Hasbi Rabbi jallaAllah Ma fi qalbi ghayru'Llah - Lord is my Sole Sufficiency Glorious is Allah Nothing is in my heart except the Divine. இன்னும் எவரும் நாட முடியாத, அடைய முடியாத இருவில் (போன்ற புருவ) மத்தியின் இடைவெளியளவு (இறைவனை) நெருங்கும் அந்தஸ்த்தைப் பெறும் வரை நீங்கள் ஏறிக் கொண்டே போனீர்கள். - கஸீதத்துல் புர்தாஹ் (பெருமானார் (ஸல்) அவர்களின் புகழ்ப்பா)
பொறுமையாளன் - அஸ்-ஸபூர் - The Patient One குரான் ஷரீஃப் அத்தியாயம்: ஸூரத்து அன்ஃபால் (8) - போரில் கிடைத்த வெற்றி பொருள்கள் வசனம்: 46 இன்னும் அல்லாஹ்வுக்கும், அவனுடைய தூதருக்கும் கீழ்படியுங்கள் - நீங்கள் கருத்து வேறுபாடு கொள்ளாதீர்கள்; கோழைகளாகி விடுவீர்கள்; உங்கள் பலம் குன்றிவிடும்; நீங்கள் பொறுமையாக இருங்கள் - நிச்சயமாக அல்லாஹ் பொறுமையாளர்களுடன் இருக்கின்றான். மௌலானா ரூமி (றஹ்) அவர்களின் மஸ்னவியிலிருந்து: நீங்கள் முழுக்க முழுக்க குழப்பத்திலும் துன்பத்திலும் சிக்கி இருந்தால், பொறுமையை கையாளுங்கள் - பொறுமை தான் இன்பங்களின் திறவுகோல் Credit: http://sufism.org/foundations/ninety-nine-names/as-sabur-the-patient-one-2
வேலையிட ஆபத்து என்பது கடினமான இயந்திரங்களில் கட்டுமான பணியில் உள்ள ஊழியர்களுக்கு மட்டுமல்ல ஹெல்மெட்டே போடாமல் டை கட்டிக் கொண்டு ஏஸியின் கீழே உட்கார்ந்து கொண்டு எந்த ஒரு பாரத்தையும் தூக்கி வெயிலையே பார்க்காதவர்களுக்கு கூட வரலாம்..
எப்படியெனில்.. தொடர்ச்சியாக கணினியை பார்த்துக் கொண்டே இருப்பதை எடுத்துக் கொண்டால் கண் வலி, கழுத்து வலி, கை வலி எல்லாம் வந்து தொலைக்கும். இப்படி வரும் ஆபத்துகளை ergonomic hazards என்பார்கள்.
(hazardsஐ பல வகையாக classify பண்ணலாம். physical hazards (e.g. noise, heat, vibration), chemical hazards (toxic, flammable, explosive, acid, alkali), electric hazards (damaged cable, damage socket, electrical overload), mechanical hazards (unguarded rotary parts of the machine), biological hazards (bacteria, virus causes various infectious diseases such as SARS,தற்போது பயமுறுத்தி கொண்டிருக்கும் பன்றிக் காய்ச்சல்) அந்த வகையில் நாம் மேலே கணினியினால் வரும் இந்த பாதிப்புக்கு ergonomic hazard என்று பெயர்)
இந்த பல வலிகளை வராமல் தடுக்க ஒரு வழி அல்ல பல வழிகள் உள்ளது. இந்த வழிகளை கட்டுபடுத்தும் வரிசைமுறை என்று சொல்வார்கள், அதாவது ஆங்கிலத்தில் Hierarchy of Controls என்று சொல்வார்கள்.
இந்த வரிசையில் முதலாவதாக வருவது “நீக்குதல்” (Elimination) - அதாவது எது ஆபத்து ஏற்படுத்துகிறதோ அதனை முற்றிலுமாக நீக்கி விடுதல்.
அதாவது கணினியை அலுவலகத்திலிருந்து அகற்றி விடுவது. (இப்படி சொன்னால் சண்டைக்கு எல்லாம் வரக் கூடாது)
பெரிய ஆபத்தை ஏற்படுத்தும் என்றால் அப்படி நீக்கி விடுவது ஒன்றும் தவறல்ல.. உதாரணமாக, ஆஸ்பெஸ்டாஸ் என்று ஒரு கனிமம் உள்ளது. அது fire proof க்காக கூரைகளில் எல்லாம் பயன்படுத்தப் பட்டு வந்தது.
