யூசுஃப் நபியின் மிக அழகான வரலாறு

1

குரான் ஷரீஃபிலே மிகவும் விளக்கமாகவும் நேரடியாகவும் காலவரிசைப்படியும் ஒரு அத்தியாயம் அமைந்திருக்கிறது என்றால் அது ஸுரத்துல் யூசுஃப் என்ற குரான் ஷரீஃபில் இடம் பெற்ற 12வது அத்தியாயத்தை மட்டுமே குறிக்க முடியும்.

குரான் ஷரீஃபே இந்த அத்தியாயத்தை ஆரம்பிக்கும் போது

"... மிக அழகான வரலாற்றை உமக்கு நாம் கூறுகின்றோம்.." (3வது வசனம்)

என்று கூறுகிறது. வேறு எந்த வரலாற்றை பற்றி குறிப்பிடும் போதும் இப்படி சொன்னதாக நான் அறியவில்லை.

நாகூர் ரூமி அவர்கள் அவர்களது 'இஸ்லாம் ஒரு எளிய அறிமுகம்' எனும் நூலில் இந்த வரலாற்றை பற்றி குறிப்பிடுகையில் "கனவில் தொடங்கி கனவு பலிப்பதில் முடிகிறது" என்று அழகாக எழுதியிருந்தார்கள்.

மேலும் குரான் ஷரீஃப் இந்த வரலாற்றில் பல படிப்பினைகள் இருப்பதாக சொல்கிறது..

"நிச்சயமாக யூஸுஃபிடத்திலும் அவர்களுடைய சகோதரர்களிடத்திலும் (அவர்களைப் பற்றி) விசாரிப்பவர்களுக்கு பல படிப்பினைகள் இருக்கின்றன." (7வது வசனம்)

குரான் ஷரீஃபிலிருந்து நாம் புரிந்து கொள்ளுவதற்கும் இறைவனின் மெய்யன்பர்கள் எனப்படும் சூஃபியாக்கள் புரிந்து கொள்வதற்கும் வானபூமி வித்தியாசம் இருக்கிறது.

இங்கே மெய்யன்பர்களின் பார்வையில் இந்த அத்தியாயத்தில் படிப்பினை பெற வேண்டிய சில செய்திகள் (Which means not limited with the below) இறையருளால் இங்கே பதிவு செய்யப்படுகிறது.

முதலாவதாக, யூசுஃப் நபியவர்கள் அவர்களின் தந்தையான யாகூப் நபியை  அழைக்கும் போது "என் அருமை தந்தையே (அரபியில் 'யா அபதி" எனும் வார்த்தை) " (4வது வசனம்) என்று அழைக்கிறார்கள்.

ஆனால் யாகூப் நபியின் மற்ற பிள்ளைகள் அவர்களை அழைக்கும் போது 'எங்கள் தந்தையே (அரபியில் 'யா அபானா' எனும் வார்த்தை)" (11 வது வசனம்) என்று அழைப்பதையும் கவனிக்கலாம்.

இவ்விரண்டு அழைப்பிற்கும் உள்ள வித்தியாசமே யூசுஃப் நபியவர்கள் தமது தந்தையை மிகவும் அன்போடு தமக்கே உரிய வார்த்தைகளில் அழைத்தது தான் (in more personal form of addressing). ஆனால் மற்ற பிள்ளைகள் மிகவும் சாதாரன வார்த்தைகளில் (formal) ஆக அழைக்கிறார்கள்.

இது மற்றவர்கள் பார்வையில் எப்படி படுகிறதோ எனக்கு தெரியாது, சூஃபியாக்கள் பார்வையில் இது மிகவும் உள்ளர்த்தம் உள்ளதாக அனுகப்படுகிறது. ஏனெனில் அவர்களின் இறைவனுடனான தொடர்பு தூய்மையான அன்பிலிருந்து தான் பிறந்தது.

தந்தை மகனையும் தாண்டிய இரு நபர்களுக்கு இடையே ஏற்பட்ட ஒரு தெய்வநிலை சார்ந்த தொடர்பாக 'யா அபதி' எனும் அழைப்பு  இருந்திருக்கிறது. இந்த அன்பு தான் மற்ற மகன்களுக்கு பொறாமையையும் உண்டு பண்ணுகிறது.

மௌலானா ரூமி (ரஹ்) அவர்கள் சம்சு தப்ரேஜ் (ரஹ்) அவர்களுடன் இத்தகைய தெய்வ நிலை சார்ந்த அன்பு கொண்டிருந்த போது தான் ரூமி (ரஹ்) அவர்களின் பிற மாணாக்கர்களுக்கும் இதே போல் பொறாமையை உண்டு பண்ணியது.

யூசுஃப் நபியவர்களின் சகோதரர்ளுக்கு ஏற்பட்ட இந்த பொறாமை அவர்களை யூசுஃப் நபியவர்களை கிணற்றின் கீழே தள்ளி விடும் அளவுக்கு அவர்களை கொண்டு போய் வைத்தது.

"(இவ்வாறாக) அவர்கள் அவரை அழைத்துச் சென்று ஆழமான கிணற்றில் தள்ளிவிட ஒன்று சேர்த்து முடிவு செய்த போது, ..." (15வது வசனம்)

இங்கே யூசுஃப் நபியவர்கள் Physical ஆக கீழே போனது என்பது அவர்களது தெய்வநிலை சார்ந்த தன்மை Spiritual ஆக மேலே சென்றதற்கான குறியீடாகும்.  அந்த கிணற்றின் இருளில் யூசுஃப் நபியவர்களுக்கு இறை செய்தி மூலம் ஒளியேற்றப்பட்டதற்கு கீழே கொடுக்கப்பட்டுள்ள இறைவசனமே சான்றாகும்.

“ ...நீர் அவர்களின் இச்செயலைப்பற்றி அவர்களுக்கு (ஒரு காலத்தில்) உணர்த்துவீர். அது சமயம் அவர்கள் உம்மை அறிந்து கொள்ள மாட்டார்கள்” என்று நாம் யூஸுஃபுக்கு வஹீ அறிவித்தோம்." (15 வது வசனம்)

கிணற்றின் இருட்டிலே யூசுஃப் நபியவர்கள் இறைவனின் ஒளியை பெற்றுக் கொண்டார்கள். இன்னொரு வார்த்தையில் சொல்வதென்றால் அவர்களை இறைவன் பொருந்திக் கொண்டான்.

2

யூசுஃப் நபியின் சகோதரர்கள் யூசுஃப் நபியவர்களுக்கும் தீங்கிழைத்திருந்த போதும் பிற்காலத்தில் மிஸ்ரு (தற்போதைய எகிப்து நகரம்) நாட்டின் மந்திரியாக இருந்த யூசுஃப் நபிகளிடத்திலே வந்து அவர்கள் தாம் கிணற்றில் தள்ளி விட்ட தமது சகோதரன் என்று தெரியாத நிலையிலேயே (ஸதகா - ஸ த க எனும் மூன்று எழுத்துக்களை உடைய வார்த்தை) தருமம் கேட்கிறார்கள்.

ஆனால் யூசுப் நபியவர்கள் அவர்களுக்கு கொடுக்க நினைத்த ஸதகாவை பற்றி அவர்கள் அறிந்திருக்கவில்லை. யூசுஃப் நபியவர்கள் வெறும் பொருள்களை மட்டும் தானமாக கொடுக்கவில்லை உண்மையில் அந்த யூசுஃப் நபியின் சகோதரர்கள் எதை தானமாக கேட்டார்களோ அதையே அவர்களின் இதயங்களை சீராக்கி மறைபொருளான உண்மையினை (ஸித்திக் - ஸ த க எனும் மூன்று எழுத்துக்களை உடைய வார்த்தை) விளங்கிக் கொள்ளும் மனநிலையினை பரிசாக கொடுக்கிறார்கள்.

யூசுஃபின் சகோதரர்கள் யூசுஃப் நபிகளிடத்திலே கேட்டது குரான் ஷரீஃபிலே தெளிவாக பதிவு செய்யப்பட்டுள்ளது.

"அவ்வாறே அவர்கள் (மிஸ்ரையடைந்து) யூஸுஃப் முன்னிலையில் வந்து அவரிடம்; “அஜீஸே! எங்களையும் எங்கள் குடும்பத்திலுள்ளவர்களையும் பெருந்துயர் பற்றிக்கொண்டது; நாங்கள் சொற்பமான பொருளையே கொண்டுவந்திருக்கின்றோம்; எங்களுக்கு நிரப்பமாகத் (தானியம்) அளந்து கொடுங்கள்; எங்களுக்கு (மேற்கொண்டு) தானமாகவும் கொடுங்கள். நிச்சயமாக அல்லாஹ் தானம் செய்பவர்களுக்கு நற்கூலி வழங்குகிறான்” என்று கூறினார்கள்." (88 வது வசனம்)

இதில் பெருந்துயர் என்பது யூசுஃப் நபியவர்களை கிணற்றில் தள்ளி விட்டதால் நேர்ந்து விட்ட பெருந்துயர்.

சொற்பமான பொருள் என்பது தங்களின் இதயங்களில் இது வரை சேர்த்து வைத்திருந்த நன்மை இல்லாத உயர்வற்ற பொருள்

அளந்து கொடுங்கள் என்பது இத்தகைய நிலையில் அவர்களிருப்பதை பார்த்து யூசுஃப் நபியவர்களே அளந்து ஒரு முடிவு எடுக்க வேண்டும் என்பதையே அவர்கள் விருப்பமாக கொண்டது.

