எனது இரண்டு உலகங்களையும் அவளுடன் எடுத்து சென்று விட்டாள் - குல்ஜார் சாப் எழுதிய ஹைதர் பட பாடல்

Sire udhad gaye hain subah shaam ke
Wo mere do jahaan saath le gaya,
Tamaam daastaan saath le gayaa..
காலையின் மாலையின் எல்லைகள் கலந்து விட்டன (இரண்டுக்கும் வித்தியாசம் இல்லை)
அவள் எனது இரண்டு உலகங்களையும் அவளுடன் எடுத்து சென்று விட்டாள்
எனது வாழ்வின் அனைத்து சம்பவங்களையும் அவளுடன் எடுத்து சென்று விட்டாள்

Bitti naaye.. doori..
Chuon zaraay
Baalmara-e-yo
நான் உன்னிடமிருந்து தூரமாக இருக்கிறேன்
நான் உனது மறுபாதி
என் அன்பானவனே!

Kya kar hove tham
Zar-zaro
Baalmara-e-yo...!
நான் என்ன செய்ய இப்பொழுது?
(நீயே) அனைத்தும்
என் அன்பானவனே!

Wo bepanaah pyaar karta tha mujhe,
Gaya to meri jaan saath le gaya,
Tamaam daastaan saath le gaya..
அவள் என்னை அளவின்றி (உயிருக்கு உயிராய்) நேசித்து வந்தாள்
என்னை பிரிந்த போது, என் வாழ்க்கையை (உயிரை) அவளுடன் எடுத்து சென்று விட்டாள்
எனது வாழ்வின் அனைத்து சம்பவங்களையும் அவளுடன் எடுத்து சென்று விட்டாள்


Sharmand karthas
Aftaabo
Kaymi haal yi zoon
என்னை சங்கடப்படுத்திவிட்டாய்
என் பரிபூரண ஒளிக்கதிரே (சூரியனே)
நீயின்றி என் (நிலவின்) நிலை எப்படி இருக்கும் என்பதை அறிவாயோ?

Khand chaini
Ghach so
Lajj so daraeye
Baalmar-e-yo..
உனது (நினைவு) துகள்களை
நான் எனது சிந்தையில் வைத்துள்ளேன்
என் வாசல் கதவிலேயே  காத்திருக்கிறேன்
என் அன்பானவனே!

Main sajde se utha to koi bhi na tha,
Wo paav ke nishaan saath le gaya

நான் என் தொழுகையை முடித்து விட்டு பார்த்தேன், ஒருவரும் இல்லை
என் காலடியின் அடிச்சுவட்டையும் அவளுடன் எடுத்து சென்று விட்டாள்

Gaya to meri jaan saath le gaya..
Wo mere do jahaan saath le gaya,
Tamaam daastaan saath le gayaa..

என்னை பிரிந்த போது, என் வாழ்க்கையை (உயிரை) அவளுடன் எடுத்து சென்று விட்டாள்
அவள் எனது இரண்டு உலகங்களையும் அவளுடன் எடுத்து சென்று விட்டாள்
எனது வாழ்வின் அனைத்து சம்பவங்களையும் அவளுடன் எடுத்து சென்று விட்டாள்

அட.. வந்து விடு! - குல்சார் சாபின் ஹைதர் பட பாடல்

வந்து விடு இப்போதே!

(கஷ்மீரில்) வாழ்க்கை பறிபோய்விட்டது

(கஷ்மீரின்) உலகம் மறைந்து விட்டது

உறங்கி விடு (கப்ரின் குழிக்குள்ளே)

Arre Aao Na, Ke Thak Gayi, Hai Zindagi, So Ja

அட.. வந்து விடு!
(கஷ்மீரில்) வாழ்க்கை வற்றி விட்டது
உறங்கி விடு (கப்ரின் குழிக்குள்ளே)

Na Shaam Na Savera, Andhera Hi Andhera (x2)

(கஷ்மீரில்) மாலைகளும் இல்லை காலைகளும் இல்லை -
வெறும் இருட்டு இரவுகள் மட்டுமே.. இருட்டு இரவுகள்...

Hai Roohon Ka Basera, So Jao...

(கப்ரின் குழி தான்) ஆன்மாக்களின் வசிப்பிடம் .. உறங்கி விடு இங்கேயே!

Arre Aao Na…
அட.. வந்து விடு!

Chhota Na Bada, Koi Lamba Hai Na Bauna Hai

(கப்ரில்) பெரியவரும் இல்லை சிரியவரும் இல்லை
உயர்ந்தவரும் இல்லை தாழ்ந்தவரும் இல்லை

Kabaron Ke Tadabon Mein, Lambi Neend Sona Hai

கப்ரின் மத்தியில், நீண்ட உறக்கம் கொண்டு விடு

Na Bistar Hai Na Bori, Na Bhaand Na Gilauri

பாயும் இல்லை மெத்தையும் இல்லை
பாட்டு கச்சேரியும் இல்லை வெத்தலை பாக்கும் இல்லை

Farishton Ki Lori, So Jao

மலக்குகளின் (தேவதைகளின்) தாலாட்டு மட்டுமே உண்டு..! உறங்கி விடு (கப்ரின் குழிக்குள்)

ஜெஹ்லம் ஜெஹ்லம் - குல்சார் சாபின் ஹைதர் பட பாடல்

கஷ்மீரை தனி நாடு கோரிக்கையோடு போராடும் குழுவின் ஒருவருக்கு மருத்துவம் பார்த்த குற்றத்திற்காக விசாரனைக்கு அழைத்து செல்லப்படுகிறார். அலிகார் பல்கலைகழகத்தில் படித்துக் கொண்டிருக்கும் மகன் இதனை கேள்விப்பட்டு ஊர் திரும்புகிறார்.ஊர் திரும்பியவருக்கு அதிர்ச்சிக்கு மேல் அதிர்ச்சி

விசாரணைக் கைதியாக அழைத்து செல்லப்பட்ட தந்தையை காணவில்லை.

மருத்துவம் தனது வீட்டிலேயே வைத்து பார்த்திருந்ததால் அவரது வீட்டையும் வெடி வைத்து தகர்த்திருக்கிறார்கள்.

தனது தந்தையின் இரண்டாவது மனைவியும் தனது தந்தையின் தம்பியும் மகிழ்வோடு இருப்பதை காணுகிறான்.

தாங்க இயலாத சோகங்களோடும்

தந்தையை காணுவோம் என்ற நம்பிக்கையோடும்

காதலியின் உதவியோடு

கஷ்மீரின் ஜெஹ்லம் நதிக்கரையோரம்

தேடி அலைகிறான்

தனது தந்தையை.

ஜெஹ்லம்... ஜெஹ்லம்..

நானும் தேடுகிறேன்.

Jhelum, jehlum dhoondhe kinara

ஜெஹ்லம்
ஜெஹ்லம்
(ஜெஹ்லம் என்பது இந்தியாவிலும் பாகிஸ்தானிலும் பாய்ந்தோடும் நதி - இந்தியாவும் பாகிஸ்தானும் ஹிஸ்டாரிகலாக பிரிந்த போதும் ஜியாகரிஃபிகலாக பிரியாமல் தொடர்ந்து ஓடிக் கொண்டிருக்கிறது)
அது தனது கரையை
தேடுகிறது...

Dooba sooraj, kin aankhon mein
Sooraj dooba, kin aankhon mein
Jehlum hua khaara
எந்த கண்களில் அஸ்தமனமாகிறது சூரியன் -
சூரியனின் அஸ்தமனம் எந்த கண்களில் ஆகிறதோ
(அங்கே தான் ஜெஹ்லம் தன் கரையை தேடுகிறது) ஜெஹ்லம் (அந்த கண்களிலிருந்து வரும் கண்ணீரைப் போலவே) உவர்ப்பாய் மாறி வருகின்றது

Kis se poochhein kitni der se dard ko sehte jaana hai
Andhi raat ka haath pakad kar kab tak chalte jaana hai
யாரிடம் கேட்பது என்று தெரியவில்லை
இன்னும் எவ்வல்ளவு காலம் தான்
இந்த வலியை சுமந்து கொண்டிருப்பது - என்று?
யாரிடம் கேட்பது என்று தெரியவில்லை
குருடாய்ப் போன இரவின் கைகளை துணையாக பிடித்துக் கொண்டு
எவ்வளவு தூரம் தான் வாழ்க்கையில் கடந்து செல்வது - என்று?

Lahu lahu lahu waqt ka khoon hua re
Lahu lahu lahu
Lahu behta angaara, lahu behta angara
இரத்தம் இரத்தம் இரத்தம் - காலங்களை கொன்று குவித்திருக்கிறது
இரத்தம் இரத்தம் இரத்தம்
இரத்தம் தணலாய் எரிந்து கொண்டிருக்கிறது

ஷஹிதான ஷஹித் அஜ்மியின் வாழ்க்கை துளிகள் - ஷஹித் இந்தி திரைப்படம் (விமர்சனம்)

உலக நாயகர்கள் இளைய தளபதிகள் முஸ்லிம்களை வில்லன்களாகவும் தீவிரவாதிகளாகவும் விஸ்வரூபம் எடுத்து துப்பாக்கி முனையில் பைசா பார்க்கும் இந்த சூழலில் அமைதியாக சென்ற ஆண்டு வெளியாகி இந்தி திரை என்றாலும் இதயத்தில் இடம் பிடித்து விட்டது ”ஷஹித்” என்ற திரைப்படம்.

உண்மைக்காக போராடி ஷஹீதான ஷஹித் அஜ்மியின் வாழ்க்கை கதை தான் இந்த திரைப்படம்.

ஷஹித் அஜ்மி தனது 13வது வயதில் பாபர் மசூதி இடிப்பிற்கு பிறகு நடந்த கலவரத்தில் கைது செய்யப்படுகிறார். காவல்துறையினரே முஸ்லிம்களை கொல்வதை பார்த்த பிறகு பாகிஸ்தான் வசமிருக்கும் ஆஸாத் கஷ்மீருக்கு சென்று ஆயுத பயிற்சி பெறுகிறார். பின்னர் பிடிக்காமல் விட்டுவிட்டு ஊர் திரும்புகையில்  மீண்டும் தடாவில் கைது செய்யப்பட்டு டெல்லி திஹார் சிறையில் அடைக்கப்படுகிறார். 

ஆயுதங்களால் சாதிக்க முடியாததை கல்வி தான் சாதிக்கும் என்று புரிந்துக் கொள்கிறார்.  ஏழாண்டு சிறைவாசத்தில் சட்டப்படிப்பும் post graduate in creative writing படிப்பும் படித்து சரித்திரம் படைத்தார்.

சிறை வாசம் முடிந்து வெளியே வந்து  குற்றம் சாட்டப்பட்டு பல ஆண்டுகள் கைதிகளாக இருப்பவர்களை ஒரு குற்றமும் அறியாத அப்பாவிகளுக்காக வாதாடி குற்றத்திலிருந்து விடுபட வைத்தார்.