ஆனால் இது சிங்கப்பூரில் முற்றிலுமாக தடை செய்து விட்டார்கள். ஏன் என்றால் இது நுரையீரல் புற்றுநோயை ஏற்படுத்தும்.
அதை நீக்க வேண்டுமா வேண்டாமா என்பதை நீங்கள் தான் முடிவு செய்ய வேண்டும். ஆனால் hierarchy of control இருக்கும் ஒரு வழிகளில் கணினியை நீக்குவது தான் முதலாவது வரிசையில் உள்ளது.
இது சரியாக வராது அதாவது reasonably practicable இல்லை என்றால் இரண்டாவது வரிசையில் இருக்கும் கட்டுபடுத்தும் முறைக்கு செல்லலாம்.
(குறிப்பு: “reasonably practicable” என்பது சிங்கப்பூர் சட்டத்தில் பயன்படுத்தப்பட்டிருக்கும் அழகான அர்த்தமுள்ள வார்த்தை..
அதாவது வேலை செய்யும் ஊழியர்களுக்கு வேலையினால் ஆபத்து காத்து இருக்கிறது. அந்த வேலையின் போது ஏற்படும் ஆபத்துகளினால் ஏற்படும் விளைவுகளை தடுக்க முதலாளி reasonably practicable நடவடிக்கைகளை எடுக்க வேண்டும்.
reasonably - can afford to do it, செலவு செய்யக் கூடியதாக இருத்தல் வேண்டும்
practicable - capable of being done, நடைமுறைக்கு சாத்தியமானதாக இருத்தல் வேண்டும்)
அப்படி இரண்டாவது வரிசையில் இருப்பது "substitute" மாற்றுதல் என்பதாகும். இதை ஒரு உதாரணம் மூலமாக சொல்வதென்றால் வாள் போய் கத்தி வந்தது என்பார்கள் அல்லவா? அதுவே தான். ஆஸ்பெஸ்டாஸுக்கு பதிலாக கேல்சியம் சிலிகேட் பயன்படுத்துவதை இது குறிக்கும். ஆஸ்பெஸ்டாஸ் என்ன தேவைக்கு பயன்படுத்தினோமோ அந்த தேவையை இது நிறைவேற்றி விடும், அதே சமயத்தில் ஆஸ்பெஸ்டாஸால் வரும் பேராபத்து இதில் இல்லை.
கணினிக்கு பதிலாக வேறொரு வேலைக்கு வேறொரு வழிமுறையை கையாள்வது. இதற்கும் (reasonably practicable) சாத்தியமில்லை என்றால் மூன்றாவது வரிசைக்கு தாவ வேண்டியது தான்.
மூன்றாவது வரிசையில் இருப்பது "Engineering Controls" - பொறியியல் கட்டுப்பாடுகள்
glare, contrast இவைகளை சரி செய்தால் நம்ப முடியாத அளவிற்கு கண் வலியை குறைத்து விடும். நல்ல வெளிச்சம் இருத்தல் வேண்டும். கணினி அமைந்திருக்கும் இடம் உங்கள் கண்களுக்கு ஏற்றவாறு அமைத்தல் வேண்டும்.
இதற்கு அடுத்த வரிசையில் வருவது management/administrative controls - நிர்வாக நடவடிக்கைகள்
20 நிமிடத்திற்கு ஒரு தரம் கணினி திரையிலிருந்து கண்களுக்கு விடுதலை கொடுக்க வேண்டும். தூரத்தில் உள்ளதை அவ்வப்போது பார்த்துக் கொள்ள வேண்டும்.
கட்டக் கடைசியாக வருவது "Personal Protective Equipment" - சுய பாதுகாப்பு சாதனங்கள்
Anti-radiation வகை கண்ணாடிகளை அணிந்து கொள்வதை இது குறிக்கும்.
இப்படியாக ஆபத்தினால் ஏற்படும் விளைவுகளை தடுக்க சரியான, முறையான நடவடிக்கைகளை எடுத்து கண்களை கணினி திரையிலிருந்து வெளியாகும் கதிரிலிருந்தும், நமக்கு பிடிக்காததை அல்லது பிடிக்காதவர் எழுதியதை நல்லா உருக்கி அந்த எழுத்தையே எரித்து விடுவது போல் பார்ப்பதனால் ஏற்படும் பாதிப்புகளையும் தடுத்துக் கொள்ள வேண்டும்.