தானமாகவும் கொடுங்கள் என்பது அவர்களின் பாவங்களை போக்கி அவர்களை நல்லடியார்களின் நிலைக்கு உயர்த்துவதை குறிக்கும் சொல்

தன்னை உணர்ந்து விட்ட எவருக்கும் இறைவனிடமிருந்தும் இறையடியார்களிடமிருந்தும் மன்னிப்பும் கருணையும் உண்டு அல்லவா..?

வெறும் பொருளை தானமாக கேட்டவர்களுக்கு தெய்வநிலை சம்மந்தப்பட்ட மறுசீரமைப்பு (a complete spiritual restoration) எனும் பரிசை தானமாக தருகிறார்கள்.

அதற்கவர், “இன்று உங்கள் மீது எவ்விதக் குற்றச்சாட்டும் இல்லை; அல்லாஹ் உங்களை மன்னித்தருள்வானாக! அவனே கிருபையாளர்களிலெல்லாம் மிக்க கிருபையாளனாக இருக்கின்றான்” என்று கூறினார். (92வது வசனம்)

3

யூசுஃப் நபியவர்களின் சகோதரர்களுக்கு மன்னிப்பு கிடைப்பதற்கு முன்னர் அவர்கள் தமது தவறை உளப்பூர்வமாக உணர்ந்தார்கள்.

அதற்கவர்கள் “அல்லாஹ்வின் மீது ஆணையாக! நாங்கள் உமக்குத் தவறு இழைத்தவர்களாக இருந்தும், நிச்சயமாக அல்லாஹ் எங்களை விட உம்மை மேன்மையுடையவராகத் தெரிவு செய்திருக்கின்றான்” என்று கூறினார்கள்.(91 வது வசனம்)

தீயசக்திகளுக்கு கட்டுப்படும் நப்ஸ் அமாரா எனும் மனநிலையில் இருந்த யூசுஃப் நபியவர்களின் சகோதரர்களை யூசுஃப் நபியவர்கள் அவர்களின் தவறான செய்கைகளை உணர வைத்து தன் தவறுகளை உணரும், தனது நிலையிலையே குறை காணும் நப்ஸ் அல் லவ்வாமா எனும் உயரிய நிலைக்கு உயர்த்தி விட்டார்கள்.

அவர்களுக்கு இந்த மனநிலை வந்து விட்டது என்பது அல்லாஹ்வின் ஆதரவு அவர்களுக்கு கிட்டும் என்று அவர்கள் அவர்களின் தந்தை யாகூப் நபியால் சொல்லப்பட்ட கீழே வரும் வசனம் உறுதிப்படுத்துகிறது

“என் மக்களே! (மீண்டும் மிஸ்ருக்கு) நீங்கள் செல்லுங்கள்! யூஸுஃபையும் அவருடைய சகோதரரையும் தேடி விசாரியுங்கள்; (நம்மைத் தேற்றும்) அல்லாஹ்வின் அருளைப் பற்றி நம்பிக்கை இழக்காதீர்கள். ஏனென்றால் நிச்சயமாக காஃபிர்களின் கூட்டத்தைத் தவிர (வேறுயாரும்) அல்லாஹ்வின் அருளைப்பற்றி நம்பிக்கை இழக்கமாட்டார்கள்” என்றும் கூறினார்." (87 வது வசனம்)

உண்மையை உளப்பூர்வமாக உணர்ந்து கொண்ட நிலையில் அவர்கள் யூசுஃப் நபியிடம் பணிவை ஒப்புக் கொண்டதை குறிப்பிடும் போது 'சுஜ்ஜதன் - சிரம் பணிதல்' என்ற பதத்தை இறைவன் பயன்படுத்துகிறான்

"இன்னும், அவர் தம் தாய் தந்தையரை அரியாசனத்தின் மீது உயர்த்தி (அமர்த்தி)னார்; அவர்கள் (எல்லோரும்) அவருக்கு (மரியாதை செலுத்தியவர்களாகச்) சிரம் பணிந்து வீழ்ந்தனர்; அப்போது அவர் (தம் தந்தையை நோக்கி), “என் அருமை தந்தையே (யா அபதி எனும் அரபி பதம்)! இது தான் என்னுடைய முந்தைய கனவின் விளக்கமாகும்; அதனை என் இறைவன் உண்மையாக்கினான்; மேலும், அவன் என்னைச் சிறைச்சாலையிலிருந்து வெளியாக்கியதுடன் எனக்கும் என் சகோதரர்களுக்குமிடையில் ஷைத்தான் பிரிவினையை உண்டு பண்ணி விட்ட பின்னர் உங்களை கிராமத்திலிருந்து கொண்டு வந்ததன் மூலம் அவன் நிச்சயமாக எனக்குப் பேருபகாரம் செய்துள்ளான்; நிச்சயமாக என் இறைவன், தான் நாடியவற்றை மிக நுட்பமாகச் செய்கிறவன், நிச்சயமாக அவன் (யாவற்றையும்) நன்கறிந்தவன்; மிக்க ஞானமுள்ளவன்” என்று கூறினார்." (100 வது வசனம்)

இதே 'சுஜ்ஜதன்' எனும் பதம் உதாரணத்திற்கு குரான் ஷரீஃபில் பிறிதொரு இடத்தில் வருவதை கவனிப்போம்

19 வது மர்யம் எனும் அத்தியாயம் 58 வது வசனம்

".. அர்ரஹ்மானுடைய வசனங்கள் அவர்களின் மீது ஓதப்பட்டால், அவர்கள் அழுதவர்களாகவும், ஸுஜூது செய்தவர்களாகவும் விழுவார்கள்."

முன்னர் யூசுஃப் நபியவர்களின் சகோதரர்களும் யூசுஃப் நபியவர்களின் வழிகாட்டுதலின் மூலமாக தங்களுக்குள் ஏற்பட்ட மாற்றத்தை அனுபவித்தார்கள். அவர்கள் யூசுஃப் நபியவர்களை தெய்வநிலை சார்ந்த தங்களை மறுசீரமைத்த ஒரு குருவாக அடையாளம் கண்டு கொண்டார்கள். அதற்கு நன்றி செலுத்தும் விதமாக யூசுஃப் நபியவர்களிடத்தில் தங்களுடைய பணிதலை ஒப்புக் கொண்டு சிரம் பணிந்தார்கள்.

4

யூசுப் நபியவர்கள் இந்த அத்தியாயத்தின் ஆரம்பத்தில் தான் கண்ட கனவை தனது அருமை தந்தையரிடம் சொல்லும் போது தந்தை தனது அருமை மகனாருக்கு கீழே வருமாறு அருளுரை வழங்குகிறார்கள்..

"இவ்வாறு உன் இறைவன் உன்னைத் தேர்ந்தெடுத்து கனவுகளின் விளக்கத்தை உனக்குக் கற்றுக்கொடுத்து அவனுடைய அருளை உன் மீதும், யஃகூபின் சந்ததியார் மீதும் நிரப்பமாக்கி வைப்பான் - இதற்கு முன்னர் உன்னுடைய மூதாதையராகிய இப்றாஹீம், இஸ்ஹாக் (ஆகிய) இருவர் மீதும் தன் அருளை அவன் நிரப்பமாக்கி வைத்தது போல், நிச்சயமாக உம் இறைவன் யாவற்றையும் நன்கறிந்தோனும், மிக்க ஞானமுடையவனுமாக இருக்கின்றான்.”(6 வது வசனம்)


யாகூப் நபி அவர்கள் அப்போது (6 வது வசனம்) சொன்னதை யூசுஃப் நபியவர்கள் வெறும் வார்த்தையால் நம்பியதை பல வருடங்கள் கழித்து பிரிந்த குடும்பம் ஒன்று சேர்ந்த போது தான் அனுபவப்பூர்வமாக உணர்ந்து புரிந்து கொள்கிறார்கள் (101 வது வசனம்). அந்த அனுபவத்தின் வெளிப்பாடு தான் கீழே உள்ள யூசுஃப் நபிகளின் மொழிகள்

"என் இறைவனே! நிச்சயமாக நீ எனக்கு அரசாட்சியைத் தந்து, கனவுகளின் விளக்கங்களையும் எனக்கு கற்றுத்தந்தாய்; வானங்களையும் பூமியையும் படைத்தவனே ("ஃபாத்திர் எனும் அரபு வார்த்தை - பிரித்தவன் என்ற நேரடி பொருளை கொண்டது)! இம்மையிலும் மறுமையிலும் நீயே என் பாதுகாவலன் (வலி எனும் அரபு வார்த்தை - Which means Proximate loving guardian); ...." (101 வது வசனம்)

யூசுஃப் நபியவர்கள் இறைவனிடத்திலே நன்றி பெருக்குடன் கூறும் போது நீயே எனது இந்த Material Universe எனப்படும் துனியாவிலும் Spiritual World எனப்படும் ஆஹிரத்திலும் நீயே எனது வலி என்று கூறுகிறார்கள்.