தான் வக்கீலாக செயல்பட்ட குறைவான 6 ஆண்டுகளில் அவர் எடுத்துக் கொண்ட 17 வழக்கில் தீவிரவாதிகள் என்று முத்திரையிடப்பட்ட அப்பாவி முஸ்லிம்களை விடுதலை பெற வைக்கிறார். 

இதற்கிடையில் வந்த ஏராளமான மிரட்டல்களுக்கு சொல்லொணா துன்பங்களுக்கும் பணியாமல் கண் முன்னால் நடக்கும் அநீதியை தனது வாத திறமையால் நீதியை நிலைநாட்டுகிறார்.

கொலையாளிகள்  அவரை அவரின் அலுவலகத்திலேயே இரண்டு குண்டுகளால் துளைத்து உயிரை பறித்தனர். ஷஹித் அஜ்மி தனது 33வது வயதில் பிப்ரவரி மாதம் 11ந் தேதி 2010ம் ஆண்டு ஷஹிதானார் 

இன்னா லில்லாஹி வ இன்னா இலைஹி ராஜிஊன்

இந்த உணமை சம்பவங்களை அடிப்படையாக வைத்து “ஷஹித்” என்ற படத்தை மதிப்பிற்குறிய ஹன்ஸல் மேத்தா அவர்கள் மிக தத்ரூபமாக படம் பிடித்து தந்திருக்கிறார்.

ஷஹித் அஜ்மியாக நடித்தவர் ராஜ்குமார் ராவ் என்ற அற்புத நடிகர். ஹன்ஸல் மேத்தா படப்பிடிப்பை ஷஹித் அஜ்மியின் அலுவலகத்திலேயே வைத்து படம் பிடித்திருந்தார்.

 ராஜ்குமார் தான் தன் மகனாக நடிக்கிறார் என்றது ஷஹித் அஜ்மியின் தாயார் ரேஹானா அவர்கள், ராஜ்குமாரை தனது வீட்டிற்கு அழைத்து அவரில் தனது மகனை பார்த்து மகிழ்ந்தார். 

ஆனாலும் “ஷஹித்” என்ற படத்தை ரேஹானா அவர்கள் பார்க்க மறுத்து விட்டாராம், காரணம், தனது மகன் இன்னொரு முறை இறப்பதை அந்த தாயிதயம் பார்க்க விரும்பவில்லையாம்.

ஷஹித் அஜ்மியின் தம்பியான காலித், இவரும் வக்கீல் தான், படம் 95 சதவிகிதம் உண்மை சம்பவம் என்றும் 5 சதவிகிதம் புனைவு என்றும் கருத்து தெரிவித்து இருந்தார்.

ஷஹித் அஜ்மியின் 18 ஆண்டு வாழ்க்கையினை இரண்டரை மணி நேரத்தில் நெகிழ்ச்சியான காட்சிகளின் மூலம் நெஞ்சத்தில் பதிகிறது, கலவரம் நடக்கும் போது வீட்டை விட்டு வெளியே ஓடி விட்டு அதன் பிறகு தப்பித்தோம் பிழைத்தோம் என்று வீடு வந்து தாயாரிடம் அறை வாங்குவது, ராத்திரியில் படிக்கும் போது விளக்கை அணைக்க சொல்லி தம்பிமார்கள் சண்டையிட தாயார் தலையிடுவது, முதல் மாத சம்பளத்தை ஷாஹித் தனது தாயாரிடம் தருவது, குற்றம் சாட்டப்பட்டவர்களிடம் நீங்கள் குற்றம் இழைத்திருந்தால் நான் கேஸிலிருந்து விலகி விடுவேன் என்று சொல்வது, நீதிமன்றத்தில் திறமையாக கேஸை உடைப்பது, நீதிமன்ற வாசலில் முகத்தில் கறிபூசப்படுவது, இப்படியாக அடுக்கிக் கொண்டே போகலாம்.

துணை கதாபாத்திரமான அண்ணன் ஆரிபாக வரும் முஹம்மது ஜீஷன் அய்யூப் மிக சாந்தமாக குடும்ப பொறுப்பை வெளிப்படுத்துகிறார்.

கதாநாயகி மர்யமாக வரும் பிரப்லீன் சந்து என்ற நடிகை மிக அற்புதமாக நடித்து இருக்கிறார். இரண்டு காட்சிகளை குறிப்பிட்டு சொல்லலாம்.

ஒன்று, ஷஹித் ஒரு சிற்றுண்டி விடுதியில் தனது காதலை சொல்லும் போது, ஒரு குழந்தைக்கு தாயாகி விவாகரத்தான அவர் தரும் முக பாவங்கள்.

இரண்டாவது, ஷஹித் தனது தாயார் வீட்டிற்கு அழைத்து வரும் போது கண்ணாலேயே போகலாமா என்று கேட்பது, நடிப்பு மிக துல்லியம்.

இந்த படத்தில் ஷாஹித் அஜ்மியாக உண்மைக்கு வாதாடியதற்காக ராஜ்குமாருக்கு தேசிய விருது கிடைத்தது பொருத்தமானதே. இன்னும் இந்த படம் ஆஸ்கர் ரேஸிலும் இருக்கிறதாம். ஆஸ்கர் பெருமையடைகிறதா என்று பொறுத்திருந்து பார்ப்போம்.

Must Watch:

Resources:

http://en.wikipedia.org/wiki/Shahid_Azmi

http://archive.indianexpress.com/news/-my-family-lacks-courage-to-watch-shahid-cant-see-him-die-again-/1185052/0

http://en.wikipedia.org/wiki/Terrorist_and_Disruptive_Activities_(Prevention)_Act 

அப்கெ நா சாவன் பர்ஸே - கினாரா பட குல்ஜார் சாப் பாடல்

Taaliyon Ke Shor Mein Ek Gumsum Khamoshi Bhi Thi

Ek Aisi Khamoshi Jo Ghataon Ke Barasne Se Pehle Sunayi Deti Hai

Aarti Ki Chhalki Hui Aankhon Mein Wo Khamoshi Yun Theher Gayi Thi

Jaise Keh Rahi Ho

கைதட்டலின் இறைச்சலுக்கு நடுவே ஒரு நிசப்தம் மறைந்தபடி உள்ளது

அந்த நிசப்தமானது மழை பெய்யத் தொடங்குவதற்கு முன்னர் உள்ள 
அமைதியை ஒத்திருக்கிறது
அந்த நிசப்தமானது ஆர்த்தியின் (கதையின் நாயகி) ஈரவிழிகளை நிறுத்தி விடுகிறது
அது யாது சொல்கிறதென்றால்...

Abke naa saawan barse
abke baras to barsengi ankhiyaan
abke naa saawan barse

இந்த வருட
மழை மாதம்
வரப்போவதில்லை
ஆனால் அதற்கு
பதிலாக
கண்ணீர் மழை
மட்டுமே
கண்களிலிருந்து வருகிறது..

(வடநாட்டிலெல்லாம் வேலைக்கு வேறு மாநிலத்திற்கு செல்லும் கணவன் மழை மாதமான "சாவன்" எனும் மாதத்தில் வீட்டிற்கு மனைவி மக்களை காண வருவதுண்டு... ஆனால் கணவன் இறந்து விட்ட படியால் மழைமாதமே வரப்போவதில்லை என்று பாடுகிறார்)

Abke naa saawan barse
abke baras to barsengi ankhiyaan
abke naa saawan barse

இந்த வருட
மழை மாதம்
வரப்போவதில்லை
ஆனால் அதற்கு
பதிலாக
கண்ணீர் மழை
மட்டுமே
கண்களிலிருந்து வருகிறது..

jaane kaise ab ke mausam beete
beetegi jo tere bin wo kam beete
tere binaa saawan soone
ae tere binaa ab to ye man tarse

எப்படி வரும்
நீயில்லாத
இந்த மழைக்காலம்
என்று
அறியவில்லை
நீயில்லாத
மழைக்காலம்
என்பது
ஒரு அழிவுக்காலமே...
நீயின்றி
இப்போது
இந்த மனம்
ஏங்கி தவிக்கிறது

jaane kab aaye din, din dhal jaaye
tere bin ankhiyon se raat naa jaaye
tere binaa raat naa jaaye
ae tere binaa ab to ye din tarse

ஒவ்வொரு பகலும்
எப்படி வருகிறது
எப்படி செல்கிறது
என்பதை நான்
அறிவதேயில்லை
நீயின்றி
இரவானது
என்னை விட்டு
செல்வதே இல்லை

பகைச் செயல் குற்ற தடுப்பு சட்டம்

உலகெங்கிலும் இன்றைக்கு பல் வேறு மதங்களை பின்பற்றுபவர்களுக்கிடையே பகைமை உணர்வு மேலோங்கி கிடக்கிறது. ஆனால் சிங்கப்பூர் மட்டும் எந்த வித பகைமை உணர்வுக்கும் இடம் கொடுக்காமல் அரசாங்கத்தின் திறமையான நிர்வாகத்தால் மக்களிடையே இணக்கத்தை ஏற்படுத்தி வருகிறது.

சிங்கப்பூரில் Inter-Religious Organisation (IRO) எனும் அமைப்பு இயங்கி வருகிறது. மனித வள அமைச்சில் என்னுடைய பழைய மேலதிகாரியான் திரு. அமீர் அலி அப்தே அலி என்பவர்கள் தான் இதன் முந்தைய தலைவராக இருந்து வந்தார்கள்.

அண்டை நாடுகளிலெல்லாம் மதப் பூசல்கள் ஏற்படும் போது IRO அமைப்பு பல் வேறு நிகழ்வுகளை நடத்தி புரிந்துணர்வை ஏற்படுத்த தேசிய கடமையாற்றி வருகிறது.

தேசிய தொழிற் சங்க காங்கிரஸில் முக்கிய பொறுப்பில் இருந்த ஒருவர் மலாய் முஸ்லிம்களுக்கு எதிரான ஒரே ஒரு ரேசியல் கமெண்டை தனது ஃபேஸ் புக்கில் பதிவு செய்து விட்டார். பெரும்பாலும் முஸ்லிம்களுக்கு எதிரான கமெண்டுகளே பதிவு செய்யப்படுகிறது. உடனே அந்நிறுவனம் அவரை பதவி நீக்கம் அதிரடியாக செய்து விட்டது. அதன் பிறகு அவர் தவறை உணர்ந்து மன்னிப்பு கேட்டுக் கொண்டார் என்பது வேறு விஷயம்.

எங்களுக்கு எல்லாம் தகவல் அனுப்பப்பட்டது, தகவல் அல்ல கட்டளை என்று தான் சொல்ல வேண்டும்,  எந்த மத ரீதியான கமெண்டும் எந்த மீடியத்திலும் பதிவு செய்யக் கூடாது. 