அல்லா... இவ்வளவு நேரம் குனிஞ்சு எழுதுனதுல கழுத்த சுளுக்கிகிச்சு.. எந்த கண்ட்ரோல யூஸ் பண்ணலாம்...
தீவிரவாதிகள் பிறப்பதில்லை - வலிய போய் துயரங்களை கேட்டு பெறவுமில்லை - அவர்கள் நம்மை போல் வீட்டில் தெருவில் வியாபாரத்தில் சுற்றி வந்தவர்கள் தான் - விதிக்கப்பட்ட சூழலின் காரணமாக துயரம் நிறைந்த துக்கம் கனக்கின்ற வாழ்க்கையில் வாழும் இவர்கள் தாங்கள் எதையெல்லாம் விட்டு விட்டு வந்திருக்கிறோம் என்பதை திரும்பி பார்க்கிறார்கள்
இஜாஜத் - குல்ஜார் சாப் எழுதிய இந்த திரைக்கவிதை எனக்கு பிடித்தமான ஒன்று. எனக்கு ஒரு வகையில் நெருக்கமான ஒன்றும் கூட.
சுதா நினைவு தெரியாத போதே மஹிந்தர் தான் தனது கணவன் என்று நினைத்து வளர்ந்தவள். நினைவு கைகூடும் தருவாயில் ஒரு நாள் தனது வாசலில் வருகிறான்.
மஹிந்தர், தானும் ஒரு பெண்ணும் திருமணம் ஆகாமலே சேர்ந்தே ஒரே வீட்டில் இருப்பதாக சொல்லி சுதாவின் கனவுக் கூட்டை கலைத்தவுடன் - சுதா கலவரம் அடையாமல் கதறி அழாமல் அவனை புரிந்து கொள்ள முற்படுகிறாள். ஆசிரியை அல்லவா அவள்..?
மஹிந்தரோடு சேர்ந்திருக்கும் அந்த பெண் மாயா எனும் சுதந்திர பறவையோ உத்திரவு வாங்காமலும் வார்த்தை சொல்லாமலும் வானம் நீட்டி சிறகை விரிக்கிறாள். பரந்த வானத்தில் பறந்த அவளை பார்க்கவே முடியவில்லை.
மஹிந்தர் சுதா இருவரது திருமணம் இந்த சூழ்நிலையில் இருவரது தாத்தாவின் வற்புறுத்தலின் பேரில் மேடை ஏறுகிறது.
பறந்து சென்ற பழைய பறவை கூடு தேடி மீண்டும் வருகிறது.
மாயாவல் மஹிந்தரின் திருமணத்தை ஏற்றுக் கொள்ள முடிகிறது. ஆனால் மஹிந்தரிடம் தான் பெற்று வந்த அன்பை மீண்டும் பெற வேண்டும் என்றும் பிடிவாதம் இருக்கிறது.
மஹிந்தர் மாயாவை மறப்பதென முடிவெடுக்கிறான். இருந்தும் பல தவறான புரிதல்களால் சுதா மஹிந்தரை பிரிய நேர்கிறது.
பல வருடங்களுக்கு பிறகு ஒரு நாள் இரவு...
புகைவண்டி நிலையத்தின் காத்திருப்பு அறையில் பொழிகின்ற மழை ஈரத்தின் வாசனை அவர்களின் பழைய வாழ்க்கை நினைவுகளை கிளறி விடுகிறது.
ஒரு கட்டத்தில் காட்சியானது காத்திருப்பு அறையிலிருந்து கல்யாணம் தந்த பழைய மகிழ்ச்சியான தருணங்களை பின்நோக்கி இழுத்து செல்கிறது..
சுதாவிற்கு தெரியும் தனது கணவரான மஹிந்தர் மாயாவை காதலித்தவன் என்று. இருந்தாலும், தான் சிறிய வயதிலிருந்து கனவு கண்டு வந்த காதலனோடு இருக்கும் அந்த கனத்தில் லயிக்கிறாள். இந்த கனம் வருங்காலத்தில் தொடர வேண்டும் என்றும் தனது வாழ்க்கை முழுதும் இந்த மகிழ்ச்சி இருக்க வேண்டும் என்றும் கவிபாடுகிறாள்.