இந்த வசனத்தில் வரும் ஃபாத்திர் எனும் வார்த்தையை பயன்படுத்தியதன் மூலம் யூசுஃப் நபியவர்களின் வாழ்க்கை பற்றிய முடிவு செய்யப்பட்ட செய்திகளை யூசுஃப் நபியவர்களை தேர்ந்தெடுத்து கனவுகளின் விளக்கம் எனும் வழிகாட்டுதலை கொண்டு 6 வது வசனத்தில் உறுதிப்படுத்தப்பட்ட வாழ்க்கையை 100 வது வசனத்தில் மிகவும் நுட்பமாக இறைவன் நிறைவேற்றியுள்ளான்.

மேலும், யூசுஃப் நபியவர்கள் ஹக்கை அனுபவப்பூர்வமாக உணர்ந்து கொண்ட இந்த உன்னத நிலையிலேயே தன்னை கைப்பற்றி விடும்படியும் நல்லடியார் கூட்டத்தில் தன்னை சேர்த்து விடும் படியும் இறைஞ்சுகிறார்கள்.

".. முஸ்லிமாக (உனக்கு முற்றிலும் வழிபட்டவனாக இருக்கும் நிலையில்) என்னை நீ கைப்பறறிக் கொள்வாயாக! இன்னும் நல்லடியார் கூட்டத்தில் என்னைச் சேர்த்திடுவாயாக!” (என்று அவர் பிரார்த்தித்தார்.)" (101 வது வசனம்)

மனிதர்கள், அதிகாலை, ஏகத்துவம் - குரான் ஷரீஃப்

குரான் ஷரீஃப்

... மேலும் குர்ஆனைத் தெளிவாகவும், நிறுத்தி, நிறுத்தியும் ஓதுவீராக.

...and recite the Qur’an in slow, measured rhythmic tones.

74 வது அத்தியாயம் ஸூரத்துல் முஸ்ஸம்மில் (போர்வை போர்த்தியவர்)
4வது வசனம்

*****************************************************************************

ஸூரா நாஸ் (நாஸ் - மனிதர்கள்)

114:1 (நபியே!) நீர் கூறுவீராக: மனிதர்களின் இறைவனிடத்தில் நான் காவல் தேடுகிறேன்.

114:2 (அவனே) மனிதர்களின் அரசன்;

114.3 (அவனே) மனிதர்களின் நாயன்.

114.4 பதுங்கியிருந்து வீண் சந்தேகங்களை உண்டாக்குபவனின் தீங்கை விட்டும் (இறைவனிடத்தில் நான் காவல் தேடுகிறேன்).

114.5 அவன் மனிதர்களின் இதயங்களில் வீண் சந்தேகங்களை உண்டாக்குகிறான்.

114.6 (இத்தகையோர்) ஜின்களிலும், மனிதர்களிலும் இருக்கின்றனர்.



*******************************************************************************************************


ஸுரா ஃபலக் (ஃபலக் - அதிகாலை)

113.1 (நபியே!) நீர் சொல்வீராக: அதிகாலையின் இறைவனிடத்தில் நான் காவல் தேடுகிறேன்.

113.2 அவன் படைத்தவற்றின் தீங்கை விட்டும்-

113.3 இருள் பரவும் போது ஏற்படும் இரவின் தீங்கை விட்டும்-

113.4 இன்னும், முடிச்சுகளில் (மந்திரித்து) ஊதும் பெண்களின் தீங்கை விட்டும்,

113.5 பொறாமைக்காரன் பொறாமை கொள்ளும் போதுண்டாகும் தீங்கை விட்டும் (காவல் தேடுகிறேன்).







**********************************************************************

ஸூரா அல்-இக்லாஸ் (அல்-இக்லாஸ் - ஏகத்துவம்)

112.1 (நபியே?!) நீர் கூறுவீராக: அல்லாஹ் அவன் ஒருவனே.

112.2 அல்லாஹ் (எவரிடத்தும்) தேவையற்றவன்.

112.3 அவன் (எவரையும்) பெறவுமில்லை; (எவராலும்) பெறப்படவுமில்லை.

112.4 அன்றியும், அவனுக்கு நிகராக எவரும் இல்லை.






**********************************************************************************************************

கொண்டாடுவோம்! நோன்பின் மாதம் நம்மிடையே வந்துள்ளது - மௌலானா ஜலாலுத்தின் ரூமி (ரஹ்)

Celebrate! The month of fasting has come.
Pleasant journey to the one
Who is the company of the fasting.

I climbed the roof to see the moon,
Because I really missed fasting
By heart and soul.

I lost my hat while looking at the Moon.
the Sultan of fasting made me drunk.

O Muslims, I have been drunk
since that day I lost my mind.
What a beautiful fortune fasting has. What a wonderful glory.

There is another secret moon
Besides this one.
He is hiding in the tent of fasting
Like a Turk.

Anyone who comes
To the harvest of fasting in this month
Finds the way to this Moon.

Whoever makes his face
Resemble pale satin
Wears the silk clothes of fasting.

Prayers will be accepted in this month.
Sighs of the one fasting pierce the sky.

The person who sits patiently
At the bottom of fasting’s well
Owns the love of Egypt, like Joseph.

O the word which eats the Sahur* meal,
Be silent so that anyone
Who knows fasting will enjoy fasting.

Come, O Shems, the brave one
Of whom Tebriz is proud.
You are the commander of fasting’s soldiers.

*Sahur: Meal before dawn during Ramazan fast.

– Ghazal No. 2344 from the Divan-e Shams-e Tabrizi
Translated by Nevit Ergin
(from the Turkish translation of the original
Persian by Golpinarli)
“Mevlana Jelaleddin Rumi: Divan-i Kebir,”
Volume 18, 2002.

Courtesy

வயிற்றின் வெறுமையில் மறைவான இனிமை உள்ளது - மௌலானா ரூமி (ரஹ்) அவர்களின் ஞானம்

நோன்பை பற்றி மௌலான ரூமி (ரஹ்):

What sweetness lies in an empty stomach!
Man is like a lute: no more, no less.
If the lute is full
it cannot sing a high or low note.

If your mind and stomach
burn with the fire of hunger
it will be like a heavenly song for your heart.
In each moment that fire rages
It will burn away a hundred veils
And carry you a thousand steps
toward your goal.

Be empty
and weep with the fullness of the reed flute.
Be empty
and discover the mysteries of the reed pen.

If your belly is full on the day you are called
pain will come instead of freedom,
worldly cares will come instead of paradise.
When you fast, good qualities will gather round you
like faithful friends and servants.

Don’t break the fast
for it is Solomon’s Seal.
Don’t give the Seal to harmful spirits.
Don’t destroy your kingdom with a full belly.

Even in your kingdom falls
and your armies abandon you,
keep the fast.

Soon they will return
with their banners high in the air.
I say, by the prayer of Jesus,
Heaven’s Table will come to your fasting tent.

Fast and remember that the abundance
of Heaven’s Table will soon be yours -
And I assure you,
the food on that Table
is better than cabbage soup!

– Version by Jonathan Star
“Rumi – In the Arms of the Beloved”
Jeremy P. Tarcher/Putnam, New York 1997

(Lute - யாழ் எனும் இசைக் கருவி; இறைவன் ஆதம் (அலை) அவர்களை படைத்த பிறகு தன்னுடைய ரூஹை (divine breath) ஆதம் (அலை) அவர்களிடத்திலே ஊதினான் - அதனால் தான் ரூமி அவர்கள் நம்மை யாழ் எனும் இசைக் கருவியை உவமானமாக கூறுகிறார்கள், யாழ் எனும் அந்த கருவி hollowவாக இருக்கும் - அதனை வாசிப்பவர் அவருடைய காற்றை ஊதும் போது செவிக்கினிய இசையாக வெளிப்படுகிறது - ஆகவே மனிதனே நீ நோன்பிருந்து உடலை hollowவாக்கு இறைவனின் ரூஹூ உடலில் பயணித்து உன்னிலிருந்து அற்புதங்களாக பேரனுபவமாக (இங்கே இசை) வெளியாகும் என்கிறார்கள் ரூமி (ரஹ்) அவர்கள்)


(Prayer of Jesus -
குரான் ஷரீஃப் - ஸூரத்துல் மாயிதா (ஆகாரம் அல்லது உணவு மரவை 5வது அத்தியாயம்:114வது வசனம்)
மர்யமுடைய மகன் ஈஸா, “அல்லாஹ்வே! வானத்திலிருந்து எங்கள் மீது ஓர் உணவு மரவையை இறக்குவாயாக; அது எங்களுக்கு - எங்களில் முன்னவர்களுக்கும், எங்களில் பின் வருபவர்களுக்கும் ஒரு பெருநாளாகவும், உன்னிலிருந்து ஓர் அத்தாட்சியாகவும் இருக்கும்; இன்னும் எங்களுக்கு உணவுப் பொருட்களை அளிப்பாயாக; நீயே உணவளிப்பவர்களில் மேலானவனாக இருக்கிறாய்” என்று (பிரார்த்தித்துக்) கூறினார்.)


~ Rumi ~


Ghazal No. 1739 from the Divan-e Shams-e Tabrizi


. Salutation of peace, salaam to the noble soul of Maulana Jalaluddin Rumi (Rah) .