எனக்கு பல்வேறு மதங்கள் பிடிக்காமல் போகலாம், ஆனால் சிங்கப்பூர் வாசியான எனக்கு என் மதத்தின் அருமை பெருமைகளை பற்றி பேச மட்டுமே இடம் உண்டு, அடுத்த மதத்தை பற்றி விமர்சிக்கவோ அவமதிக்கவோ இடம் கிடையாது. 

என் வகுப்பிற்கு வரும் பெரும்பாலானவர்கள் என் மதத்தை சாராதவர்கள் தான், ஒரு முறை எனது வகுப்பிற்கு இங்கே சிங்கையில் கோயில் கட்டுவதற்கு சிற்பிகள் எல்லாம் வந்தார்கள். வேட்டி சட்டை தான் அணிந்து வந்தார்கள். எல்லோரையும் அன்புடன் தம்பி அல்லது அண்ணன் என்று தான் அழைத்து பழகினேன்.

மத ரீதியான மனதை புண்படுத்தும் பதிவுகளை எவராகிலும் பதிவு செய்தால் சிங்கப்பூர் பகைச் செயல் குற்ற தடுப்பு சட்டத்தின் படி முதல் தடவை குற்றத்துக்கு 5,000 சிங்கப்பூர் வெள்ளி அபராதம் 3 வருட சிறை தண்டனை (அபராதம் அல்லது சிறை அல்லது இரண்டு தண்டனையும்) இரண்டாவதும் அதை தொடர்ந்து செய்யும் குற்றத்துக்கும் 5 வருட சிறை தண்டனையும் வழங்கப்படும்.

நான் என் பதிவில் எங்கேனும் யார் மனதையும் புண்படுத்தும் படி எழுதியிருந்ததாக குறிப்பிட்டால் எந்த நிபந்தனையும் இல்லாமல் மன்னிப்பு கேட்டு நீக்க கடமைப்பட்டுள்ளேன்.

எல்லோரும் இணக்கமாக வாழ வேண்டும் என்ற ஒரே நோக்கமே இதன் காரணம்.

சினிமா தீவிரவாதிகள்

சிறு வயது முதல் கமல் ரசிகர் தான் நான், பேசும் படம், ஜெமினி சினிமா போன்ற சினிமா பத்திரிக்கைகளில் வரும் கமல் படங்களை கத்திரித்து பெரிய அட்டை வாங்கி அதில் கோந்து வைத்து ஒட்டி “சகலகலா வல்லவன் கமல்ஹாசனின் இத்திரைக் காவியத்தை காண வந்து அன்பு ரசிக உள்ளங்களுக்கு நன்றி” என்று பெரிதாக ஸ்கெட்சில் எழுதி நாகூர் ஆண்டவர் டாக்கீஸில் உள்ள கண்ணாடி அலமாரியில் வைப்பதற்கு கொடுப்போம்.

அதனை காண வீட்டிற்கு தெரியாமல் காலில் செருப்பு கூட போடாமல் (ஏனென்றால் செருப்பு வீட்டில் இல்லை என்றால் எங்கோ வெளியே போயிருப்பது வீட்டிற்கு தெரிந்து விடும் என்பதால், எங்க வீடு கான்வெண்ட் மாதிரி பயங்கர ஸ்ட்ரிக்ட்) கமல்ஹாசன் படத்திற்கு நாங்கள் வைத்த ரசிகர் மன்ற அட்டையை காண சென்று வருவதுண்டு.

நான் தெரிந்தோ தெரியாமலோ “வாப்பாக்காக” என்று ஒரு கதை எழுதி திண்ணை இணைய இதழுக்கு அனுப்பி வைத்தேன். அந்த கதையில் கூட எனது கதாநாயகனான அஸ்லம் என்பவர் கமல்ஹாசனின் ரசிகராக தான் வருவார். கமல்ஹாசனின் படங்களான, பேர் சொல்லும் பிள்ளை, உன்னால் முடியும் தம்பி, உயர்ந்த உள்ளம் போன்ற படங்களை எல்லாம் கதையில் அங்கங்கே வருவது போல் எழுதியிருந்தேன்.

கமல்ஹாசனின் லஞ்சம் வாங்க கூடாது என்ற கருத்துடைய ‘இந்தியன்’ படத்தை சென்னை சத்யம் தியேட்டரில் ‘பிளாக்கில் டிக்கெட்” வாங்கி பார்த்து இருக்கிறேன். (நல்ல வேளை ஷங்கரின் இந்தியன் தாத்தா பிளாக்கில் டிக்கெட் விற்பவர்களை, பிளாக்கில் டிக்கெட் வாங்கி வந்து படம் பார்ப்பவர்களை எல்லாம் வர்மக் கொலை பண்னவில்லை)

சிங்கப்பூர் தொலைகாட்சிக்கு பல வருடங்களுக்கு முன்பு இலங்கை வானொலி புகழ் அப்துல் ஹமீது அவர்களுக்கு அளித்த பேட்டியில் ’தனது தந்தையாருக்கு முஸ்லிம் நண்பர்கள் அதிகம் அதனால் தான் இஸ்லாமிய பெயர் தொனியில் தனது பெயர் அமைந்ததன் காரணம்” என்று அவர் கூறிய போது மிகவும் மகிழ்ச்சியடைந்தேன்.

சிங்கப்பூர் கேத்தே எனும் திரையரங்கில் ஹேராம் படம் பார்க்கும் போது கூட ஒருத்தர் கத்தினார், “இது தமிழ் படமா? இந்தி படமா?” என்று - பதிலுக்கு திரையரங்கிலேயே நானும் பதில் கூற கத்தினேன், “இது இந்திய படம்” என்று.

காஃபி வித் அனுவில் திலிப் குமாரை யுசுஃப் கான் என்று அழைத்த போது சபாஷ் சொன்னேன்.

சுருக்கமாக சொல்லப் போனால் நான் கமல்ஹாசனின் ஒரு தீவிரவாத ரசிகனாக தான் இருந்தேன் எனலாம்.

சிகப்பு ரோஜாக்கள் படத்தில் பரிட்சைக்கு போற பையன் படிச்சிட்டு போனா போதும் சாமி கும்பிட தேவையில்லை என்று சொல்வது, கடவுள் சிலை வாங்கும் போது ‘இது தான் விலையா?’ என்று கிண்டலாக கேட்பது நம்மவர் படத்தில் ‘யாராவது அவசரமா கும்பிடணும் கோயில் எங்கே இருக்குன்னு கேட்டிருக்காங்களா? ஆனா அவசரமா டாய்லெட் போவணும்னு கேப்பாங்க.. அதனால் நம்ம டாய்லெட் தான் அதிகம் கட்டணும்னு..’ இன்னும் எவ்வளவோ படங்களில் தன்னை பெரியாரின் கடவுள் மறுப்பு கொள்கையை கடைபிடிக்கும்  ஒரு சிறந்த பகுத்தறிவாளராக காட்டிக் கொண்ட கமல் ஹாசன் அவர்கள் இப்போது ஹே ராம், தசாவதாரம், உன்னை போல் ஒருவன் என எடுத்து விட்டு விஷ்வரூபம் எடுத்து வந்திருக்கிறார்.

இடையிலே கூட ஒரு பேட்டியில் ‘இஸ்லாமியர்களுக்கு சந்தேகம் வந்து உங்கள் படத்தை போட்டு காட்டும் படி கேட்கிறார்களே” என்ற கேள்விக்கு ‘அவர்கள் கேக்கத்தான் செய்வார்கள்...   உயர் சாதிக்காரர்கள் எல்லாம் ஆங்கிலேயரின் அடிவருடிகளாக மாறிய பின்பும் அவர்களின் மொழியான ஆங்கிலத்தை கற்பதே பாவம் (ஹராம்) என்று (ஃபத்வா) கற்காமல் பின் தங்கியவர்கள், அவர்கள் வாழ இறந்த பின்பு புதையுற இந்த மண்ணை தேர்ந்தெடுத்தவர்கள், அவர்களை சுதந்திர இந்தியாவில் முதல் தர குடிமகனாக அல்ல ஐந்தாம் தர குடிமகனாக நடத்துகிறார்கள்..... ஒரு ஐம்பது ஆண்டு காலம் அத்து மீறி (பாலஸ்தீன மண்ணில்) குடியேறிய இஸ்ரேலுக்கே இவ்வளவு தேசப்பற்று இருக்கும் போது.. பல நூற்றாண்டுகாலமாக இங்கேயே வாழ்ந்து வரும் இவர்களின் தேசப்பற்றை சந்தேகிக்கும் போது கோவம் வரத் தான் செய்யும்...” என்பது போல் எல்லாம்  இஸ்லாமியர்களின் தோளில் கைபோட்டு ஒரு சகோதர குரலில் அம்பேத்கார் பேசியதை எல்லாம் கமல்ஹாசன் அந்த பேட்டியில் ஆறுதலாக ஆதரவாக பேசியிருப்பார்.

ஆனால் பிரபல பதிவர் பைத்தியக்காரன் என்பவர் (இப்பொழுது இவர்கள் எழுதுவதே இல்லை போலும்) தசாவதாரம் படத்தின் விமர்சனத்தை படித்ததும் கமல்ஹாசனின் நுண்ணரசியலை அவர் புட்டு புட்டு வைத்திருப்பார். அதே போல் அடுத்து நான் படித்தது சுகுணா திவாகரின் கமல் படத்தை பற்றிய விமர்சன பதிவு.

உன்னை போல் ஒருவன்: http://suguna2896.blogspot.sg/2009/09/blog-post_19.html

தசாவதாரம்: http://suguna2896.blogspot.sg/2008/06/blog-post.html

தோழர் வே.மதிமாறன் தனது பதிவில் சொல்லியிருப்பது போல் கமல்ஹாசனுக்கு அரசியலும், மதமும் கிடையாது ஆனால் ஜாதி இருக்குமோ என்ற நிலைக்கு வரவேண்டியிருக்கிறது அல்லது தான் ஆடாவிட்டாலும் தனது ஜாதி சதை ஆடி வருகிறதோ என்ற கேள்வி எழுகின்றது.

விஸ்வரூபம் படம் வெளி வரும் முன்பே அது இஸ்லாமியர்களுக்கு எதிரான கருத்தியலை மனதில் பதிய வைக்கும் படமாகத் தான் இருக்கும் என்று வே.மதிமாறன் கவுண்டமணியின் டயலாக்கோடு எழுதியிருப்பார்கள்.

சமீபத்தில் விஸ்வரூபம் படத்திற்கு எதிரான டி.என்.டி.ஜே. நடத்திய கூட்டத்தில் பேசிய பி.ஜே. அவர்கள் பாரதிராஜாவையும் மனுஷ்யபுத்திரனையும் கமல்ஹாசனையும் கொஞ்சம் தரக்குறைவாக பேசியிருப்பார். அதன் பிறகு தன் வலைத்தளத்தில் அதற்கான காரணத்தை சொல்லி காமெடி பண்ணியிருப்பார். அப்புறம் தொலைகாட்சி பேட்டியில் நாகரீகமாக பேசியிருக்கிறாராம்.