Qatra-qatra milti hai
qatra-qatra jeene do
Zindagi hai (zingadi hai - inner voice)
Bahne do (bahne do - inner voice)
Pyaasi hoon main
Pyaasi rahne do
Rahne do, na...
துளித்துளியாய்
கடந்து செல்கின்றது
அவ்வாறே
கடந்து செல்லட்டும்
இதுதான் வாழ்க்கை
இவ்வாறே
கடந்து செல்லட்டும்
என்னை
தாகத்தில்
ஆழ்த்தி விடுகிறது
இப்படியே
என்னை
தாகத்தில் தவிக்க
விடட்டும்
அப்படியே ஆகட்டும்
(மன்னிக்கவும்: இவ்வளவு மட்டமான ஒரு மொழிபெயர்ப்பை வேறு எங்கேயும் படித்திருக்க முடியாது. இதை எப்படி தமிழில் அழகாக்குவது என்று தெரியவில்லை. சரி நானே எழுதி நானே படிக்கும் பாடல் தானே.. அப்படியே இருந்து விட்டு போகட்டும்..)
(அதாகப்பட்டது சுதா சொல்கிறாள்:
மஹிந்தரோடு இருக்கும் பொழுதுகள் எப்படி கழிகின்றது என்றால் ஒவ்வொரு துளியாய், ஒவ்வொரு விநாடிக்கும் குறைவான நேரமாய் அனுபவிக்கப்பட்டு அவளை விட்டு கடந்து செல்கிறதாம்.
இது தான் அவள் தேடிய வாழ்க்கையாம்..
இப்படி அந்த நேரங்கள் கடந்து செல்லும் போது, தனது காதல்கணவர் யாரிடமும் பங்கு போடாத தனக்கு மட்டுமே உரித்தான பிரியத்தை வழங்க வேண்டும், நேரத்தை கழிக்க வேண்டும் என்று தாகம் அதாவது தேடல், தவிப்பு பிறக்கின்றதாம், அவ்வாறே மனம் அந்த பிரியத்தை தேடி தவிக்கட்டும் என்று கவிமழை பொழிகிறாள்.
இதே போல் கீழ் வரும் வரிகளுக்கும் அர்த்தம் போட்டு விளங்கிக் கொள்ளவும் என்று வாசிக்கும் என்னை நானே கேட்டுக் கொள்கிறேன்)
Kal bhi to kuchh aisa hi hua tha
Neend mein thi, tumne jab chhua tha
Girte-girte baahon mein bachi main
Sapne pe paaon pad gaya tha
Sapnon mein, bahne do
Pyaasi hoon main
Pyaasi rahne do
நேற்று
எனக்கு
நேர்ந்தது என்ன
என்று
நீ அறிவாயா?
துயில்கொண்டு
நான்
இருந்த போது
உன் தொடல்
உணர்ந்தேன்..
நான்
கையிலிருந்து
தவறி விழும்
குழந்தையை போல்
விழுந்து விட்டேன்
அவ்வாறு
தவறி
ஒரு கனவில்
விழுந்து விட்டேன்
அந்த
கனவு வாழ்விலேயே
நான்
வாழ்ந்து விட
வேண்டும்
என்னை
தாகத்தில்
ஆழ்த்தி விடுகிறது
இப்படியே
என்னை
தாகத்தில் தவிக்க
விடட்டும்
அப்படியே ஆகட்டும்
Tumne to aakaash bichhaaya
Mere nange pairon mein zameen hai
Paa ke bhi tumhari arzoo ho
Shayad aise zindagi haseen hai
Arzoo mein, bahne do
Pyaasi hoon main
Pyaasi rahne do
நீ
பறப்பதற்கு
ஆகாயம் அமைத்தாய்
நானோ
வெறுங்காலோடு
பூமியில்
நிற்கிறேன்
நான்
உன்னோடு
இருக்கும் போது
தான்
உன்னை
அதிகமாக தேடுகிறேன்
உன்னுடனான
இந்த வாழ்வு
மிக அழகானது
அந்த
தேடல் வாழ்விலேயே
நான்
மூழ்கி விட
வேண்டும்
என்னை
தாகத்தில்
ஆழ்த்தி விடுகிறது
இப்படியே
என்னை
தாகத்தில் தவிக்க
விடட்டும்
அப்படியே ஆகட்டும்
Halke-halke kohre ke dhuen mein
Shaayad aasmaan tak aa gayi hoon
Teri do nigaahon ke sahaare
Dekho to kahaan tak aa gayi hoon
Kohre mein, bahne do
Pyaasi hoon main
Pyaasi rahne do
மூடுபனியின்
புகை நடுவே
வெளிச்சம் தேடி
அலைந்தேன்
நான்
தூரம் அறியாமலே
ஆகாயத்திற்கே
வந்தடைந்து விட்டேன்
உனது கண்கள்
காட்டிய பாதையில்
என் கால்கள்
எங்கே
வந்து விட்டது
பார்..!