**************************************************************
தஸவ்வுஃப் இஸ்லாத்தின் அடிநாதமாகும். இதனை பற்றி அறியவும் பற்றி பிடிக்கவும் ஒரு இணைப்பு - படித்து பயன்பெறலாம்


Link About Tasawwuff:
 
http://books.themajlis.net/node/538

************************************************
சகோதரர்கள் அனைவரும் இதயங்கனிந்த இனிய ரமலான் நல்வாழ்த்துகள்

***********************************************************

திராவிஹ் தொழுகை - மௌலவி ஹஜ்ரத் எஸ்.அப்துல் வஹ்ஹாப் பாகவி அவர்கள்

ஹமீது ஜாபர் நானாவிற்கு நன்றி:

எங்களது ஹஜ்ரத் அவர்களின் பேச்சை எழுத்தில் பதிவு செய்ததோடு எனக்கு பதிவிட கொடுத்து அனுப்பி உதவிய ஹமீது ஜாஃபர் நானா அவர்களுக்கு ஜஜாகல்லாஹ் ஹைர்..

*******************************************************

எங்கள் ஹஜ்ரத் அவர்களை பற்றி:

அவர்கள் யாரையும் பார்க்க வேண்டும் என்று இவ்வளவு பிராய்சைப்பட்டு நான் பார்த்ததேயில்லை.எல்லோரும் அவர்களை பார்க்க தான் காத்திருப்பார்கள்.

ஆனால் அவர்கள் அன்று ஒரு நபரை பார்க்க வேண்டும், பேச வேண்டும் என விடாப் பிடியாக நின்றார்கள்.

’நீங்கள் அவர்கள் வீட்டிற்கு சென்றால் அவர்களது வீட்டில் உட்காருவதற்கு கூட நல்ல வசதி இருக்காது’ என்று சொல்லப்பட்டது

‘பரவாயில்லைப்பா.. நான் பார்க்க வேண்டும்.. ஏற்பாடு செய்’ என்ற பதிலே அவர்களிடமிருந்து வந்தது

கண்டிப்பாக பார்த்தே ஆக வேண்டும் என ஆசைப்பட்டவர் வேறு யாருமல்ல ஜஸ்டிஸ் மு.மு.இஸ்மாயில் அவர்கள் தான்

அவர்கள் பார்க்க விரும்பிய நபர் எங்களுடைய ஹஜ்ரத் அவர்களை.

அப்படி எதனால் ஜட்ஜப்பாவுக்குஎங்கள் ஹஜ்ரத்தை பார்த்தே தீர வேண்டும் என்ற ஆவlல் ஏற்பட்டது..?

வேறு ஒன்றுமில்லை, எங்கள் மரியாதைக்குறிய ஹஜ்ரத் அவர்கள் எழுதிய ‘தர்க்கத்துக்கு அப்பால்’ என்ற நூலை படித்து பிரம்மித்து போனது தான் காரணம்.

கடைசியாக சந்திப்பு நிகழ்ந்தது எங்களது சின்னாப்பா வீட்டில் அதை பற்றியெல்லாம் எனது ஜட்ஜப்பா தொடரில் இன்ஷா அல்லாஹ் இடம் பெறும்.

இன்னொரு சமயம் எங்களது வீட்டில் எங்களது பாட்டியாவின் மையித்திற்கு சென்னையிலிருந்து வந்த ஜட்ஜப்பா அவர்கள் கேட்டார்கள், ‘உங்க ஹஜ்ரத் இப்போது ஏதாவது புஸ்தகம் எழுதியிருக்கிறாஹலா..?’ என்று

கற்றாரை கற்றாரே காணுறுவர் என்பார்களே அதை போல் ஹஜ்ரத் அவர்களை கண்டு கொண்டதனாலேயோ என்னவோ எங்கள் ஹஜ்ரத் அவர்கள் மீது ஜட்ஜப்பா மிகுந்த மரியாதை கொண்டிருந்தார்கள்.

*********************************************************
தர்க்கத்து அப்பால் எனும் நூலிலிருந்து..

இதே மூலத்திலிருந்து வினைச் சொல்லாக வந்திருப்பது ‘அன்ஸல்னா’ எனும் வார்த்தை, ‘இறக்கினோம்’ என்பது இதற்கு நேரடியான மொழி பெயர்ப்பு.

இந்த வார்த்தை பிரயோகிக்கப்படுகிற இறை வசனம் ஒன்றை உதாரணத்திற்கு எடுத்துக் கொள்வோம்.

       ”நாம் தெளிவான குர் ஆனை இறக்கினோம்.”

இந்த இறைவசனத்திற்கு எப்படிப் பொருள் கொடுக்க வேண்டும் என்பதை நான் எடுத்துக் கூற வேண்டியதில்லை, இது வரை நான் சொன்ன செய்திகளை நீங்கள் ஓரவளவேனும் உணர்ந்திருந்தால் இந்த இறைவசனத்துக்குறிய உண்மையான அர்த்தத்தைத் தெரிந்து கொள்வது சிறிதும் சிரமமில்லாத காரியமாகும்.

திருக்குர்ஆன் என்பது பெருமானாருக்கு இறைவனால் கொடுக்கப்பட்ட ஒன்று என்பது இஸ்லாத்தின் கொள்கை. ஆனால் அது ஏழாவது வானத்திலிருந்து இறைவனால் இறக்கி வைக்கப்பட்டது என்று கூறுவது உண்மைக்கு எதிரானது மட்டுமல்ல, ‘இறைவன் எங்கும் நிறைந்தவன்’ எனும் அடிப்படைக் கருத்துக்கு களங்கம் விளைவிப்பதாகும்.

எனவே ‘இறக்கினோம்’ என்ற வார்த்தைக்கு ‘கொடுத்தோம்’ என்றோ ‘அளித்தோம்’ என்றோ பொருள் கொடுக்கிறோம்.

*************************************************************

திராவிஹ்
மௌலவி எஸ். அப்துல் வஹ்ஹாப் பாகவி 

திராவிஹ் தொழுகை எட்டு ரக்காஅத்துதான், இருபது ரக்காஅத் தொழுதார்கள் என்று சர்ச்சைகள் நடந்துக்கொண்டிருக்கின்றன. புத்தகங்கள் மூலமாகவும் தொலைக்காட்சி மற்றும் பத்திரிக்கைகள் போன்ற மிடீயாக்கள் மூலமாகவும் விவாதங்கள் நடக்கின்றன. ஒரு சமயம் நிரூபித்தால் ரூ. 5000 தருகிறேன் என்று துண்டு பிரசுரங்கள்கூட  அனுப்பியிருந்தார்கள்.

திராவிஹ் உண்டு என்பதற்கும் திராவிஹ் இல்லை என்பதற்கும் ஆதாரம் புகாரி, முஸ்லிமிலுள்ள ஹதீஸ்தான். மொத்தம் 13 ஹதீஸ் இருக்கின்றன அந்த தலைப்பில்.  அதற்கு இமாம் புகாரி(ரஹ்) அவர்கள் போட்டத் தலைப்பு “சலாத்துத் திராவிஹ்”. அதிலுள்ள ஹதீஸ்களில் ஒன்று நான்கு ரக்கஅத் தொழுதார்கள் என்பது. அன்னை ஆயிஷா(ரலி) சொன்னார்கள், அப்துர் ரஹ்மான் பின் அபு ஸலாமா என்ற சஹாபி கேட்டதற்கு, “நான்கு ரக்கஅத்துக்கள் தொழுவார்கள், அதன் நீட்டத்தைப் பற்றியும் அதன் அழகைப் பற்றியும் கேட்காதிர்கள்.” கேட்காதீர்கள் என்றால் கேட்கக்கூடாது என்ற அர்த்தமல்ல; நாம் சொல்வதில்லையா! அந்த அழகு இருக்கிறதே அதை கேட்காதீர்கள் என்பதில்லையா, என்ன அர்த்தம்? சொல்ல வார்த்தை இல்லை என்று அர்த்தம். “அப்புறம் நான்கு ரக்கஅத் தொழுவார்கள், அப்புறம் மூன்று ரக்கஅத் (வித்று) தொழுவார்கள். இது ராத்திரியில் நடு சாமத்திற்குப் பிறகு சில நேரங்களில் சாவல் கூவுவதற்குமுன் தொழுவார்கள்.” (புகாரி: 1147)
http://www.tamililquran.com/bukharisearch.php?q=%E0%AE%A4%E0%AF%8A%E0%AE%B4%E0%AF%81%E0%AE%95%E0%AF%88&Submit=%E0%AE%A4%E0%AF%87%E0%AE%9F%E0%AF%81%E0%AE%95

அப்பொ, அப்துர் ரஹ்மான், “கைஃப கான சலாத்துன் நபி ஃபில் ரமலான்” என்று கேட்டார்கள். ரசூலல்லாஹ் தொழுகை ரமலானில் எப்படி இருந்தது? என்று பொருள். எங்களுக்குத் தெரியாமல் உங்களுக்குத் தெரிந்தமாதிரியுள்ள செய்தி என்ன என்றுதானே அர்த்தம்? ரசூலல்லாஹ்வின் நடை, உடை, பாவனைத் தெரியும், ரசூலல்லாஹ்வின் குடும்ப வாழ்க்கை எப்படி இருந்தது என்று தெரியுமா? இதை யாரிடம் கேட்கவேண்டும்? ஆயிஷா நாயகிடம்தான் கேட்கவேண்டும். ரசூலல்லாஹ் எப்படி உறவு வைத்தார்கள்; அவர்களுடைய இல்லற வாழ்வு பற்றிய ஹதீஸெல்லாம்  ஆயிஷா நாயகியிடமிருந்து வந்ததுதான்.