இதை பற்றி ஒருவர் முகபுத்தகத்தில் எழுதும் போது அவர் பொதுமேடையில் ஒரு மாதிரியும் (அதாவது தனக்கு ஆதரவான பெரும் கூட்டத்தை பார்த்தவுடன் உணர்ச்சி பிழம்பில் ஒரு மாதிரியும்) தொலைக்காட்சி பேட்டியில் ஒரு மாதிரியும் பேசுவார் என்று கருத்து தெரிவித்திருந்தார்.

எனக்கு இதே கருத்து தான் கமல்ஹாசனின் தொலைகாட்சி பேட்டியில் இஸ்லாமிய ஆதரவு குரலோடு பேசுவதும் படங்களில் இஸ்லாமிய எதிர்ப்பு கருத்துக்களை கதையினூடே மக்கள் மனதில் பதிய வைப்பதுமாக நடந்து கொள்கிறாரோ என்றே தோன்றுகிறது.

இந்த இடத்தில் பி.ஜே அவர்களின் வலைதளத்தில் ஒரு விளக்கம் அளித்திருப்பார், அதாவது மனுஷ்ய புத்திரனை மிருக புத்திரன் என்று அழைத்ததற்கு அவர் தரும் ஆதாரங்கள், அலி (றலி) அவர்கள் மீது மண் ஒட்டியிருந்ததை பார்த்து விட்டு ‘மண்ணின் தந்தை’ என்று பெருமானார் (ஸல்) அவர்கள் அழைத்தது, அபுஹுரைரா (றலி) அவர்களை அதாவது பூனையை மிகப் பிரியமாக வளர்த்ததற்காக பூனையின் தந்தை என்று அழைக்கப்பட்டதை எல்லாம் குறிப்பிட்டு அதே அடிப்படையில் தான் மிருகபுத்திரன் என்று அழைத்தேன் என்று செம காமெடி பண்ணியிருப்பார்.

மண்ணின் தந்தை என்பதோ பூனையின் தந்தை என்பதோ அவர்களின் தோழமையோடு உரிமையோடு நட்போடு சொல்லிய வார்த்தைகள். அடுத்தவர் மனதை புண்படுத்திய வார்த்தைகள் அல்ல.. பூனையின் தந்தை என்று சொல்வதற்கும் மிருகத்தின் மகன் (மிருக குணம் படைத்தவனின் மகன்) என்று கூறுவதற்கும் நிறைய வித்தியாசங்கள் இருக்கின்றது.

அன்னாரின் வார்த்தைகளை ஹார்லிக்ஸை அப்படியே சாப்பிடுவது போல் அப்படியே ஏற்றுக் கொள்பவர்கள் பல பேர் என்றால் சில பேர் அன்னாரை இனி மேல் அப்படியெல்லாம் பேசாமல் இருக்க வேண்டும் என்று கெஞ்சிக் கேட்டுக் கொள்கிறார்கள், ஒருத்தர் கூட இந்த தவறுக்கு மன்னிப்பு கேக்க வேண்டும் என்று கேட்க வில்லை.

இது என்னுடைய கருத்து தான், தவறாக கூட இருக்கலாம், ஆனால் அது தவறாக இருக்கும் பட்சத்தில் உரியவரிடம் மன்னிப்பு கேட்டு பெறும் வரை அல்லாஹ்விடம் எந்த மன்னிப்பும் கிட்டாது என்றே நம்புகிறேன்.

அடுத்து பார்த்தீங்கன்னா, கமல்ஹாசன் யார் யாரோடு இருந்தார் வாழ்கிறார் என்று பட்டியல் போடுகிறார், செந்தில் தேடுற ஆள் இவர்கள் தான் போலிருக்கிறது, கரகாட்ட நண்பர்கள் வைத்திருந்த காரை வைத்திருந்த சொப்பன சுந்தரியை வைத்திருந்தது யார் என்று அறிந்து கொள்ள செந்தில் ஆவலாக இருந்தார். அதெல்லாம் கணக்கெடுக்குறதா உங்கள் வேலை...?

சரி போய் தொலையட்டும், நமக்கு வேலையில்லை...

சில நண்பர்களின் பதிவை பார்த்தேன், ஒருவர் கேட்டிருந்தார் பேராசிரியர் ஜவாஹிருல்லாஹ்வை எம்.எல்.ஏ.வாக தேர்ந்தெடுத்திருப்பது பற்றி, அதாவது பேராசியருக்காக ஓட்டு போட்ட மக்கள் பின் லேடன், முல்லா உமர் எல்லா தீவிரவாதிகளையும் தெரிந்த பிறகு தான் இவர்களையும் தேர்ந்தெடுத்தார்களாம்.

அதாவது அரேபியரான் பின் லேடனும் முஸ்லிம் தான் ஆஃப்கானியரான முல்லா உமரும் முஸ்லிம் தான் தமிழரான ஜவாஹிருல்லாஹ்வும் முஸ்லிம் தான் - இந்த ஒற்றுமை தெரிந்திருந்தும் தமிழரான இவரை எம்.எல்.ஏவாக தேர்ந்தெடுத்திருக்கிறோம் என்கிறார்கள்.

அப்படி பார்த்தால் காந்தியை சுட்டது கூட ஒரு இந்து தான், அதுக்காக இந்து நண்பர்களுக்கு ஓட்டு போடக் கூடாது என்று முஸ்லிம்களை சொல்லி விட முடியுமா? -

இன்னொரு பதிவில் வேறொரு நண்பர், ஆப்கானில் அன்பின் வடிவான புத்தர் சிலையையே குண்டு வைத்து தகர்த்தவர்கள் தலிபான்கள், அவர்களை படத்தில் காட்டும் போது அவர்கள் குரான் ஷரீஃப் ஓதுவதையோ, தொழுகை செய்வதையோ காட்டுவதை எவ்வாறு விட முடியும் என்று கேட்கிறார்கள்.

சிலையை குண்டு வைத்தவர்களையே தீவிரவாதிகளாக சித்தரிக்கிறீர்களே, எத்தனையோ குழந்தைகள் உள்பட சிவிலியன்களை மேலிருந்து குண்டு போட்டு சிலையாக்கினார்களே அவர்களை பற்றி உலக மகா உத்தமர்கள் போல் காட்டியிருக்கிறீர்களே அது ஏன்..? என்று கேட்கிறோம்.

எனக்கு இன்னும் நாகூரில் நடந்த இந்து - முஸ்லீம் கலவரம் நடந்த சமயம் என் கண்ணால் பார்த்த காட்சி ஒன்று ஞாபகமிருக்கிறது, ரயிலடிக்கு அந்த பக்கம் மீனவ நண்பர்கள் முஸ்லிம்களுக்கு எதிராக கம்பையும் கட்டையையும் வைத்துக் கொண்டு காத்திருக்கிறார்கள், ரயிலடிக்கு இந்த பக்கமாக முஸ்லிம்கள் கம்பும் கட்டையுமாக காத்து கொண்டிருக்கிறார்கள், அப்பொழுது மிகவும் தைரியமாக ஒரு மீனவ நண்பர் முஸ்லிம் தெருவில் நடந்து போனார், அப்பொழுது அவர் சொன்னார், “நாங்க விக்கிறோம்.. நீங்க வாங்குறீங்க... நம்ம அடிச்சிகிட்டா நாம வாழவே முடியாது... எனக்கு எல்லாம் தெரிஞ்சவங்க... என்னய எவரும் எதுவும் செய்ய முடியாது அப்படி செய்யவும் மாட்டாங்க...: என்று நெஞ்சை நிமிர்த்திக் கொண்டு நடந்து போனார்.

ரோஜா படத்திலிருந்து தமிழ் சினிமாவுக்கு முஸ்லிம் தீவிரவாத வில்லன்கள் தேவைப்படுகிறார்கள், அதுவும் அவர்களை ஒழிக்கும் ஹீரோக்கள் எல்லாம் பெரும்பாலும் அக்ரஹாரத்திலிருந்து தான் வருகிறார்கள்.

குரான் ஷரீஃபின் கூற்றுப்படி நாம் அனைவரும் ஆண் பெண் உள்பட யாவரும் ஒரே ஆன்மாவிலிருந்து வந்தவர்கள், சகோதர சகோதரிகள். இறைவனின் குடும்பங்கள், யார் இறைவனின் குடும்பத்தை நேசிக்கிறார்களோ அவர்களை இறைவனும் நேசிக்கிறான் என்று அகிலங்களின் அருட்கொடை (ஸல்) அவர்கள் கற்றுக் கொடுத்திருக்கிறார்கள்.

எங்களுக்கு ஐந்து கடமைகள் மட்டுமே உண்டு. அவை...

1. கலிமா (அல்லாஹ்வை தவிர அல்லாஹ் இல்லை, முஹம்மது நபி (ஸல்) அவர்கள் அல்லாஹ்வின் தூதார் ஆவார்கள் என்று சாட்சி பகர்வது)

2. ஐவேளை தொழுகை - அல்லாஹ்வுக்காக குறிப்பிட்ட நேரத்தில் குறிப்பிட்ட அசைவுகளை செய்து குறிப்பிட்ட குரான் ஷரீஃப் வாக்கியத்தை உச்சரிப்பது.

3. நோன்பு - குறிப்பிட்ட மாதத்தில் பசி, தாகம் முதல் அனைத்து கெட்ட உணர்வுகளையும் உருவாவதை கவனித்து கட்டுப்படுத்தும் ஒரு மகத்தான சுய பயிற்சி

4. ஜகாத் - எத்தகைய வருமானமுடையவருக்கும் சேமிப்பில் இருக்கும் செல்வத்தில் இரண்டரை விகிதம் ஏழை வரியாக உற்றார் உறவினர் ஆரம்பித்து ஏழை எளியோர் அநாதைகள் உள்பட யாவருக்கும் பகிர்ந்து கொடுப்பது.

5. ஹஜ் பயணம் - ஆயுளில் ஒரு முறையேனும் குறிப்பிட்ட மாதத்தில் இனம், மொழி, நாடு, பாலினம், நிறம், இன்னும் என்னென்ன பிரிவினைகள் மனிதர்களிடையே பொறாமையினால் ஏற்பட்டதோ அவையனைத்தையும் தூக்கி எறிந்து விட்டு உண்மை முஸ்லிமாக (இறைவனுக்கு வழிபட்டவனாக) ஒரே குடும்பமாக ஒரே மாதிரியான சீருடையோடும், ஒரே மாதிரியான முழக்கத்தோடும் உடல் சுத்தத்தோடும் இஸ்லாமிய ஆன்மீக மையமான கஃபா ஆலயம் சென்று கிரியைகள் செய்து மன சுத்தம் பெற்று திரும்புவது.