அந்த
மூடு பனியிலேயே
நான்
கரைந்து விட
வேண்டும்
என்னை
தாகத்தில்
ஆழ்த்தி விடுகிறது
இப்படியே
என்னை
தாகத்தில் தவிக்க
விடட்டும்
அப்படியே ஆகட்டும்
----------------
குரல்: ஆஷா (இந்த பாடலில் ஆஷா இரு குரல்களில் பாடுவது போல் மிக்ஸிங் செய்யப்பட்டிருக்கிறது).
1. அல்லாஹ்வுடைய உதவியும், வெற்றியும் வரும் போதும்,
2.மேலும் அல்லாஹ்வின் மார்க்கத்தில் மக்கள் அணியணியாக பிரவேசிப்பதை நீங்கள் காணும் போதும்,
3. உம்முடைய இறைவனின் புகழைக் கொண்டு தஸ்பீஹு செய்வீராக; மேலும் அவனிடம் பிழை பொறுக்கத் தேடுவீராக - நிச்சயமாக அவன் தவ்பாவை ஏற்றுக் கொள்பவனாக இருக்கின்றான்
இறைவன் பெருமானார் (ஸல்) அவர்களுக்கு மிகப் பெரிய பொறுப்பை ஒப்படைத்தான். உண்மையையும் சத்தியத்தையும் கொண்டு மக்களிடம் வந்த போதெல்லாம் அவர்களின் கூற்றை உதாசீனப்படுத்தி வழிகேட்டிலேயே இருந்து வந்தார்கள்.
ஓராண்டு அல்ல ஈராண்டு அல்ல முழுதாக பதிமூன்று ஆண்டுகள் கடுமையான அழைப்பிற்கு பிறகும் மக்கள் இஸ்லாத்தை ஏற்பதாகவே இல்லை சொற்பமானவர்களை தவிர.
பெருமானார் (ஸல்) அவர்கள் வேதனைப்படுகிறார்கள், எந்த அளவிற்கு என்றால் ஒரு கட்டத்தில் இறைவனே இப்படி சொல்கிறான்...
26. ஸூரத்துஷ்ஷூஃரா (கவிஞர்கள்) - 3வது வாக்கியம்
அவர்கள் முஃமின்களாகாமல் இருப்பதற்காக உம்மை நீரே அழித்துக்கொள்வீர் போலும்!
- பெருமானார் (ஸல்) அவர்கள் மக்கள் வழிகேட்டில் இருப்பதை எண்ணி கவலையுற்று அவர்கள் நேர்வழியில் வராமல் இருப்பதற்காக மிகுந்த வேதனையுற்றார்கள் என்பதை தான் இறைவன் “உங்களையே நீங்கள் அழித்துக் கொள்வீங்க போல..” என்று கூறுகிறான்.
அவர்கள் இறைவன் தனக்கு விதித்த மிஸ்ஸனில் கண்ணும் கருத்துமாக இருந்ததோடு மக்கள் மீது அதிக அன்பு செலுத்துபவர்களாகவும் இருந்தார்கள் அதாவது அவர்கள் இறைவனின் கோபத்திற்கோ வேதனைக்கோ ஆளாகக் கூடாது என்பதால் மிகவும் வருந்தினார்கள் என்பதையுமே இந்த ஆயத்து சொல்லாமல் சொல்லிச் செல்கிறது.
“பத்ரு” போரில் நீங்கள் மிகவும் சக்தி குறைந்தவர்களாக இருந்த போது, அல்லாஹ் உங்களுக்கு உதவி புரிந்தான் (நஸரகுமுல்லாஹ்); ஆகவே நீங்கள் நன்றி செலுத்துவதற்காக அல்லாஹ்வுக்கு அஞ்சி நடந்து கொள்ளுங்கள்.