ஆயிஷா நாயகியை அணைத்து முத்தமிட்டுக்கொண்டிருந்தார்கள், பாங்கு சொன்னவுடன் அப்படியே விட்டுவிட்டு தொழுதார்கள், ஒலு செய்யமல். அப்படியானால் அணைத்தால், முத்தமிட்டால் ஒலு முறியாது.  சாதாரணமாக உணர்ச்சி வந்தால்; குறி எழுந்து நின்றால் ஒலு முறியும். தெரிந்ததுதான் அதற்குமேல் ஆசை தண்ணீர் வழவழப்பு வந்துவிட்டால் பேச்சே இல்லை. அப்பொ ரசூலல்லாஹ் முத்தமிட்டது குழந்தையை முத்தமிட்டது மாதிரி முத்தமிட்டிருக்கிறார்கள். குழந்தையை முத்தமிட்டால் ஒலு முறியுமா?

இதை அப்படியே வைத்துக்கொண்டு இங்கே வாருங்கள். பொம்பிளைமேல் ஆம்பிளை கைப் பட்டாலும் ஆம்பிளைமேல் பொம்பிளை கைப் பட்டாலும் ஒலு முறிந்துவிடும் என்று பயான் பண்ணும்போது சொல்கிறார்கள். இதை விளங்கி சொல்கிறார்களா இல்லை விளங்காமல் சொல்கிறார்களா என்று புரியவில்லை. எப்படி கைப் பட்டால் ஒலு முறியும் என்று கேட்டால், “மஸ்” என்ற வார்த்தைக்கு தொடுவது என்று அர்த்தம். தமிழில்கூட பொருத்தமான வார்த்தை இருக்கிறது. அவன் ஒரு வீட்டில் கார் ஓட்டிக்கொண்டிருந்தான் மூனுபேர்மேலே கை வைத்துவிட்டான் என்றால் மூன்று பேரைக் கெடுத்துவிட்டான் என்று அர்த்தம். இங்கே தொடுவது என்பது உறவு வைப்பது என்று அர்த்தம். உறவு வைத்தால் ஒலு முறியத்தானே செய்யும். அதுதான் குர்ஆனில் ஆயத் இருக்கிறதே. அதை வைத்துக்கொண்டு தொடாதே தொடாதே என்று சொன்னால்..?

குர்ஆனுடைய ஆயத்துக்கு அப்படியே நேரடியாக அர்த்தம் பண்ணினால் சொல் சரியாக இருக்கும், ஆனால் அதை வைத்து வாழமுடியாது. வாழ்க்கையில் வரக்கூடிய எந்த பிரச்சினைக்கும் குர்ஆனில் பதில் கிடைக்காது. ‘தர்க்கத்துக்கு அப்பால்’ என்ற என் புத்தகத்தில் ஒரு வரி இருக்கிறது, “முதலடி நேரானால் முற்றும் நேராகும் என்று சொல்வது வழக்கம். ஆனால் அப்படி நேரான காரணத்தினால் பின்னால் அடுத்தடுத்த அடிகளும் நேராக வைக்கப்பட்டு லட்சியத்தை அடைந்துவிடுவான் என்று சொல்லமுடியாது. முதலடி நேராக வந்து இடையில் கோணிக்கொண்டு போகவும் முடியும். அதனால் முதலடி நேரானால் முற்றிலும் நேராகும் என்பது  தர்க்கரீதியானதல்ல.”

குர்ஆன் ஷரீஃபை நீங்கள் நேரடியாக அத்தம் பண்ணினால் அதனுடைய இலக்கிய நயத்தை உங்களால் மாற்ற முடியாது, கொண்டுவரமுடியாது. “இதா ஜுல்ஜிலத்துல் அர்ளு ஜில்ஜாலஹா..” இந்த அழகு, இந்த கோர்வை.. பூமி அதிர்ந்து நடுங்கும் நேரத்தில்; பூமி தன்னுடைய பாரங்களை எல்லாம் வெளியே தள்ளும் நேரத்தில் மனிதன் கேட்பான் இதற்கு என்ன வந்துவிட்டது என்று.  இதில் என்ன அழகு இருக்கிறது தெரியுமா? பூமி தன்னுடைய பாரங்களை எல்லாம் என்று சொன்னால் இலக்கியத்தில் மிக அழகான வார்த்தை. இந்த அழகை கவிதை ரீதியாக, இலக்கிய ரீதியாக குர்ஆன் ஷரீஃபை பார்க்கவேண்டும். அதல்லாமல் நீங்கள் நேரடியாக அர்த்தம் பண்ணினால்.. முட்டாள்தனம் என்று அர்த்தம்.

அப்புறம் “கைஃப கான சலாத்துன் நபியி ஃபில் ரமலான்..” அப்பொ ரமலானில் அவர்கள் என்ன செய்வார்கள் எப்படி இபாதத் பண்ணுவார்கள் என்று ஆயிஷா நாயகியிடம் கேட்டால் அது எதைப் பற்றியதாக இருக்கும்? ஜனங்களுக்குத் தெரியாத நேரத்தில் ஜனங்களுடைய பார்வைப் படாமல் செய்கிற இபாதத்தைப் பற்றிதான் கேட்டிருக்கவேண்டும். திராவிஹ்க்கு இரண்டுமூன்று நாட்கள்தான் வந்தார்கள் அப்புறம் வரவே இல்லை. தொடர்ந்து வந்தால் அது கடமை என்று ஆகிவிடும் இல்லையா? அதனால் வரவில்லை.

அப்பொ, நிச்சயமாக இரவில் தொழுகிற தொழுகை பற்றியதாகத்தானிருக்கும் கேள்வி. “காலத்த ஆயிஷா,” ஆயிஷா பதிலளித்தார்கள், எப்படி? “லா ஃபி ரமலான வலா ஃபி கைரிஹி..” ரமலானிலும் சரி மற்ற நாட்களிலும் சரி நான்கு ரக்கஅத் தொழுவார்கள், நீட்டத்தையும் அழகையும் கேட்காதீர்கள், அப்புறம் நான்கு ரக்கஅத் தொழுவார்கள், நீட்டத்தையும் அழகையும் கேட்காதீர்கள், அப்புறம் மூன்று ரக்கஅத் வித்று தொழுவார்கள். இது திராவிஹ் என்பதற்கு என்ன ஆதாரம் இருக்கிறது? ரமலானிலும் சரி மற்ற நாட்களிலும் சரி என்ற வார்த்தையிலிருந்து தெரிகிறது இது திராவிஹ் அல்ல என்று. ஏன்? மற்ற நாட்களில் திராவிஹ் கிடையாது.

உமர் இப்னு கத்தாப்(ரலி) அவர்கள் ரசூலல்லாஹ்வின் பக்கத்திலிருந்து கண்ணால் பார்த்துவிட்டு - 1500 வருஷத்திற்கு பிறகு இங்கே  உட்கார்ந்துக் கொண்டல்ல, பக்கத்திலிருந்து பார்த்துவிட்டு இப்போது நாம் தொழுதுக்கொண்டிருக்கும் முறையை, இருபது ரக்அத்தை கொண்டுவந்தார்கள்.

ரசூலல்லாஹ்வைப் பற்றி அவர்கள் பேசுவதை நம்புவதா? இல்லை நீங்கள் சொல்வதை நம்புவதா? பக்கத்திலிருந்து பார்த்தவர்கள் சொல்வதை நம்புவதா? நீங்கள் புத்தகத்துக்குப் புத்தகத்துக்குப் புத்தகத்துக்குப் புத்தகம் படித்ததை நம்புவதா? முல்லா நசுருதீன் கதை தெரியுமா? அவர் தன் நண்பனுக்கு சூப்பு போட்டுக் கொடுத்தார். அது சுவரில் ஒட்டும். அப்படிப்பட்ட அருமையான சூப்பு, அதை குடித்துவிட்டு அவர் தன் நண்பனிடம் சொல்ல; அவன் முல்லாவிடம் கேட்க, அதை கொடுக்க அவர் குடித்துவிட்டு சூப்பு நன்றாக இருக்கிறது ஆனால் என் நண்பன் சொன்னதுபோல் அவ்வளவாக சுவரில் ஒட்டவில்ல இருந்தாலும் குடிக்க நன்றாக இருக்கிறது. இதை அவன் தன் நண்பனிடம் சொல்ல இப்படி வருசையாக பல நண்பர்கள் குடிக்க கடைசியாக ஒருவன் கேட்க அவர் சுடுதண்ணீரில் கொஞ்சம் மிளகு தூளைப் போட்டுகொடுத்தார். அதை குடித்துவிட்டு சூப்பு சுவரில் ஒட்டவில்லையே என்று சொல்ல, நீங்கள் யார் என்று முல்லா கேட்க, நான் உங்கள் நண்பனுக்கு நண்பனுக்கு நண்பனுக்கு நண்பனுக்கு நண்பனுக்கு நண்பன். அப்படியா! இது சூப்புக்கு சூப்புக்கு சூப்புக்கு சூப்புக்கு சூப்புக்கு சூப்புக்கு சூப்புக்கு சூப்புக்கு சூப்புக்கு சூப்பு என்றாராம்.