மேற்கூறிய ஐந்து தான் எங்கள் கடமையாக சொல்லப்பட்டிருக்கிறதே தவிர நீங்கள் படம் காட்டுகிற தீவிரவாதம் எங்கள் கடமையில் இல்லை என்பதை சினிமா தீவிரவாதிகளுக்கு ஆணித்தரமாக சொல்லிக் கொள்ள இதை பதிவாக்கியிருக்கிறேன்.

வஸ்ஸலாம்...

மருத்துவரும் நல்ல மனிதருமான மோகன் அவர்களின் மரணம்

நம் உடல் மிகவும் முக்கியமானது, கவனிக்கப்பட வேண்டியது, குரான் ஷரீஃபின் கூற்றுப்படி இறைவன் தன்னுடைய ரூஹை ஊதுவதற்கு அந்த ரூஹை தாங்குவதற்கு ஏற்ற ஒரு பையாக ரூஹு தங்கி செல்லும் ஒரு வசிப்பிடமாக இந்த உடலே உள்ளது.

நம் உடலுக்குள் எத்தனையோ சங்கதிகள் இயங்கிக் கொண்டிருக்கின்றன. நான் ஒரு வலைத்தளத்தோட லிங்கை பார்த்தேன். அந்த லிங்கை கீழே தருகிறேன். போய் பாருங்கள்.

http://www.innerbody.com/htm/body.html

எவ்வளவு நுணுக்கமான நெட்வொர்க் இயங்கிக் கொண்டிருக்கிறது இந்த உடலுக்குள். நரம்பு, எலும்புகளிலிருந்து மூளை, இதயம், நுரையீரல், கல்லீரலிருந்து, இரத்தம், நீர், ஆகாரத்திலிருந்து, கண், காது, மூக்குகளிலிருந்து இப்படி இருந்து இருந்துன்னு முடிவில்லாம போய்கிட்டே இருக்கும்.

ஒரு நாள் வரும், அந்த நாளில் யார் சொல்லியும் கேக்காமல் எந்த முறையீடுக்கும் கட்டுப்படாமல் அது பாட்டுக்கு இந்த இயக்கத்தை எல்லாம் ஒரேயடியாக நிறுத்தி விட்டு  நீங்க அழுதா அழுதுகிட்டு இரிங்க, எனக்கென்னா? என்ற ரீதியில் அது பாட்டுக்கு போய் கிட்டே இருக்கும்.

ஆனால் அந்த நாள் வரும் வரைக்கும், அல்லது அந்த நாளையே தள்ளி போடலாம் என்ற அவாவில் அல்லது அந்த நாள் வரும் வரைக்கும் கொஞ்சநஞ்சம் வேலை செய்துக் கொண்டிருக்கிற உடல் இயக்கங்களை கொண்டு நோகாமல் வலி வராமல் இருப்பதற்காக நம் உடலை நலமுடன் வைத்திருப்பதற்காக உடல் கூறுகளின் வித்தைகளை அறிந்த ஒரு நிபுணரை சோ கால்ட் டாக்டரை நாம் சந்திக்க செல்வதுண்டு.

அப்படி ஒரு மருத்துவரை நாம் அணுகும் போது என்னென்ன எதிர்ப்பார்ப்புகளோடு அணுகுவோம் அல்லது அணுக வேண்டும் (not limited with):

1. நல்ல அறிவாளி - Brainy
2. கைராசிக்காரர் - Lucky Person
3. இரக்க உணர்வு - Compassionate
4. மனிதாபிமானம் - Humanity
5. புர்ந்துணர்வு - Empathy
6. அர்ப்பணிப்பு - Dedication
7. தியாக உணர்வு - Sacrifice
8. பொறுமை - Tolerant
9. பரிவு - Considerate
10. தாராள உள்ளம் - Generous

இப்படி இன்னும் எத்தனையோ எதிர்ப்பார்ப்புகளோடு தான் ஒரு உடல் வைத்தியரை நாம் அணுகுவோம். 

ஒரு வைத்தியராக பணியாற்ற academic excellence மட்டுமே போதுமானது அல்ல, அதையும் தாண்டிய extra miles செல்லக்கூடிய ஒரு அணுகு முறையை தனக்கே உரியதாக்கி இருக்க வேண்டும்.

மருத்துவர் தனது உடலை காட்ட வந்தவர்களிடம் கெட்ட செய்தியை சொல்ல வேண்டியது வரும், எனக்கு ஒரு தடவை கடுமையான வயிற்று வலி வந்தது, ஒரு மருத்துவரிடம் காட்டினேன், அவர் தவறாக டயக்னைஸ் செய்தது மட்டுமல்லாது அதை அவர் சொல்லிய விதம், எடுத்த எடுப்பிலேயே,

“கிட்னி ஃபெயிலியர், அறுத்து எரிஞ்சிட வேண்டியது தான்...”

- என்னா இது? - இப்படியா? சொல்ற முறைன்னு ஒண்ணு இருக்கு, body language, tone இதெல்லாம் எவ்வளவு முக்கியம்.

என்னோட வகுப்புல நான் பாடம் நடத்தும் போது மாணவர்களை பார்த்து கேட்டேன், “ஒரு டாக்டரை பார்க்க போனீங்கன்னா மொதொ மொதோ அவர் உங்கள பாத்து கேக்குற கேள்வி என்னா..? என்று

நான் இப்படி பதில் வரும்னு எதிர்ப்பார்த்தேன்,

 “வாங்க... உங்க ஒடம்புக்கு என்னா செய்யுது?”

“உடல்ல என்ன பிரச்சினை..?’

இப்படிலாம் வந்திருந்தா ஒரு பிரச்சினையும் இல்லை தான், ஆனா... பாருங்க... ஒரு பையன் சொல்றான்...”

”வாங்க... பாக்கெட்ல (அல்லது பர்ஸ்ல) எவ்ளோ காசு வச்சிருக்கீங்க...”

- அப்டின்னு கேக்குறாங்களாம்... காசு தான்.. சுபஹானல்லாஹ்...

ஆனால் நான் மேலே சொன்ன பத்து குணங்களையும் தன்னகத்தே கொண்ட மருத்துவர் ஒருத்தர் இருந்தார், அவர் பெயர் மோகன். அவர் குடும்ப டாக்டரெல்லாம் கிடையாதுங்க... எங்களது குடும்பத்தில் ஒருவர்...

இன்னை ரத்த உறவுகளே சொத்து சண்டையில் சந்தியில் நிக்கிது. ஆனால், ஒரு டாக்டருக்கும் பேஷண்டுக்கும் உள்ள ரிலேசன்ஷிப்பை தாண்டி அதாவது ஆங்கிலத்தில் bedside manners என்று சொல்வார்களே அதனையும் தாண்டி 
ஒரு இரத்த சொந்தம் மாதிரியான உறவு எங்களுடையதாக இருந்தது.

மருத்துவர் மோகன் எனது மகளின் உருவத்தை வரைகிறார்.

ஒரு நாள் தொலைபேசியில் எனது தகப்பானார் என்னை அழைத்து, “மோகன் டாக்டருக்கு ஆக்ஸிடெண்ட்ப்பா.. பயங்கர அடி... சென்னைக்கு கூட்டிட்டு போயிருக்காங்க..”

அப்புறம் கொஞ்ச நாள் கழிச்சு, ”..சேலத்துக்கு கூட்டிட்டு போயிருக்காங்க...”

யாரை..? எங்களுக்கெல்லாம் சொந்தம் மாதிரி இருந்தவரை.. எங்கள் குடும்பத்தில் யாருக்காவது ஒருத்தருக்கு உடல் நலமில்லை என்றால் ராத்திரி பகல் பாராது வந்திருந்து வைத்தியத்தோடு தைரியத்தையும் கொடுத்தவரை, எனது சிறிய தாயார் கேன்ஸரின் பிடியில் மரணத்தின் மடியில் இருந்த போது.. அருகில் நின்றவர்களை யாசீன் ஓத சொல்லி நினைவூட்டியவரை...”

அப்புறம் மெஸேஜ் வருது, “மோகன் டாக்டர் மவுத்..”

இன்னா லில்லாஹி வ இன்ன இலைஹி ராஜிஊன்

இனி, எங்கே போய் தேடுவது?

மருந்தோடு மனிதநேயத்தையும் கலந்து தரும் அந்த மாமனிதரை

என்ன ஒரு aptitude, என்ன ஒரு aptitude, என்ன ஒரு character, என்ன ஒரு commitment, என்ன ஒரு demeanour... 

ஒரு மருத்துவருக்கு limitation உள்ளது, அவரை ‘எப்படியாவது காப்பாத்துங்க...” என்று நோயுற்றவரின் சொந்தபந்தங்கள் அழுதாலும், அனைவருக்கும் நன்றாக தெரியவே செய்யும், “இவர் இறைவன் அல்ல...” என்பது.

என்றாலும், அந்த நிமிடம், சில நேரங்களின், நோயுற்றவரின் உயிர் மருத்துவரின் கையில் இருக்கும், எல்லா நோயுக்கும் மருந்துள்ளது. 

பெருமானார் (ஸல்) அவர்கள் சொன்னார்கள், “மனித உடலில் ஒரு துண்டுச் சதை இருக்கிறது; அது நல்ல நிலையில் இருந்தால் தான் உடல் முழுவதுமே ஆரோக்கியமாக விளங்கும். அது கெட்டு சீரழியுமானால் உடல் உறுப்புகள் செயலிழந்து விடும். இது குறித்து நீங்கள் கவனமாக இருக்க வேண்டும். அந்த சதைத்துண்டு மனித இருதயமே” என்று கூறியுள்ளார்கள்.

மருத்துவர் உள்பட எந்த மனிதரானாலும் இருதயம் சீரழியாமல் பார்த்துக் கொள்ள வேண்டும்.

ஒரு நல்ல மருத்துவரை இழந்த பிறகு தான் உடலை பற்றிய கவலையே வரும். இப்போது எனக்கு வந்திருக்கிறது.

அவரை இழந்து வாடும் அவர் குடும்பத்தாருக்கு மட்டுமல்ல, எத்தனையோ ஏழை எளியவர்களிடம் காசை கராராக கேட்டு அறுத்தெடுக்காமல் இல்லாதவர்களிடம் எதுவும் வாங்காமலேயே வைத்தியம் செய்த நல்ல மனிதரை இழந்து வாடும் அவரது Patientகளுக்கும் எனது ஆழ்ந்த இரங்கலை உளமாற பதிவு செய்கிறேன்.

