the song of the reed
everything you have ever known must be left behind.

*These lines form the opening of Rumi’s most famous work, the Masnavi.

குரான் ஷரீஃப்

17 ஸூரத்துல் பனீ இஸ்ராயீல் (இஸ்ராயீலின் சந்ததிகள்)

109வது வாக்கியம்

இன்னும் அவர்கள் அழுதவர்களாக முகங்கள் குப்புற விழுவார்கள்; இன்னும் அவர்களுடைய உள்ளச்சத்தையும் அதிகப்படுத்தும்.

(ஸஜ்தா)

அவசியம் காண வேண்டிய
Documentary Link:
http://www.cultureunplugged.com/documentary/watch-online/filmedia/play/2480/Give-Me-Your-Love

Sufism in Quran Shareef:
http://cyclewalabanda.blogspot.com/2007/11/sufism-in-quran.html