இதே 13 ஹதீஸ் முஸ்லிமில் இருக்கிறது. ஆனால் முஸ்லிம்(ரஹ்) அதற்கு என்ன பெயர் வைத்திருக்கிறார்கள் தெரியுமா? “பாபுல் இஹ்யாவுல் லைல்”- இரவுக்கு உயிர் கொடுக்கிற பாடம்.  உயிர் கொடுக்கிற பாடம் என்றால் இரவு இபாதத்து, இரவு தொழுகை. இமாம் புகாரி(ரஹ்) “சலாத்துத் திராவிஹ்” என்று தலைப்பு கொடுத்துள்ளார்கள். இமாம் அவர்கள் இந்த தலைப்பை போட்டார்களா அல்லது அவர்களுக்குப் பின்னால் வந்தவர்கள் போட்டார்களா  என்ற செய்தி கிடையாது. இதுதான் திராவிஹ் பற்றிய செய்தி. திராவிஹ் இருபது ரக்கஅத்துதான். இதில் எந்த மாற்றமும் கிடையாது. மக்காவிலும் மதினாவிலும் இருபது ரக்கஅத்துதானே தொழுகிறார்கள். சிந்தித்துப் பார்க்கும் திரனில்லாததுதான் காரணம்.

---o0o---

சமி யூசுஃப்

சமி யுசுஃபின் அஃபிசியல் வெப்சைட் -
http://www.samiyusufofficial.com/

சமி யுசஃபை பற்றி விக்கிபீடியாவில்
http://en.wikipedia.org/wiki/Sami_Yusuf

சமி யுசுஃபின் தேனினும் இனியவை:

ரமலான் - do's and don'ts

அது என் சொந்தக்காரர் தான்.. (சிறுகதை)

வெளிநாட்டிலிருந்து ஒருத்தர் ஊருக்கு வருகிறார் என்றால் அவரை ஏர்போர்ட்டுக்கு போய் இறக்கிட்டு வருவதும் வந்தவுடன் பொட்டி பிரிப்பதுமென ஊடே (வீடே) அல்லோலகல்லோலப் படும். 

அப்படி தான் என்னை என்னோட சொந்தக்காரர் ஒருத்தர் தன்னோட மகன் வெளிநாட்டிலிருந்து வருவதாக கூறி பஸ்ஸில் டிக்கெட் எடுத்துகிட்டு கூட்டிட்டு போனார். அவரு கிட்டே இருக்கிற காசுக்கும் பணத்துக்கும் அவர் கார அல்லது வேன புடிச்சேஎன்னய கூட்டிட்டு போவலாம். ஆனா அவருக்கு இருக்கிற மனசுக்கும் மூளைக்கும் பொடி நடையா கூட்டிட்டு போனாலும் ஆச்சர்யப்படுறதுக்கு இல்லை..!

என்னய கூட்டிட்டு போய் அவரோட சொந்தகாரங்க எடத்துல தங்க வைச்சார். நான் தங்கியது அவரோட சொந்தக்காரரின் வீடு எல்லாம் கிடையாது. அது ஏதோ குடோன் மாதிரின்னு வச்சுக்குங்களேன். அங்கே தான் தரையில் பழைய பாயில் என்னை படுக்க சொன்னார். இரவு சாப்பாடு.. அந்த சொந்தகாரர் கொடுத்த ரொட்டி எனும் புண்ணியத்துல கால் வயித்த ரொப்பியாச்சு.. அல்ஹம்துலில்லாஹ்..!

அடுத்த நாள் காலைல.. தேத்தணி குடிச்சதோட என்னய பஸ்ஸுல ஏத்தி ஏர்போர்ட்டுக்கு கூட்டிட்டு போய் உட்கார வச்சார். நம்ம ஊர் விமானம் என்னக்கி சொன்ன நேரத்துக்கு வந்திருக்கு. அது எப்போதுமே விழாவுக்கு வர்ர விஐபி ங்க மாதிரி லேட்டா தான் வரும். டிவில போட்டுட்டான், ஃபிளைட் 4 மணி நேரம்.. லேட்.. 


10 30 அல்லது 11 மணிக்கு வர வேண்டிய பிளைட் 3 மணியாகியும் இன்னும் தரையிரங்கலை.. 


இது இப்படியே இருக்கட்டும்.. ஒரு சின்ன பிளேஷ் பேக்..


சின்ன வயசுல நாகூரிலிருந்து காரைக்காலுக்கு போற வழியில இருக்கிற மேலப்பள்ளியில எனக்கு பூட்டியா முறை வேண்டும் அவர் தங்கியிருந்த போது, காரைக்கால் வாசியான அவர்களை போய் பார்த்து விட்டு காரைக்காலில் உள்ள சாந்தி தியேட்டர்ல சிவாஜி நடிச்ச ‘என் மகன்’ படம் பார்க்க போவதாக பிளேன்.


எங்க பூட்டியா மேலபள்ளியில நேந்துகிட்டு வந்து தங்கியிருக்காஹா.. ஆனாலும் நாங்க போனோம்னு சொல்லி உடனே அங்கே இருந்த புள்ளைங்கள வுட்டு கடைல போய் காரம் வகைலேந்து இனிப்பு வகைலேந்து இன்னும் என்னென்னமோ வாங்கிட்டு வந்து நாளாம் நீருக்கு மாப்பிள்ளைக்கு பரத்துர மாதிரி பரத்திட்டாஹா..


நான் என்னா செய்யணும், என் தட்டுல வச்சிருக்கிறத பாதி மட்டும் சாப்டுட்டு மீதிய அப்டியே வச்சிருந்தா எனக்கும் விஜயகாந்த நடிச்ச மரியாதையும் சிவாஜி நடிச்ச கவுரவமும் கெடைச்சிருக்கும்


நான் என்னா செஞ்சேன், என் தட்டுல உள்ளதயும் திண்டுட்டு.. எங்க ம்மா தட்டுல உள்ளதயும் திண்டுட்டு.. ‘ம்மா இன்னும் கொஞ்சம்..’ என்று சொல்லியிருக்கேன்.. 


எங்க பூட்டியா, ‘புள்ள என்னா சொல்றாரும்மா..’ என்று கேட்டு வைக்க..


எங்க ம்மா ‘ஒண்ணுமில்லம்மா..’ என்று சொல்லி விட்டு தேத்தணிய கொடுத்து ‘இத குடி’ ண்டாஹா


நான் அதையும் குடிச்சிட்டு ‘இன்னும் கொஞ்சம்’ என்று கேட்ட வாசி எங்க ம்மா அஹ குடிக்க வச்சிருந்த டீயையும் கொஞ்சம் ஊத்தி கொடுத்திருக்காஹா.. நான் அதுலயும் சொட்டு கூட வுட்டு வைக்காம குடிச்சி முடிச்சிட்டு ‘ம்மா.. இன்னும் கொஞ்சம்’ என்று கேட்டதற்கு தேத்தணி கிளாஸ்ல கடைசில இருக்கும்ல ‘மண்டி’ன்னு சொல்வாஹா எங்க ஊர்ல, அத ஊத்தி கொடுத்து ‘குடி’ண்டாஹா..


புள்ள அதயும் குடிச்சிட்டு ‘இன்னும் கொஞ்சம்’ண்டு கேட்டிருக்கு.. ம்மாக்கு வந்துச்சு ஆத்திரம்.. தொடையை புடிச்சு ஒரு திருவு.. வச்சேன் அழுவை(கை)ய.. 


எங்க பூட்டியா, ‘ஏன்.. ஏன்’னு ஓடி வந்து என்னய சமாதானப்படுத்தி ஒரு வழியா அழுகையை நிறுத்தினாஹா..


அதன் பிறகு ஏன்னே தெரியல.. கார்ல வச்சு.. எனக்கு சரி ஏச்சு.. சரி கில்லு.. சரி அடி..


அப்படி என்ன நான் தப்பா சொல்லிட்டேன், ‘சீக்கிரமா வாங்க.. படம் போட்டுற போறான்..’ ண்டு தானே சொன்னேன்.. இதுக்கு போய் ஏன் என்னய அந்த ரேஞ்சுக்கு அடிக்கணும்.. ஏசணும்..


சரி.. சரி.. 


விட்ட இடத்திலிருந்து தொடர்வோம்..


இப்படியா பட்ட நான், காலைலேந்து பல்லு வெளக்குன போது வாய்ல பட்ட பச்ச தண்ணியோட உட்காந்து இருக்கேன்.. என் வயிறு கடுமையா கூவ ஆரம்பிச்சுடிச்சு..


அந்த சொந்தக்காரர் ’சாப்பிடலாமா’ன்னு வந்து கேட்டாக்கா.. உடனே ‘பசிக்கிது’ன்னு சொல்லி நல்லா ஒரு புடி புடிக்கணும்னு நெனைச்சிகிட்டு அந்த சொந்தகாரரை தேட ஆரம்பிச்சேன்..