--------------------------------------------------------------------------------------------------------------------------

எனக்கு ரொம்ப நாளைக்கு முன்னாள் ஒரு மாதிரியாக மூச்சு விட முடியாமல் சிரமம் வந்தது, எனது தாயார் சொல்வார்கள், சின்ன வயசுலேயே கெனைப்பு மாதிரி வருமாம, அவர்கள் அப்படி தான் சொல்வார்கள், அப்படி மறுபடி வந்த போது மருத்துவர் ராஜேந்திரன் என்பவரிடம் எனது மாமா (நாகப்பட்டினம் சர் அஹ்மத் தெரு கமால் மாமா) அவர்கள் அழைத்து சென்றார்கள்.

அவர் ஏதேதோ டெஸ்ட் எடுத்தார். எல்லாம் நார்மலாக இருக்கிறதே, அதெல்லாம் ஒண்ணுமில்லை, ஓடிபோச்சு என்றார்.

நான் நேராக எங்கள் ஹஜ்ரத்திடம் ஓடினேன்,

“நாளைக்கி வா..” என்றார்கள்

ஒரு தாளில் அவர்கள் கைப்பட எழுதிய இஸ்மை (குரான் ஆயத்து) எழுதி வைத்திருந்தார்கள். (அந்த தாளை உயிருக்கும் மேலாக வைத்திருக்கிறேன்)

இதை டெய்லி ஓதி வர வேண்டும் என்றார்கள்.

வாங்கினேன்,,,, ஓதினேன்... 

வியாதி ஓடினேன் என்று அப்போது தான் ஓடிப்போனது.

----------------------------------------------------------------------------------------------------------------------------------

மருந்து சிகிச்சை சம்மந்தமான சில குரான் ஷரீஃப் வசனங்கள்:

1.

9. ஸூரத்துத் தவ்பா (மனவருந்தி மன்னிப்பு தேடுதல்)

14வது வாக்கியம்

... இன்னும் முஃமின்களின் இதயங்களுக்கு ஆறுதலும் அளிப்பான்

2.

10. ஸூரத்து யூனுஸ் (நபி) 

57வது வாக்கியம்

மனிதர்களே! உங்கள் இறைவனிடமிருந்து உங்களுக்கு நிச்சயமாக ஒரு நல்லுபதேசமும் வந்துள்ளது. (உங்கள்) இதயங்களிலுள்ள நோய்களுக்கு அருமருந்தும் (வந்திருக்கிறது;) மேலும் (அது) முஃமின்களுக்கு நேர்வழிகாட்டியாகவும், நல்லருளாகவும் உள்ளது

3

16. ஸூரத்துந் நஹ்ல் (தேனி)

69வது வாக்கியம்

“பின், நீ எல்லாவிதமான கனி(களின் மலர்களிலிருந்தும் உணவருந்தி உன் இறைவன் (காட்டித் தரும்) எளிதான வழிகளில் (உன் கூட்டுக்குள்) ஒடுங்கிச் செல்” (என்றும் உள்ளுணர்ச்சி உண்டாக்கினான்). அதன் வயிற்றிலிருந்து பலவித நிறங்களையுடைய ஒரு பானம் (தேன்) வெளியாகிறது; அதில் மனிதர்களுக்கு (பிணி தீர்க்க வல்ல) சிகிச்சை உண்டு; நிச்சயமாக இதிலும் சிந்தித்துணரும் மக்களுக்கு ஓர் அத்தாட்சி இருக்கிறது.

4. 

17. ஸூரத்து  பனீ இஸ்ராயீல் (இஸ்ராயீலின் (Israel) சந்ததிகள்)

82வது வாக்கியம்

இன்னும், நாம் முஃமின்களுக்கு ரஹ்மத்தாகவும், அருமருந்தாகவும் உள்ளவற்றையே குர்ஆனில் (படிப்படியாக) இறக்கிவைத்தோம்; ஆனால், அக்கிரமக்காரர்களுக்கோ இழப்பைத் தவிர வேறெதையும் (இது) அதிகமாக்குவதில்லை.

5.

26. ஸூரத்துஷ்ஷுஃரா (கவிஞர்கள்)

80வது வாக்கியம்

“நான் நோயுற்ற காலத்தில், அவனே என்னைக் குணப்படுத்தினன்.”

(இப்ராஹீம் (அலை) அவர்கள் கூறியதாக வருகிறது)

6.

41. ஸூரத்து ஹாமீம் ஸ்ஜ்தா

44வது வாக்கியம்

நாம் இதை (குர்ஆனை) அரபில்லாத வேறு மொழியில் இறக்கியிருந்தால்; இதன் வசனங்கள் தெளிவாக விளக்கப்பட்டிருக்கக் கூடாதா? (சொல்) அஜமீ (வேற்று மொழி); (தூதர்) அரபியரா?” என்று அவர்கள் கூறியிருப்பார்கள். “இது ஈமான் கொண்டவர்களுக்கு ஒரு வழிகாட்டியும், (அரு) மருந்துமாகும்” என்று கூறுவீராக! ஆனால் ஈமான் கொள்ளாதவர்களுக்கு, அவர்களுடைய காதுகளில் செவிட்டுத்தன்மை இருக்கிறது; இன்னும், அவர் (கண்)களில் குருட்டுத்தனமும் இருக்கிறது; எனவே அவர்கள் வெகு தொலைவான இடத்திலிருந்து அழைக்கப்படுபவர்கள் (போல் இருக்கின்றனர்).

இஸ்லாமிய சூஃபியிச சிகிச்சை சம்மந்தமான சில இணைப்புகள்:

http://en.wikipedia.org/wiki/Islamic_medicine

http://www.ishim.net/ishimj/2/02.pdf

http://www.mysticsaint.info/2008/07/spiritual-healing-in-islamic-sufi.html

http://www.nurmuhammad.com/Meditation/EnergyHealing/harvardhealinglecture.htm

உம்ராவ் ஜான் பட பாடல் வரிகள்

கய்யாம் சாபின் இசையில் உம்ராவ் ஜானின் பாடல் தெவிட்டாத தேன்...

இந்த பாடலை பாடியவர் தாலாத் அஜிஸ்

http://en.wikipedia.org/wiki/Talat_Aziz

zindagi jab bhi teri bazm mein laati hai hamen
ye zamin chand se behatar nazar aati hai hamen

வாழ்க்கை என்னை உனதருகில் கொண்டு வரும் போது

இந்த பூமி அந்த நிலவை விட தெளிவாக தெரிகிறது

surkh phulon se mahak uthati hain dil ki rahen
din dhale yun teri aawaz bulaati hai hamen

இதயத்தின் பாதையில் கருஞ்சிவப்பு மலர்கள் மலர்கின்றன

இரவுகளின் முடிவின் பொழுதில் உனது குரல் உனதருகில் எனை அழைக்கிறது

yaad teri kabhi dastak kabhi saragoshi se
raat ke pichhale prahar roz jagaati hai hamen

உனது நினைவுகள் சில நேரங்களில் கரவொலி சத்தமாய் காதில் ஒலிக்கிறது சில சமயங்களில் மௌனமாய் கிசுகிசுக்கிறது

ஒவ்வொரு நாளும், இரவின் இறுதி நிமிடங்கள் என்னை தட்டி எழுப்புகிறது

har mulaqat ka anjaam judai kyun hai
ab to har vaqt yahi baat satati hai hamen

ஒவ்வொரு சந்திப்பின் முடிவிலும் எப்படி இந்த பிரிவு வந்து அட்டையாய் ஒட்டிக் கொள்கிறது

இந்த பிரிவெனும் துயரம் மட்டும் என்னை தொடர்ச்சியாய் விடாமல் கடுமையான நோவினை செய்கிறது

--------------------------------------------------------------------------------------------------------------------------

பாவப்பட்ட உம்ராவ் ஜான் அதா எனும் பெண் ஒரு செல்வந்தனை உண்மையான நேசத்துடன் காதலித்தாள், ஒரு கொலையை செய்து விட்டு தலைமறைவான அவனை நீண்ட நாட்களுக்கு பிறகு தான் சந்திக்க நேர்கிறது, அதுவும் அவனது திருமண கோலத்தில், அவன் முன்னால் கவிஞரும் பாடகியுமான அவள் பாடுகிறாள். அவளின் சோகம் நம்மிலும் தொற்றிக் கொள்கிறது

அவளுக்காக பாடுபவர் ஆஷா போஸ்லே...

justajoo jis kee thee us ko to naa paayaa hum ne 

is bahaane se magar dekh lee duniyaan hum ne 

நான் தேடிக் கொண்டிருந்த ஒன்று
எனக்கு இன்னமும் கிடைக்கவில்லை
என் மனதிடம் ஏதொ சாக்கு போக்கு சொல்லி தான்
இவ்வுலகிலிருந்து பிரியாதிருக்க உயிரை கையில் பிடித்து நிறுத்தி வைத்திருக்கிறேன்

tujko rusawaa naa kiyaa khud bhee pashemaan na huye 

ishk kee rasm ko is tarah nibhaayaa hum ne 

நான் உன்னை ஒருபோதும் மதிப்பிழக்க செய்ய மாட்டேன், நான் எனக்குள் வருத்தங்களை புதைத்துக் கொள்கிறேன்.                                                                      அப்படி புதைத்து கொள்வதன் மூலம், நான் நமது காதலை கண்ணியம் செய்கிறேன்.

kab milee thee kahaa bichhadee thee humei yaad nahee 

jindagi tuz ko to bas khwaab mein dekhaa hum ne 

எனக்கு சரியாக நினைவிலில்லை - எப்போது சந்தித்தோம் - எப்போது பிரிந்தோம் - எனக்கு நினைவிலில்லை நான் தேடிய உன்னுடனான அந்த வாழ்க்கையை என் கனவில் மட்டுமே பிடித்து வைத்திருக்கிறேன்.

aye adaa aaur sunaaye bhee to kyaa haal apanaa 

umar kaa lanbaa safar tay kiyaa tanahaa hum ne 

நான் எனது நிலையை பற்றி எப்படி எடுத்துரைப்பேன்? - நான் என்னோடு சமரசம் செய்து கொண்டு விட்டேன் - இனி எனது வாழ்க்கை முழுவதும் தனியாகவே பயணம் செய்வதென்று 

ஹுஜுர் இஸ் கதர் பி - மாசும் இந்தி பட குல்ஜார் சாபின் பாடல்

இது கதைப்படி பார்ட்டியில் பாடும் பாடல்

அழகான கஜல்

செவிக்கு இனிமை சேர்ப்பவர்கள்: சுரேஷ் வாட்கரும் புபிந்தர் சிங்கும்

Hujoor is kadar bhee naa itaraake chaliye
Khule aam aanchal naa laharaa ke chaliye

ஓ மங்கையே.!
இவ்வளவு அலட்சியமாக
நீ செல்லலாகாது..!
உன் தலைதுண்டு (ஸ்கார்ப்)
காற்றில் விலகி ஓடுவதறியாமல்
இவ்வளவு மிடுக்காக
நீ நடக்கலாகாது..!