இங்கே “நஸ்ர்” எனும் வார்த்தை வினைச்சொல்லாக பயன்படுத்தப்பட்டிருக்கிறது.
அரபியில் வினைச்சொல் என்பது பெயர்ச்சொல்லை விட வலிமை குறைந்தது.
நாம் பார்த்துக் கொண்டிருக்கும் ஆயத்தில் “நஸ்ர்” எனும் வார்த்தை பெயர்ச்சொல்லாக பயன்படுத்தப் பட்டிருக்கிறது.
அதாவது, பத்ரு போரில் குறைவான எண்ணிக்கையில் முஸ்லீம்கள் இருந்த போதிலும் அல்லாஹ்வுடைய உதவி கிடைத்ததில் வெற்றி பெற்றார்கள் அல்லவா அந்த உதவியை compare பண்ணும் போது இந்த ஆயத்தில் வரும் உதவி மிகவும் வலிமை மிகுந்தது.
சாதாரணமாக உதவி என்றாலே அது உயர்வான செயல், ஒரு மனிதர் சரியான நேரத்தில் இன்னொரு மனிதருக்கு செய்யும் உதவியானது இந்த உலகத்தை விட மிகப் பெரியது என்று எனக்கு தமிழ் வாத்தியார் திருக்குறள் பாடத்தில் சொல்லி கொடுத்து இருக்கிறார்.
ஆனால் இந்த உதவி எப்பேர்பட்ட உதவி என்றால் எதனோடும் compare பண்ண முடியாத வெற்றி - இது நஸ்ருல்லாஹ் - அதாவது அல்லாஹ்வின் உதவி.
-
அடுத்து வெற்றி எனும் வார்த்தை, இந்த வார்த்தைக்கு அரபியில் “ஃபத்ஹு” என்ற வார்த்தை பயன்படுத்தப்பட்டிருக்கிறது. இதெ “ஃபத்ஹு” என்ற வெற்றியை குறிக்கும் வார்த்தை குரான் ஷரீஃபில் பிறிதொரு இடத்தில் இடம் பெற்றிருக்கிறது.
48. ஸூரத்துல் ஃபத்ஹ் (வெற்றி) - 1வது வாக்கியம்
நிச்சயமாக நாம் ஒரு தெளிவான வெற்றியாக (ஃபத்ஹன்) உமக்கு வெற்றி (ஃபதஹ்னா) அளித்துள்ளோம்.
பெருமானார் (ஸல்) அவர்களின் வாழ்வில் அரசியல் வெற்றியாக குறிப்பாக இரண்டு வெற்றியை சொல்லலாம்.
1. ஹுதைபிய்யாவில் கிடைத்த வெற்றி
2. மக்கா வெற்றி
மேலே குறிப்பிட்ட இந்த வெற்றி ஹுதைபிய்யாவில் கிடைத்த வெற்றியை குறிக்கிறது.
ஹுதைபிய்யா எனும் இடத்தில் பெருமானாரோடு குறைஷிகள் எழுத்து பூர்வமான ஒப்பந்தம் போட முன்வந்தார்கள். ஒப்பந்தத்தில் என்னவோ முஸ்லீம்களுக்கு எதிரான வாசகங்கள் நிரம்பி தான் இருந்தன. உதாரணமாக எந்த நோக்கத்திற்காக முஸ்லீம்கள் புறப்பட்டு வந்தார்களோ ஹஜ் செய்வதற்காக அந்த ஹஜ் யாத்திரையை அந்த ஆண்டு நிறைவேற்றாமல் திரும்பிவிட வேண்டும் என்று இருந்தது.
இதை பெரும்பாலான முஸ்லீம்கள் மிகப் பெரிய தோல்வியாக கருதினார்கள். இந்த ஒப்பந்தத்திற்கு இணங்க கூடாது என்று கேட்டுக் கொண்டார்கள்.
ஆனால் இறைவன் இவ்வாறு ஒப்பந்தம் செய்ததை “தெளிவான வெற்றி” என்று வர்ணிக்கின்றான்.
இத்தனை ஆண்டு காலமாக பெருமானார் (ஸல்) அவர்களை சொல்லணா துன்பமிழைத்தனர்.