தேடுனப்போ வராம ஃபிளைட்ட மாதிரியே லேட்டா தான் வந்தார்.. வந்து என் பக்கத்துல ஒக்காந்தார், ஒக்காந்தவர் வாய தொறந்தார், ‘பெரிய ஆச்சர்யம் தம்பி.. கொஞ்சம் கூட பசிக்கவே இல்ல பாருங்களேன்..’ என்றாரே பார்க்கலாம்


நான் மனசுக்குள், ‘யோவ்.. யோவ்.. பசியே இல்லையா.. இப்போ எனக்கு இருக்கிற கொல பசிக்கி பழைய சோற கொடுத்தாலே மறு சோறு வாங்கி கேட்டு வெறும் மொளவு தண்ணிய (ரசம்) மட்டுமே ஊத்திகிட்டு ஒரு மரவ நெறயா உண்பேனய்யா.. யோவ்.. இதுலாம் அநியாயம்யா.. காசு பணம் இல்லேன்னா சரிங்கலாம்.. நீயெல்லாம் இப்படி பண்றியேய்யா..’ 


நான் நேரில், ‘ஆமா.. பசியே இல்ல.. ஆனா இதுல ஆச்சர்யம் ஒண்ணுமில்ல..’ என்றேன்..


அதனை தொடர்ந்து அவர் மகனார் வந்து அவர்ட சாமானெல்லாம் நானும் சேர்ந்து தூக்கி ஆட்டோ புடிச்சு நேரா ஏர்போர்ட்டிலிருந்து பஸ் ஸ்டாண்டுக்கு வந்தாச்சு..


அன்னாரின் மகனார், ‘மதியானம் என்னா சாப்டீங்க..?’ என்று கேட்டார். சத்தியமா சொல்றேன்.. அது அவரா கேக்கலங்க.. அல்லா தான் அவர அப்படி கேக்க வச்சான்..மாஷா அல்லாஹ்.. 


‘நான் ஒண்ணுமே சாப்டலே..’ என்றதும் அவர் பதறிப் போய் ஓடிப் போய் டீ ரொட்டி எல்லாம் வாங்கிட்டு வந்து சாப்பிட கொடுத்தார்


வாப்பாக்கு மகனார் தப்பி தான் பொறந்திருக்கார்..


தேத்தணி குடிச்சேன்.. ரொட்டிய கடிச்சேன்..


ஒட்டகத்துக்கு ஓமப்பொடி..


பஸ்ஸில் ஏறி உட்கார்ந்தோம்..


வாப்பாவும் மகனாரும் மொதோ சீட்ல ஒக்காந்துட்டாஹா


நான் தனியா நடுவுல உள்ள ஒரு சீட்டுக்கு போயிட்டேன்..


என் பக்கத்தில் ஒருவர் வந்து அமர்ந்தார்.. 


நான் புன்னகைத்தேன்..


அவர் கை கொடுத்தார்..


இருவரும் பேசிக் கொண்டோம்.. கொஞ்ச நேரம் பேசிய போதே ‘நைஸ் மீட்டிங்..’ என்றார்.


நானாவது பரவாயில்லை.. நேத்து ஒரு ராத்திரி தான் புது எடங்கறதாலயும் கொசு கடிங்கறதாலயும் தூங்கலை.. 


அவர் பாவம்.. ஏதோ வேலையா அலைஞ்சு ஒரு வாரமாவே சரியா தூங்கலயாம்..


பஸ்ஸில் ஒரு சீட் கூட காலியில்லாமல் எல்லா இடமும் நிரப்பப்பட்டது..


பீயமானில்லாஹ்..


பஸ் கெளம்பிடிச்சு..


சற்று நேரத்தில் தூக்கமின்மையோட பசி மயக்கமும் பஸ்ஸின் ஆட்டமும் இப்படி எல்லாமா சேந்து ஒரு தாலாட்டு பாட தூக்கம் கண்களை தழுவிக் கொண்டது


திடீர்ன்னு நல்லா ‘நங்’குன்னு ஒரு சத்தம்.. ஒண்ணுமில்லை.. நான் தான் தூக்கத்துல என் பக்கத்துல ஒக்காந்திருந்த அவர நல்லா முட்டிட்டேன்..


திடுக்கிட்டு முழுச்சி, ‘சாரி.. சார்..’ என்றேன்.. அவர் தலையை தடவிக் கொண்டே ‘பரவாயில்ல.. பரவாயில்ல.. ரோட்ட பாருங்க.. பள்ளமும் படுகுழியுமா இருக்கு..’ என்று கவர்மெண்ட்டின் கரப்சனை திட்டிகிட்டே தூங்கி போனார்.. 


அவர் முடிக்கிறதுக்கு முன்னாடியே நான் தூங்கியிருந்தேன்..


கொஞ்ச நேரம் கழிச்சு நல்லா இந்த முறை ‘நச்’சுன்னு ஒரு சத்தம்.. 


அதே தலை.. 


தலையில அதே இடம்..


கொஞ்சம் கடுப்பா தான் ஆயிட்டார்.. 


நான் எந்திரிச்சிட்டேன்.. ‘சாரி சார்.. நான் வேணும்னு இடிக்கல..’ என்றேன்..


அவர் வாயே தொறக்கல.. அப்படியே சைகைலேயே ‘உட்காரு..’ என்பது போல் கையை கீழே ஆட்டினார்..


அந்த நேரத்துல இவ்வளவு வெபரமா எல்லாம் புரியல.. என்னய தான் பக்கத்துல கூப்ட்டு ஏதோ ரகசியம் மாதிரி சொல்ல போறாரு போலருக்குன்னு நெனைச்சுகிட்டு கிட்டே போனேன்.. என்ன புடிச்சு தள்ளி ‘உட்காருய்யா..’ என்றார் கோவமாக..


‘இப்படிங்கறேன்..’ ண்டு கையை மறுபடியும் ஆட்டி காண்பித்து ‘இது புரியலை..’ என்றார்..


நான் மறுபேச்சு பேசாம ஒக்காந்தேன்..


இனிமே தூங்கவே கூடாது.. கங்கணம் கட்டிக் கொண்டு நான்..


நானா தூக்கமா இன்னைக்கு யாருன்னு பார்க்கலாம்..?


கடைசில தூக்கம் தான் ஜாலியா ஜெயிக்கலாம்னு ஜெயிச்சிடிச்சு.. 


யெஸ்.. தூங்கி விட்டேன்..


இந்த முறை முன்னாடி ரெண்டு முறை உள்ள ‘நங்’கையும் ‘நச்’சையும் சேர்த்து ஒரு ‘நங்ச்’ன்னு இடிச்சா எப்படி இருக்கும்..


எவ்வளவு தான் பொறுப்பார் மனுஷன்.. 


“யோவ் நீயெல்லாம்.. எதுக்குய்யா பஸ்ஸ எடுக்குறே.. இப்படி தூங்குற ஆளு கார்ல வேன்ல போவ வேண்டியது தானே..” என்று காட்டமாய் கத்தினார்.


முன்னாடி சீட்டிலிருந்து ஒரு குரல், ‘ம்.. போருமே.. அதுக்கு (எதுக்கு..? காருக்கும் வேனுக்கும்..) நீம்பரா காசு கொடுப்பீயோம்..’ என்று 


பக்கத்துல ஒக்காந்திருந்தவர் ‘அது யார்டா அது?’ என்று முழிக்க நான் சொன்னேன்..


அது என் சொந்தக்காரர் தான்

மிஸ்கம்யுனிகேசன்

பல நாட்டு மக்கள் ஓரிடத்தில் வந்து ஒன்றாக வேலை செய்யும் போது ஒருவர் பேசும் மொழி மற்றவருக்கு தெரியாமல் கருத்து பரிமாற்றத்தில் எவ்வளவோ பிரச்சினை வந்துள்ளது.


ஒரு தடவை இங்கே சிங்கப்பூரில் கட்டுமான தல வேலையிடத்தில் ஒரு தமிழ்காரர் ஏணியில் ஏறி நின்றவாறு வேலை செய்ய வேண்டியிருந்தது. அப்போது ஒரு தாய்லாந்த் நாட்டை சார்ந்தவர் ஏணி உயரம் என்பதால் கீழே ஏணியை பிடித்துக் கொண்டு நின்று கொண்டிருந்தார்.

ஏணி சிறிது ஆடியிருக்கிறது. மேலே நின்ற தமிழ் காரர் பயந்தவாறு கீழே நின்ற தாய்லாந்த் காரரிடம் ’ஏணி ஆடுது.. நல்ல இறுக்கமாக பிடி..” என்று சொல்ல வேண்டும்.

எப்படி சொல்வது..? இருவரும் புதுசு.. இருவருக்கும் ஆங்கிலம் தெரியாது. இருக்கவே இருக்கு சைகை பாஷை.

மேலிருந்து இரண்டு கையை அசைத்து ‘ஏணி ஆடுது..’ என்று சொல்லியிருக்கிறார்.

நம்ம கீழே இருந்த தாய்லாந்த் காரர் இல்ல, ஏணியை வேகமா பிடிச்சு ஆட்டு ஆட்டுன்னு ஆட்டி எடுத்துட்டார்.

மேலே உள்ள அவர் வடிவேல் ரேஞ்சுக்கு கொலை நடுங்கி போய் ‘ஆள விட்டா போதும்னு கீழே இறங்கி விட்டார்..’