Koee manachalaa agar pakad legaa aanchal
Jaraa sochiye aap kyaa kijeeyegaa
Lagaa de agar, badh ke julfon mein kaliyaan
To kyaa apanee julfe zatak dijeeyegaa

ஒரு வம்பன்
உன் துப்பட்டாவை
பிடித்திழுத்தால்
நீ என்செய்வாய்..?
கன நேரம்
யோசித்து பார்..!
பருவ மங்கையே..!
உன் கூந்தலில்
ஒரு வம்பன்
பூவை வைத்து
சென்றால்
நீ தூர எரிந்து விடு..?

Badee dilanashee hain haseen kee ye ladeeyaan
Ye motee magar yoo naa bikharaayaa kije
Udaa ke naa le jaaye zonkaa hawaa kaa
Lachakataa badan yoo naa laharaayaa kije

வழியில் வருவோரிடமெல்லாம்
சிரித்து வைத்து
உன் விலைமதிப்பற்ற
சிரிப்பை வீணாக்கிவிடாதே
ஒரு புயல்காற்று 
உன்னை அடித்து
சென்று விடுமென்று
அஞ்சுகிறேன்
ஆதலால் நவீன மங்கையே
அலட்சிய நடை 
வேண்டாம்

Bahot khubasoorat hain, har baat lekin

Agar dil bhee hotaa, to kyaa baat hotee

Likhee jaatee fir daastaan-ye-mohabbat

Vek afasaane jaisee mulaakaat hotee

வாய்பேச்சு அனைத்தும்
அழகாய் தான் இருக்கிறது
ஆனால்
அழகாய் இருக்க வேண்டிய
ஒன்றுண்டு
அது தான் இதயம்
(அது அழகாய் இருந்தால் தான் அனைத்தும் அழகாய் இருக்கும், அப்படி அழகாய் இருக்கும் பட்சத்தில்)
நம் காதல்கதைகள்
தொடரும்
இவ்வளவு ஏன்..?
நம் ஒரு சந்திப்பின்
காதல்கதை கூட
உலா வரும்
நாளைய உலகில்...

ஹஜ்ரத் வீடு - இரண்டாம் பகுதி

தொடர்புடையவை:

ஹஜ்ரத் வீடு - முதல் பகுதி இங்கே:

http://nagoreismail786.blogspot.com/2012/03/blog-post_16.html 

---------------------------------------------------------------------------------------------------------------

என்னுடைய சிறுவயதில் நாகூர் வஹ்ஹாப் சாப் பள்ளியில் (தெருபள்ளி தெரு குளத்திற்கு எதிரே) உள்ள மதரஸாவில் அரபி பாடம் ஓத கற்றுத் தெரிவதற்கு சேர்த்து விட்டார்கள்.

முதல் நாள் ‘இக்ர.. (ஓதுவீராக..!)’ என தொடங்கும் வசனத்தை எனக்கு சாபு ஓத சொல்லி கொடுத்தார்கள். 

தொடர்ச்சியாக ஐந்து கலிமாவும் சொல்லி கொடுத்தார்கள்.

லா இலாஹா இல்லல்லாஹ்.. முஹம்மதுர் ரஸுலுல்லாஹ்..

அல்லாஹ்வைத் தவிர வேறு அல்லாஹ் இல்லை... முஹம்மது (ஸல்) அவர்கள் அல்லாஹ்வின் திருத்தூதர் ஆவார்கள்.

நான் சொன்னதை சொல்லும் கிளி பிள்ளை போல் அப்படியே திருப்பி சொன்னேன்.

அப்போது அந்த குழந்தை பருவத்தில் எந்த மத குடும்ப சூழலில் நான் பிறந்திருந்தாலும் மேலே சொன்ன கலிமா ஷஹாதாவிற்கு பதிலாக வேறு ஒரு வாசகத்தை சொல்லி கொடுக்கப்பட்டிருந்தாலும் நான் அதனையே பின்பற்றி சொல்லியிருக்கத் தான் செய்வேன்.

ஏன்? எதற்கு? என்றெல்லாம் கேள்வி கேட்காமல் ம்மாவுக்கு பயந்தோ வாப்பாவுக்கு பயந்தோ அல்லது ஓதி கொடுக்கின்ற சாபுவுக்கு பயந்தோ அப்படியே பின்பற்றி கலிமாவை ஒப்பித்து கொண்டிருந்தேன்.

அதாவது முறைப்படி முஸ்லிமாகியிருந்தேன். சமுதாயத்தில் என்னை நானே முஸ்லிம் என்று சொல்லிக் கொள்ள அனுமதி கிடைத்தது. ஆனால் உண்மையான நம்பிக்கை என் மனதுக்குள் நுழையவில்லை. குரான் ஷரீஃபில் வரும் வாக்கியத்தை கவனிக்கலாம்:

குரான் ஷரீஃப் - 49. ஸூரத்துல் ஹுஜுராத் (அறைகள்) - 14 வது வாக்கியம்

“நாங்களும் ஈமான் (நம்பிக்கை) கொண்டோம்” என்று நாட்டுப் புறத்து அரபிகள் கூறுகிறார்கள். “நீங்கள் ஈமான் (நம்பிக்கை) கொள்ளவில்லை. எனினும் “நாங்கள் இஸ்லாத்தை தழுவினோம்” என்று (வேண்டுமானால்) கூறுங்கள்”, (என நபியே! அவர்களிடம்) கூறுவீராக. “ஏனெனில் உங்களுடைய இதயங்களில் ஈமான் (நம்பிக்கை) நுழையவில்லை; .............”

மேலே உள்ள வாக்கியத்தின் படி ‘முஸ்லிமாக இருப்பதற்கும்’ ”ஈமானுடன்  இருப்பதற்கும்” நிறைய வித்தியாசங்கள் இருக்கின்றன என்பது தெளிவாகிறது.

முஸ்லிமாக இருப்பதை ஒரு வீட்டிற்குள் செல்வதை குறிக்கும் என்றால் ஈமான்தாரியாக இருப்பதற்கு அந்த வீட்டிற்குள்ளேயே இருக்கும் ஒரு அறைக்குள் செல்வதை குறிக்கும்.

முஸ்லிமாக இருப்பதற்கு வக்து தவறாமல் குனிந்து எழுந்து அவசரகதியில் தொழுகையை கடனாக கழித்து விட வேண்டுமென்றால் ஈமான்தாரியாக இருப்பதற்கு உடலோடு சேர்த்து உள்ளத்தையும் ரூஹையும் வளைக்க கடமையாற்றியாக வேண்டும்.

முஸ்லிமாக இருப்பது வெளிப்படையானவற்றை குறிக்கும் என்றால் ஈமான்தாரியாக இருப்பது மறைவானவற்றை குறிக்கும், ஏனெனில் அல்லாஹ் குரான் ஷரீஃபில் “..அவர்கள் இதயங்களில் நுழையவில்லை..” என்று சொல்கிறான். 

இதயத்தில் நுழைவது என்பது வெளிப்படையாக தெரியக்கூடியதல்ல என்பதை விளங்கிக் கொள்ளலாம்.

சரி, ஈமான் கொள்வது என்றால், எதை ஈமான் கொள்வது? எப்படி ஈமான் கொள்வது?

இந்த கட்டத்தில் குரான் ஷரீஃபில் வரும் இன்னொரு வாக்கியத்தையும் நினைவில் கொள்வது நன்மை பயக்கலாம்.

குரான் ஷரீஃப் - 2 ஸூரத்துல்  பகரா (பசு மாடு) - 2 மற்றும் 3 வது வாக்கியங்கள்

2 - அது திருவேதமாகும். இதில் எத்தகைய சந்தேகமும் இல்லை. முத்தகீன்களுக்கு நேர்வழிகாட்டியாகும்.

3 - (முத்தகீன்களான) அவர்கள், மறைவானவற்றின் மீது நம்பிக்கை கொள்வார்கள், ...............”

மேலே சொன்ன 2வது வாக்கியத்தில் தமிழ் மொழிபெயர்ப்பில் “இது  திருவேதமாகும்...” என்று மொழி பெயர்க்கப்பட்டிருக்கும்,  ’இது’ என்றால் ’இந்த குரான் ஷரீஃப்’ என்று பொருள்படும் படியாக மொழிபெயர்க்கப்பட்டிருக்கும், 

ஆனால் ‘இது’ என்ற வார்த்தைக்கு அரபியில் ‘ஹாதல்” என்ற வார்த்தை தான் வர வேண்டும். அப்படி வராமல் ‘தாலிகல்” என்ற வார்த்தை வந்திருக்கிறது, தாலிகல் என்ற வார்த்தைக்கு ‘அந்த’ என்பது தான் சரியான நேரடி பொருளாகும்.

ஆனால் ‘அந்த’ என்று எந்த மறைவான வேதநூலை பற்றி இறைவன் சொல்கிறான். இது ஒரு கேள்வி?

அடுத்து ‘முத்தகீன்கள்” என்ற அரபி வார்த்தை.

 ’தக்வா உடையவர்களை’ ‘முத்தகீன்கள்’ என்று குறிக்க பயன்படுகிறது. ‘தக்வா’ என்ற வார்த்தைக்கு தமிழ் மொழிபெயர்ப்பில் ‘பயபக்தியுடைவர்கள்’ என்று தமிழ்சொல் கொடுத்திருப்பார்கள்.

ஆனால் ‘தக்வா’ என்றால் ஆங்கிலத்தில் self-awareness,  the act of shielding/protecting oneself, (பார்க்க: http://en.wikipedia.org/wiki/Taqwa).

’விழித்திரு’ என்று சொல்வார்கள் அல்லவா, விழித்திரு என்றால் ”தூங்காமல் ராத்திரி பூரா கண்ணு முழிச்சிகிட்டு இரிக்கிறது” என்று அர்த்தமல்ல, எப்போதும் சுய கவனிப்போடு, சுய நிதானத்தோடு, எப்போதும் தயாராக இருப்பது, புலன்களின் உணர்வுகளோடு இருப்பது இப்படி குறிக்கும்.

உங்கள் விரல் அசைவது, உங்கள் கண்ணில் வரும் கருப்பு விழி அசைவதிலிருந்து அது எதை பார்த்துக் கொண்டிருக்கிறது, அதில் எந்த பொருள்கள் எல்லாம் கண்ணில் தெரிந்துக் கொண்டிருக்கிறது என்பது உள்பட உங்களை பற்றிய ஒரு closed observationல் இருப்பதை குறிக்கும்.

அதாவது எப்போதும் ‘தன்னை அறிந்த நிலை’யில் இருப்பதை ’தக்வா’ எனும் வார்த்தை குறிக்கும் என்றால் ‘தன்னை அறிந்த நிலையில் இருப்பவர்களை’ ‘முத்தகீன்கள்’ என்று குறிக்கும்.

பெருமானார் (ஸல்) அவர்கள் சொன்ன ஹதீது ஒன்று நினைவிற்கு கட்டாயம் வந்தாக வேண்டும்.