பைத்தியக்காரர்கள் என்று கூறினர்
கல்லை விட்டெறிந்தனர்
டெர்ரரஸிட் என்றனர்
எக்ஸ்டிரீமிஸ்ட் என்றனர்
இவர்கள் மனிதநேயமற்றவர்கள் என்று புலம்பினர்
இவர்கள் பெண்களை அடிமைபடுத்துகிறார்கள் என்று உளறினர்
சமுதாயத்தில் ஒதுக்கப்பட்டனர்
வீட்டை விட்டு ஊரை விட்டு வெளியேற்றினர்
- இப்படியெல்லாம் பெருமானாரை (ஸல்) அவர்களை recognizeசெய்யாமல் இருந்த மக்கத்து குறைஷிகள் இங்கே ஒரு மிகப் பெரும் தலைவராக மதித்து ஒப்பந்தம் போட முன்வந்தனர்.
பெருமானார் (ஸல்) அவர்களின் மக்காவில் 13 ஆண்டுகள் அடைந்த தொல்லைகளுக்கும், மதினாவில் 6 ஆண்டுகள் அடைந்த மன உளைச்சலுக்கும், எல்லாவற்றுக்கும் மேலாக அவர்களின் இறைநம்பிக்கைக்கும் பொறுமைக்கும் அவர்களை recognize செய்வதை விட அந்த நேரத்தில் மக்கத்து குறைஷிகளுக்கு வேறு வழியில்லாமல் கொண்டு வந்து விட்டிருந்தது.
இந்த ஒப்பந்த செய்தி அக்கம் பக்கத்து அரபு நாடுகளுக்கு பரவ ஆரம்பித்ததும் அவர்கள் பெருமானார் (ஸல்) அவர்களை மிகப் பெரும் தலைவராக பார்க்கத் துவங்கினார்கள். இதை தான் அல்லாஹ் தெளிவான வெற்றி என்று மிக அழகாக குறிப்பிடுகிறான்.
ஆனால் இந்த வெற்றி கூட “பத்ஹன்” என்று கடைசியாக அரபி எழுத்தான “நூன்” என்ற வார்த்தையோடு வருகிறது.
ஆனால் நாம் பார்த்து கொண்டிருக்கும் இந்த அத்தியாயத்தில் வரும் “வல் ஃபத்ஹு” என்ற வார்த்தையோ “அந்த வெற்றி The Victory” என்று கம்பீரமாக தனித்து நிற்கிறது. ஆகையினால் இது ஹுதைபிய்யா வெற்றியை விட மிக பெரிய வெற்றியை குறிக்கிறது.
இரண்டாவது வாக்கியம்:
மேலும் அல்லாஹ்வின் மார்க்கத்தில் மக்கள் அணியணியாக பிரவேசிப்பதை நீங்கள் காணும் போதும்
இந்த வசனத்தில் அல்லாஹ் பெருமானார் (ஸல்) அவர்களிடம் குறிப்பாக ஒன்றை சொல்கிறான், அது தான் “நீங்கள் கண்களால் பார்ப்பீர்கள்...” என்று -
எதை?
மக்கள் அணியணியாக group after group அல்லாஹ்வின் மார்க்கத்தில் (தீனில்லாஹி) பிரவேசிப்பதை
மற்ற நபிமார்களை போல் அல்லாமல் பெருமானார் (ஸல்) அவர்கள் அவர்களின் வாழ்நாளிலேயே மக்கள் அணியணியாக பிரவேசிப்பதை பார்ப்பார்கள். அல்லாஹ் பெருமானர் (ஸல்) அவர்களின் மனதை ஆறுதல் படுத்துகிறான், பொறுமைக்கு கூலி வழங்குகின்றான்.
உமர் (றலி) அவர்கள் இந்த ஆயத்திற்கான விளக்கத்தை சுல்தானுல் முஃபஸ்ஸிரீன் (the king of all those who explain) என்றழைக்கப்பட்ட இப்னு அப்பாஸ் (றலி) அவர்களிடம் வினவிய போது பெருமானார் (ஸல்) அவர்களிடம் ஒப்படைக்கப்பட்ட mission முடிவுக்கு வந்துவிட்டதை உணர்த்துவதாக விளக்கமளித்துள்ளார்கள்.