*****************************************************************

*****************************************************************


சி.இ.ஒ. விடமிருந்து மூத்த மேலாளர்களுக்கு குறிப்பாணை:

இன்றைக்கு பதினோரு மணிக்கு சூரிய கிரகணம் பிடிக்க உள்ளது. இது சூரியனானது சந்திரனுக்கு பின்னால் 2 நிமிடங்கள் மறைவதை குறிக்கும். இது எல்லோராலும் வழக்கமாக காண இயலாது என்பதால், சீருந்து நிறுத்துமிடத்தில் ஊழியர்கள் பார்ப்பதற்காக நேரம் ஒதுக்கப்படும். ஊழியர்கள் பத்திலிருந்து பதினோருக்குள் வந்து விட வேண்டும். நான் சூரிய கிரணத்தை பற்றியும் குறைந்த விலைக்கு கிடைக்கும் பாதுகாப்பு கண்ணாடி பற்றியும் சிறு உறையாற்ற இருக்கின்றேன்.

மூத்த மேலாளரிடமிருந்து துறை சார்ந்த தலைவர்களுக்கு குறிப்பாணை

இன்று பத்திலிருந்து பதினோரு மணிக்கு எல்லா ஊழியர்களும் சீருந்து நிறுத்துமிடத்தில் சந்திக்க வேண்டும். இதை தொடர்ந்து சூரிய கிரணம் பிடிக்கும். இது இரண்டு நிமிடம் நீடிக்கும். இது குறைந்த செலவில் மூக்கு கண்ணாடி மூலம் பாதுகாப்பாக அமையும். முன்னதாக, சி.இ.ஓ. நமக்கு தகவல்கள் வழங்க சிறிய சொற்பொழிவை ஆற்றுவார். இது வழக்கமாக நடைபெறுவது அல்ல.

துறை சார்ந்த தலைவரிடமிருந்து தள மேலாளருக்கு குறிப்பாணை

சி.இ.ஓ சூரிய கிரணம் என்ற முறையில் சூரியனை இரண்டு நிமிடம் மறைய வைக்க சிறிய சொற்பொழிவாற்ற இருக்கிறார். இது நாம் வழக்கமாக பார்க்கக் கூடியதல்ல. அதனால் ஊழியர்கள் 10 அல்லது 11 மணிக்கு சீருந்து நிறுத்துமிடத்தில் சந்திக்க வேண்டும். நீங்கள் குறைந்த அளவு செலவு செய்தாலே போதும், இது பாதுகாப்பானதாக இருக்கும்.

தள மேலாளரிடமிருந்து மேற்பார்வையாளருக்கு குறிப்பாணை

சி.இ.ஓ. சூரியனை இரண்டு நிமிடத்திற்கு மறைய வைப்பதை காண 10 அல்லது 11 ஊழியர்கள் சீருந்து நிறுத்துமிடத்திற்கு செல்வார்கள். இது வழக்கமாக நடைபெறாது. இது பாதுகாப்பானதும் வழக்கம் போலவே இதில் உங்களுக்கு செலவும் உண்டு.

மேற்பார்வையாளரிடமிருந்து ஊழியர்களுக்கு குறிப்பாணை

சி.இ.ஓ. மறைவதை பார்க்க வேண்டி சில ஊழியர்கள் இன்று சீருந்து நிறுத்துமிடத்திருக்கு செல்வார்கள், . இது வழக்கமாக நடைபெறாது என்பது வருத்தத்திற்குறியது.

********************************************************
பேசிட்டா பிரச்சினை தீர்ந்துடும்னு அவ்வளவு உறுதியாக சொல்லி விட முடியாது. பேசுபவர்கள் எந்த கருத்தில் சொன்னார்களோ அதே கருத்தில் நாம் புரிந்து கொள்ள வில்லை என்றால் பிரச்சினை இன்னும் பெரிதாக கூட ஆகி விடலாம்.

நம்மடவர்கள் சில பேர ‘பாய்’ன்னு சொன்னா அடிக்க வருவதற்கும் இது தான் காரணம்.

நபிகள் நாயகம் (ஸல்) அவர்கள் அழகாக சொன்னார்கள், ‘மக்களிடம் பேசும் போது அவர்களின் பகுத்தறிவுக்கு தக்கவாறு பேசுங்கள்’ என்று.

இன்றைக்கு பேசுபவர்கள் என்ன பேசுகிறோம் என்று புரியாமல் யாரிடம் பேசுகிறோம் என்பதையும் விளங்காமல் பேசுகிறார்கள்.

என்னை கேட்டால் மௌலானா ரூமி அவர்கள் சொன்னது போல், ‘மௌனமே இறைவனுடைய மொழி, மற்றவையெல்லாம் மோசமான மொழிபெயர்ப்பு (

"Silence is the language of god, all else is poor translation.") 

’ என்றார்கள்.

‎

ஜட்ஜப்பா - பகுதி 5

முந்தைய பகுதிகளின் இணைப்பு:

1 - http://nagoreismail786.blogspot.com/2009/09/1.html 

2 - http://nagoreismail786.blogspot.com/2009/11/2.html 

3 - http://nagoreismail786.blogspot.com/2009/12/3.html 

4 - http://nagoreismail786.blogspot.com/2010/07/4.html


**************************************************************


என்னை விட என் மச்சான் ஜாஃபர் சுல்தான் தான் ஜட்ஜப்பாவுடன் அதிகமாக உரையாடியது கேள்விகள் கேட்டது எல்லாம்.


ஒரு முறை நாகூரில் நடந்த ஒரு கலவரத்தில் மாற்று மத சகோதரர்களால் ஒரு மதக் கலவரத்தின் போது ஒருத்தரின் வீட்டு வாசல், வாசல் கேட் எல்லாம் உடைக்கப்பட்டது, அப்போது அவர்கள் கத்திக் கொண்டே உடைக்கிறார்கள், ‘இது தாண்டா அந்த வெள்ளையண்ட வீடு..’ என்று. அவ்வளவு பாப்புலர் ஃபிகர் இன் நாகூர். அந்த வெள்ளையன் வேறு யாருமல்ல.. சாட்சாத் என்னோட மச்சான் ஜாஃபர் சுல்தானே தான்.


ஒரு முறை ஜட்ஜப்பா வீட்டில் சங்கராச்சாரியார் (மறைந்த பெரியவர்) படம் அவர்களின் மேசை மேல் இருந்ததை பார்த்து விட்டார் இந்த ஜாஃபர் சுல்தான்.


வச்சிருந்தா உம்பருக்கு என்னா..? நீம்பர் வாய வச்சுகிட்டு சும்மா இருக்க வேண்டியது தானே.. 


“இவர்ட படமெல்லாம் ஏன் இங்கே கொண்டு வந்து வச்சிருக்கீங்க..” - கேட்டே விட்டான்


இளங்கன்று பயமறியாது.. 


அத்தோடு நிற்கவில்லை அவன், “இவர்ல்லாம் சாமியார்ல.. இதெல்லாம் நம்ம வச்சுக்கலாமா..?” 


அட படுவாப் பயலே..! யார்ட்ட போய் என்னா கேக்குறது..


ஜட்ஜப்பா சொன்னார்கள், ‘என் மேல இவருக்கு பிரியம்.. இவர் மேல எனக்கு பிரியம்..” என்று.


என் மச்சானுக்கு அந்த நேரம் பார்த்து அந்த பதிலே போதுமானதாக இருந்தது.


அவன் போன பிறகு, அவர்களின் அருமை மகளாரை அழைத்து, “இந்த போட்டோவை பத்தி கேக்குறாரு.. கூப்ட்டு ஒக்கார வச்சு விளக்கம் கொடுக்கலாம்.. சொன்னா விளங்குமா..? மத வெறி புடிச்சவன்..” என்று மச்சான பத்தி தெளிவாக இப்படி சொல்லியிருந்தாலும் அவர்களுக்கு என் மச்சான் மேல் ரொம்ப பிரியம்.


ஒரு முறை ஜாஃபர் சுல்தான், “நீங்க எழுதுன புக் எதாவது உங்க ஞாபகார்த்தமா தாங்க ஜட்ஜப்பா..” என்று கேட்ட போது அவர்களின் மகளாரை கூப்பிட்டு அவர்கள் எழுதிய ‘இனிக்கும் இராஜநாயகம்’ என்ற புத்தகத்தை அவர்களுடைய கையெழுத்தை போட்டு கொடுத்தார்கள்.

நான் மௌத்தாகும் போது - Maulana Rumi's (RAH) Wisdom

நாகூர் ரூமியை பற்றி எழுதியதை தொடர்ந்து மௌலானா ரூமி அவர்களின் கவிதையை இங்கே பதிவிடுகிறேன்.. ஆங்கிலத்தில் மொழிபெயர்க்கப்பட்டு உள்ளது. அதன் சுவை எனது தமிழ் மொழிபெயர்ப்பில் கெட்டு விடக் கூடாது என்பதற்காக அப்படியே வெளியிடுகிறேன்.. when i die when my coffin is being taken out you must never think i am missing this world don't shed any tears don't lament or feel sorry i'm not falling into a monster's abyss when you see my corpse is being carried don't cry for my leaving i'm not leaving i'm arriving at eternal love when you leave me in the grave don't say goodbye remember a grave is only a curtain for the paradise behind you'll only see me descending into a grave now watch me rise how can there be an end when the sun sets or the moon goes down it looks like the end it seems like a sunset but in reality it is a dawn when the grave locks you up that is when your soul is freed have you ever seen a seed fallen to earth not rise with a new life why should you doubt the rise of a seed named human have you ever seen a bucket lowered into a well coming back empty why lament for a soul when it can come back like Joseph from the well when for the last time you close your mouth your words and soul will belong to the world of no place no time