’தன்னை அறிந்தவன் தன் நாயனை அறிந்தவன் போலாவான்’ 

(-எல்லாம் ஒரு சர்க்கிளுக்கு குள்ளேயே சுற்றி வருவதை உணர்ந்து கொள்ளலாம்.)

இது வரை:

’அந்த திருவேதம்’ என்றால் எது?’
- இதற்கு குரான் ஷரீஃப் என்று பொருள் தர்ஜூமாவில் கிடைத்தாலும் அது தான் சரியானது என்று உறுதியிட்டு கூறிவிட முடியாது.

இதை பற்றி மிக அற்புதமாக இங்கே சொல்லாடப்பட்டிருக்கிறது: http://pirapanjakkudil.blogspot.sg/2011/08/blog-post_27.html

’அந்த திருவேதம் யாருக்கு வழி காட்டுகிறது?’
-Self-awarenessஓடு இருந்து தன்னை காத்து கொள்கின்றவர்களுக்கு

இப்போது அடுத்த கேள்வி - 

“அப்படி Self-awareness சுயநினைவோடு இருப்பவர்களின் குணாதிசியங்கள் என்ன?”
- அவர்களில் முதன்மையான குணாதிசியமானது ‘அவர்கள் மறைவானவற்றின் மீது நம்பிக்கை கொண்டிருப்பார்கள்’

’யுமினூன’ என்ற அரபி வார்த்தை ஈமான் என்ற வார்த்தையிலிருந்து பிறந்தது. அதாவது ‘மறைவான வற்றின் மீது ஈமான் கொண்டிருப்பார்கள்’

இப்போது முதலில் மேலே சொன்ன ‘ஹுஜுராத்’ எனும் அத்தியாயத்தில் வந்த வாக்கியத்தோடு தொடர்பு படுத்தி பார்ப்போம்.

“...ஏனெனில் உங்களுடைய இதயங்களில் ஈமான் (நம்பிக்கை) நுழையவில்லை..”

நம்பிக்கை என்றால் என்ன?

உதாரணமாக, ரொம்ப வருடங்களுக்கு முன்னாடி ஒரு நண்பர் சொன்னார், “இன்னும் கொஞ்ச நாளில் மொபைல் போனிலேயே இண்டர்நெட் பார்ப்பார்கள்..” என்று

அதற்கு இன்னொரு நண்பர் சொன்னார், “முட்டாளாய்யா நீ... எவனாவது மவுஸை போனில் கனெக்ட் பண்ணி ஊரெல்லாம் எடுத்துகிட்டு போவானாய்யா.. அதெல்லாம் நடக்குற காரியமா?” என்றார்

ஆனால் இன்றைக்கு காலம் ‘யார் முட்டாள்’ என்று காட்டி கொடுத்து விட்டது.

முதலாம் நண்பர் வைத்திருந்தது அவர் புலன்களுக்கு புலப்படாத ஒன்றை நம்பினார்.

ஆனால் இன்றைக்கு மொபைல் போனில் இண்டர்நெட் என்பது மறைவான ஒன்றல்ல.

இப்போது ஒருவர் வந்து, “மொபைல் போனில் இண்டர்நெட் பார்க்கலாம்’ என்றால் அதை ஒருவர் ஏற்றுக் கொள்வதை நம்பிக்கை என்று சொல்ல முடியாது.

வெளிப்படையான ஒன்றை நம்புவது என்பது தேவையில்லாத ஒன்று.

மறைவான ஒன்றை ஏற்றுக் கொள்வதற்கு தான் நம்பிக்கை தேவைப்படுகிறது.

அப்படியா, அப்போ, மறைவான வற்றின் மீது நம்பிக்கை கொள்வது விளங்குகிறது, ஆனால் ’மறைவானவை’ என்றால் என்ன?

இன்னைக்கு மறைவான ஒன்று காலப்போக்கில் வெளிப்படையாகக் கூடிய ஒன்ரையா இந்த இடத்தில் சொல்லப்பட்டிருக்கிறது, உதாரணமாக மொபைல் போனில் இண்டர்நெட், etc, etc,..?

எந்த மறைவானவற்றை பற்றி இந்த இடத்தில் குரான் ஷரீஃப் குறிக்கிறது.

’மறைவான’ என்ற வார்த்தைக்கு ‘அல்-கைப்’ என்ற வார்த்தை பயன்படுகிறது.

அதாவது, ‘அல்-கைப்’ என்றால் அது இறைவன் தான்.

ஏனெனில் ஸுரத்துல் பகறாவில் 3 (தொடர்ச்சி), 4 மற்றும் 5 என தொடரும் வசனங்களில் நம்பிக்கை வைக்க வேண்டிய மற்றவைகளை பற்றி குறிப்பிடும் போது அருளப்பட்ட வேதங்கள், மறுமை உள்பட இன்றைக்கு பார்க்க முடியாத மறைவான ஒவ்வொன்றும் தனியே குறிப்பிடப்பட்டே உள்ளது, அப்போது தனித்தனியாக குறிப்பிடப்படாத ஒன்றான ஒன்றை பொதுவாக ‘அல்-கைப்’ என்று குறிப்பிடப்பட்டிருப்பதை வைத்து பார்க்கும் போது ‘அல்-கைப்’ (unseen)  என்பது இறைவனையே குறிக்கும் என்பது சூஃபியாக்களின் கருத்தாகும்.

இதை தான் பெருமானார் (ஸல்) அவர்களும் ‘தன்னை அறிந்தவன் தன் நாயனை அறிந்தவன் போலாவான்’ என்றார்கள்.

சுயநினைவோடு இருக்கும் இவர்கள் மறைவான இறைவன் மீது நம்பிக்கை கொள்வார்கள்.

ஆனால் இறைவன் மறைவாக தான் இருக்கின்றானா?

குரான் ஷரீஃப் - ஸூரத்துல் ஹதீத் (இரும்பு) - 4 வது வாக்கியம்

”..... நீங்கள் எங்கிருந்த போதிலும் அவன் உங்களுடனே இருக்கிறான்...”

ரொம்ப அலர்ட்டாக இருக்க வேண்டும். நீங்கள் இருக்கின்ற இடத்தில் எல்லாம் இறைவனும் இருக்கின்றான். உதாரணமா, வகுப்பில் வாத்தியார், ‘இஸ்மாயில்’ - இஸ்மாயிலாகிய நான், ‘உள்ளேன் அய்யா’ என்று விளித்தால் அவன் என்னுடனே சேர்ந்து ‘உள்ளேன் அய்யா’வாக தான் இருக்கிறான்.

ஆனால் இந்த ‘உள்ளேன் அய்யா’வை நம்ப வேண்டும். அப்படி வரும் நம்பிக்கைக்கு பல படித்தரங்கள் உண்டு.

என் நண்பர் மொபைல் போன் இண்டர் நெட் சொன்னேன் அல்லவா, அந்த உதாரணத்தோடு ஒப்பிடுவோம்.

இரண்டாம் நண்பர் மறைவான வற்றை நம்பவில்லை, எப்படி?

மொபைல் போனில் இண்டர்நெட் பார்க்கலாம் என்ற செய்தி பிற்காலத்தில் நிறைவேறக் கூடிய ஆனால் அதே சமயத்தில் உரையாடல் நடந்த அந்த காலகட்டத்தில் மறைவாக இருந்த செய்தி. அதை இரண்டாம் நண்பர் ஏற்கவில்லை.

முதலாம் நண்பர் மறைவானவற்றை நம்பினார், எப்படி?

‘மொபைல் போனில் இண்டர்நெட் வராத போதே, அவ்வாறு வரும் என்று நம்பினார்.

ஆனால் மொபைல் போனில் இண்டர்நெட் பார்க்க கூடிய இந்த காலகட்டத்தில் இரண்டு நண்பர்களுமே நம்புகிறார்கள். இன்னும் சொல்லப் போனால் இது நம்பிக்கை கூட அல்ல, ஏனெனில் முன்னர் சொன்னது போல் மறைவானவற்றை ஏற்றுக் கொள்வதற்கு தான் நம்பிக்கை தேவை. இப்போது இரண்டு நண்பர்களுமே  நம்பவில்லை, அனுபவிக்கிறார்கள்.

ஆக,

1. மறைவானவற்றை நம்ப மறுப்பது ஒரு நிலை

2. மறைவானவற்றை ஒப்புக்கொள்கிறேன் என்று கேள்வி கேட்காமல் சொல்வது அடுத்த நிலை - இது தான் நான் குழந்தையில் கலிமா சொன்ன நிலை - இது தான் நான் முஸ்லிம் எனும் வீட்டிற்குள் நுழைந்து விட்ட நிலை

3. மறைவானவற்றை அதாவது முதன்மையாக அல்-கைப் எனும் இறைவனை நம்புவது அடுத்த நிலை - இது தான் முஸ்லிம் எனும் வீட்டிற்குள் இருக்கும் ஈமான் எனும் அறைக்குள் நுழையும் நிலை

முதன்மையாக அல்-கைப் எனும் இறைவனை அதாவது மறைவானவற்றை நம்புபவர்கள் தான் முத்தகீன்களான சுய உணர்வோடு இருப்பவர்கள்.

இப்படி சுய உணர்வோடு இருப்பவர்களான அல்-கைபை நம்புபவர்களுக்கு தான் ’அந்த’ வேதநூல் நேர்வழியை காட்டுகிறது.

அப்படி காட்டியதோடு முடிவடையவில்லை, வழிகாட்டுதல் என்பது ஊர் போய் சேர்ந்து விடுவது ஆகாது. அந்த வழிகாட்டுதலோடு சென்றால்... அடுத்த நிலை வரும்...

4. மறைவானவற்றைஅல்-கைபை நம்புவதில் இருந்து உணர்வுப்பூர்வமாக உள்ளுணர்வுகளால் அனுபவிப்பது என்பதே அந்த அதற்கும் அடுத்து இருக்கும் மேலான நிலை - இது தான் சூஃபியாக்களின் நிலை.

நான் எனக்கு குழந்தை பருவத்தில் ஓதி கொடுத்த வஹ்ஹாப் சாஹிப் அவர்கள் கலிமா சொல்லி கொடுத்து சொன்ன போது அதை திரும்ப சொல்லி ஒப்புக் கொண்டேன். அதாவது மேலே குறிப்பிட்டுள்ள எண்ணின் படி இரண்டாவது நிலையில் இருந்தேன், ஆனால் எங்கள் ஹஜ்ரத் வஹ்ஹாப் சாஹிப் அவர்கள் வீட்டிற்குள் நுழைந்த போது தான் ஈமான் எனும் வீட்டிற்குள்ளேயே நுழைந்தேன்.

ஆனால் எங்கள் ஹஜ்ரத் அவர்கள் இருந்ததோ......
எனக்கும் அந்த நிலைக்கு உயர ஆசை எனும் துவா பிறந்தது....