பெருமானார் (ஸல்) அவர்களிடம் ஒப்படைக்கப்பட்ட பொறுப்பான அல்லாஹ்வின் மார்க்கத்தில் அழைப்பு பணி மக்கள் எல்லோரும் அணியணியாக வந்து சேர்ந்தால் உதாரணமாக யெமன் நாட்டிலிருந்து 700 பேர்கள் வந்து இஸ்லாத்தில் இணைந்தனர் அவர்களின் பொறுப்பு ஒரு முடிவுக்கு வந்து விட்டது என்பது தான் பொருளாகும் என்ற அவர்களின் வியக்கத்தக்க ஒரு view pointஐ வெளிப்படுத்தினார்கள்.
(இப்னு அப்பாஸ் (றலி) அவர்களை பற்றிய ஒரு ஹதீது: Narrated By Ibn 'Abbas: Once the Prophet embraced me and said, "O Allah! Bestow on him the knowledge of the Book (Qur'an)." [Sahih Bukhari, Vol 1, Book 3, Hadith #075])
மூன்றாவது வாக்கியம்:
3. உம்முடைய இறைவனின் புகழைக் கொண்டு தஸ்பீஹு செய்வீராக; மேலும் அவனிடம் பிழை பொறுக்கத் தேடுவீராக - நிச்சயமாக அவன் தவ்பாவை ஏற்றுக் கொள்பவனாக இருக்கின்றான்
பெருமானார் (ஸல்) அவர்களிடம் ஒப்படைக்கப்பட்ட பணி வெற்றிகரமாக முடிவுற்றவுடன் அவர்கள் இரண்டு செயல்களை செய்ய வேண்டும்.
1. இறைவனின் புகழை கொண்டு தஸ்பீஹ் செய்வது
2. இறைவனிடம் மன்னிப்பு கோருவது
பொதுவாக ஏதேனும் துன்பமோ துயரமோ நம்மை அடைந்து விட்டால், அல்லாஹ்வை ஒரு மனதாக நினைத்து கேட்க வேண்டியதை பட்டியலிட தொடங்கிவிடுவோம், அதுவே ஒரு நல்லது நடந்து விட்டால் பேருக்கு அல்லாஹ்வின் பேரை ஒரு வார்த்தையில் புகழ்ந்து விட்டு கிடைத்த நல்லதை அனுபவிக்க அதில் மூழ்கி விடுவோம்.
ஆனால் பெருமானார் (ஸல்) அவர்களின் வாழ்க்கை வரலாறோ நமக்கு வேறு விதமாக இருக்க கற்று தருகிறது.
பெருமானார் (ஸல்) அவர்கள் மக்காவை பெரும் படை கொண்டு எந்த இரத்தவெறியாட்டம் இல்லாமலும் வன்முறை இல்லாமலும் அமைதியான வெற்றியை கண்ட போது எந்த போர் வீரரும் மக்களின் மீதோ அல்லது அவர்களின் உடைமைகள் மீதோ உரிமை கொண்டாடவில்லை. இராணுவ அணிவகுப்பு நடைபெறவில்லை, கொலைவெறி கோஷங்கள் இல்லை, ஒரு /பார்ட்டி இல்லை, டான்ஸ் இல்லை, மாறாக போர்வாள் உறைக்குள் மறைந்து ஒலிந்து கொண்டிருந்தது.
பெருமானார் (ஸல்) அவர்கள் மிகவும் தாழ்மையோடு இறையில்லத்தில் அமைதியாக தவாப் செய்ததையும், இறைவனை புகழ்ந்து வணங்கியதையுமே பார்த்து வியக்க முடிகிறது.
இறைவன் முதலாவதாக தஸ்பீஹ் செய்ய சொல்கிறான். குரான் ஷரீஃபின் கீழ்வரும் வாக்கியத்தை கவனிப்போம்:
இவ்வேதத்திலிருந்து உமக்கு அறிவிக்கப்பட்டதை நீர் எடுத்தோதுவீராக; இன்னும் தொழுகையை நிலை நிறுத்துவீராக; நிச்சயமாக தொழுகை மானக்கேடானவற்றையும் தீமையையும் விட்டு விலக்கும். நிச்சயமாக, அல்லாஹ்வின் திக்ரு (நினைவு கூறுவது) மிகவும் பெரிதாகும்; அன்றியும் அல்லாஹ் நீங்கள் செய்பவற்றை நன்கறிகிறான்.
ஆகவே
அல்லாஹ்வின் உதவி என்பது பெரியது
அல்லாஹ்வை நினைவு கூர்வது, புகழைக் கொண்டு தஸ்பீஹ் செய்வது என்பது மிகப்பெரியது.
